Luuk 18:31 - EBƆRƐ BE KAWƆL

³¹ Saŋko Yesu keta mbe bebɛsopo na n lar ekarso ŋ kaŋɛ bumo le: “Men keni, anyee yɔ Jerusalɛm nna nɛ asɔ nɛ anebiana na wu ma, Nyiŋgbasa Pibinyɛn be asheŋ n sibɛ n nase na kikɛ e ya bɔla ekpa.

Luuk 18:31 ပူးပေါင်းရင်းမြစ်များ

Danɛl 9:26

Loŋ be saŋɛ na kaŋ ya ka fo ekar, baaŋ mɔ Ebɔrɛ be ejuŋkparpo laraso na. Ejuŋkparpo lempo ko be benapo nɛ baa kɔ a sɔ nde na beeŋ ba mur kadegboŋ na nɛ bɔrɛlambu na kikɛ fanɛ kananɛ nchu bee bɔlɔ a mur kusɔ kama na. Kena malɛ nɛ asɔ be kejija beeŋ baa wɔtɔ nna hale n ya fo Ebɔrɛ be kepar be saŋɛ.

Zakareya 13:7

Kede be kaman nɛ Enyɛnpetale Ebɔrɛ na kaŋɛ: “Tokobi, koso ŋ kɔ mbolpɔkpapo nɛ e bee shuŋ a sa ma na m mɔ mo nɛ mbolpɔ na e yeŋ to m pesaŋ to. Saŋɛ na so meeŋ nya ŋ kɔ ma basa.

Matiu 16:21

Yili kumo be kamɔnchɛ na a yɔ nɛ Yesu fara a ŋini mbe bebɛsopo na le: “A daga ŋ ka yɔ Jerusalɛm n ya ji awurfoŋ ga benimuana nɛ bɔrɛmatapowuraana nɛ mbraŋinipoana na be enɔ to. Baaŋ mɔ ma nɛ n tiŋi luwu na to kumo be kachɛ sasopo to.”

Matiu 27:63

“Ebunyampo, an nyiŋi saŋɛ nɛ efɛpo na daa wɔ ŋkpa to ka kaŋɛ le: ‘Ŋ kaŋ wu, meeŋ tiŋi luwu na to kumo be kachɛ sasopo to.’

Maak 8:9

Basa na daa sa fanɛ basa ŋgboŋ ana. Kumo be kaman nɛ bebɛsopo na tise ejiŋka na m bɔlɔ nlantaŋɛ ashunu. Ndoŋ nna nɛ Yesu shin nɛ basa na yɔ epe,

Luuk 10:30

Nɛ Yesu naŋ kaŋɛ mo: “Kanyɛn ko e daŋ lar Jerusalɛm a yɔ Jɛriko nɛ beyu ya nyaŋ mo n suge mbe asɔbuuso nseŋ bri mo m bɛlɛ to. Kumo be kaman nɛ b yige mo loŋ n nase nseŋ shile n choŋ.

Luuk 9:22

“A daga fanɛ ma, Nyiŋgbasa Pibinyɛn e ji awurfoŋ ga nɛ benimuana nɛ bɔrɛmatapowuraana nɛ mbraŋinipoana e kini ma nseŋ mɔ ma nɛ n tiŋi luwu na to kumo be kachɛ sasopo to.”

Luuk 9:51

Yesu be keyɔ ebɔrɛso be jemanɛ ka bee taga to nɛ e koso kachako m pɛ Jerusalɛm be ekpa.