Luuk 18:13 - EBƆRƐ BE KAWƆL

¹³ Ndoŋ nna nɛ lamposɔpo na malɛ ya yili kufɔ ŋ kur kumu n yuu kasawule nseŋ bri mbe kagbene so ŋ kaŋɛ: ‘Ebɔrɛ, n la alubiworapo nna, wu ma kuwɔr.’ ”

Luuk 18:13 ပူးပေါင်းရင်းမြစ်များ

2 Samuɛl 12:13

Ndoŋ nna nɛ ewura Deevid kaŋɛ Neetan le: “N wora kulubi ŋ gbiti Enyɛnpe Ebɔrɛ.” Nɛ Neetan kaŋɛ le: “Enyɛnpe Ebɔrɛ gba ta fo alubi m paŋ fo, amoso fo maaŋ wu.

2 Kronikɛls 33:19

Ewura Manase be kabɔrɛkule nɛ kananɛ Ebɔrɛ nu mbe kekule, nɛ alubi nɛ e wora kikɛ pɔɛŋ nseŋ chɛrga, nɛ nnyamase be agbirana nɛ e shuŋ nɛ mboŋ nɛ e pɔr kegbirche Ashira nɛ agbirana be mpɔrduli, nɛ asheŋ nɛ e wora kikɛ be asheŋ wɔ anebiana be adrasheŋ be nwɔl to.

2 Kronikɛls 33:23

Ammɔn bre daa maŋ chɛrga mbe nfɛra m bar mbe kumu ase n sa Enyɛnpe Ebɔrɛ fanɛ kananɛ mo tuto daŋ wora na. Mo ere be kulubi gba daa chɔ mo tuto peya ga.

Ɛzra 9:6

nseŋ kule Ebɔrɛ ŋ kaŋɛ: “O ma Ebɔrɛ, k kɔ ma nyɔmɔ nɛ anishinyɔr nna fanɛ ŋ ka beeŋ maŋ ma enɔ so fo anishito, ŋkpal manɛ so, anyi be alubi shi m baŋ anyi so hale n dii n ya fo ebɔrɛso gba kuraa.

Job be kawɔl 42:6

Amoso nɛ ŋ gbagba be asheŋ bee nu ma agbo nɛ n tuba nseŋ chena nsunɔ to, a ŋini kebɔltofinfin nɛ k kɔ ma.”

Nshɛ 106:6

Anyi nɛ an nanaana kikɛ wora asheŋ lubi ga.

Nshɛ 119:41

Enyɛnpe Ebɔrɛ, ŋini ma fo kasha nseŋ mɔlga ma, fanɛ kananɛ fo nase kɔnɔ na;

Nshɛ 130:7

Israɛlebi, men yirda Enyɛnpe Ebɔrɛ na! Ŋkpal manɛ so, mbe kasha nɛ k maa chɛrga na maa loge kikɛ; mo alɛ kɔ eleŋ nɛ e tiŋ m mɔlga menyi.

Nshɛ 25:11

O Enyɛnpe Ebɔrɛ, ta alubi damta nɛ n wora m paŋ ma, ŋkpal fo ketre so.

Nshɛ 25:7

Ta ma kebiato be alubi nɛ kusoe kpakpaso be asheŋ woraso m paŋ ma, nseŋ nyiŋi ma ŋkpal fo kasha nɛ fo alelasheŋ so.

Nshɛ 40:12

Ma etɔrɔsheŋ shi alegaiso nɛ ma alubi kulti ma n wɔtɔ kaplɛkama nɛ m maŋ naa nyi kusɔ nɛ meeŋ wora. Ma alubi shi a chɔ emin nɛ a wɔ ma kumu so gba, nɛ kumo be loŋ shin nɛ m pɔ aba.

Nshɛ 41:4

Enyɛnpe, jande wu ma kuwɔr! Hale ŋ ka wora alubi n da fo so ere gba kikɛ, ta m paŋ ma.

Ɛksodɔs 33:10

Saŋkama nɛ basa na baŋ wu kuwɔlpa na ka yili nshɛr be wajɛbu na be kabuna to, bumo kikɛ bee gbir bumo be wajɛbu be kabuna to nna a bunyaŋ.

Aizaaya 1:18

Ade be kaman nɛ Enyɛnpe Ebɔrɛ na naŋ kaŋɛ le: “Naniere, men shin nɛ an ji kesheŋ na. Kulubi shin nɛ men pere kpeŋ fanɛ ŋklaŋ, ama meeŋ fɔr menyi so nɛ men fuli parr a chɔ ateebi.

Aizaaya 6:5

Ndoŋ nna nɛ ŋ kaŋɛ le: “Tama maaŋ naa wɔtɔ n sa ma nna na! Asheŋ maaŋ nyalɛ n sa ma, ŋkpal manɛ so, kamalga kikɛ nɛ k beeŋ lar ma kɔnɔ to la kulubi nna. Ma alɛ nɛ basa nɛ bumo be mmalga kikɛ la alubi e wɔtɔ, ama ma alɛ wu Enyɛnpetale Ebɔrɛ na kenishiso.”

Aizaaya 66:2

Ma e to durnya kikɛ nseŋ shin nɛ kusɔ kikɛ wɔtɔ. Basa nɛ bumo be asheŋ bee par ma nɛ mee keni bumo a bɔlɔ kenishi, e la basa nɛ baa bar bumo be amu kaseto nsaa tuba ashi bumo be alubi to ŋko bumo nɛ baa ŋana ma nsaa wora ma kasonu na.

Ezikɛl 16:63

Meeŋ ta fo alubi m paŋ fo, ama feeŋ baa nyiŋi amo nɛ nyɔmɔ e pɛ fo nɛ fo maaŋ naŋ tiŋ m bugi kɔnɔ. Ma, Enyɛnpetale Ebɔrɛ e kaŋɛ na.”

Danɛl 9:5

an wora alubi nsaa kɔ alubi ashi anyi be ŋgbene to. An wora amu kpakpaso n ya baŋ so nseŋ kini kebɛ fo mbra nɛ fo keŋini so.

Matiu 10:3

nɛ Filip nɛ Baatɔlomiu nɛ Tɔmas nɛ Matiu, lamposɔpo na nɛ Jeems Alfias pibi nɛ Tadias

Matiu 6:5

Nɛ men baa kule Ebɔrɛ, men sa maa kule fanɛ kananɛ kebirkɔnshiwuraana bee kule na. Ŋkpal manɛ so, bumo ere bee kaa sha fanɛ b baa yil nshɛrbuana to nɛ ŋkpancheriana to nna a kule Ebɔrɛ nɛ basa e wu bumo. Kashenteŋ nɛ mee kaŋɛ menyi na, b teŋ nya bumo be kechɔrɔ kikɛ.

Matiu 9:13

Le nɛ abɔrɛsibɛ na bee kaŋɛ fanɛ Ebɔrɛ bee kaŋɛ: ‘Mannɛ esarga be kelara nɛ mee sha. Abar be kebaawora kelela nɛ mee sha.’ Men ya keni n fin kumo be kifito. M maŋ ba nna nɛ m ba tre basa nɛ baa tre bumo be amu basa lela, alubiworapoana nɛ m ba nɛ m ba tre.”

Maak 11:25

Nɛ men ya kaa yil a kule Ebɔrɛ, men baa kɔ nfɛra niŋiso a sa esa kama nɛ e wora n da menyi so na nsaa ta a paŋ mo nɛ men Tuto nɛ e wɔ ebɔrɛso na e ta menyi alɛ gba be alubi m paŋ menyi.

Luuk 17:12

E ka ba kaa luri kadebi ko to nɛ bebotipo kudu ko yili kufɔ

Luuk 22:41

Ndoŋ nɛ e yige bumo nseŋ yɔ anishito gbrɛ n ya gbir ŋ kule Ebɔrɛ ŋ kaŋɛ le:

Luuk 23:48

Basa damta nɛ b daŋ ba shɛr ndoŋ a keni na, ka wu asheŋ na kikɛ nɛ b bɛta n ta enɔana a bri bumo be ŋgbene so a yɔ epe.

Luuk 5:8

Saimɔn Pita ka wu asheŋ nɛ a wora na kikɛ nɛ e ya gbir Yesu be anishito nseŋ kaŋɛ: “Enyɛnpe, yige ma, ŋkpal manɛ so, n la alubiworapo nna.”

Ashuŋ Shunso 2:37

Basa na ka nu asɔ nɛ Pita malga na kikɛ nɛ bumo be ŋgbene kaa nɛ b bishi Pita nɛ mo braana beshuŋipoana na: “An kurgepoana, nuso nɛ anyeeŋ wora?”

Romebi 5:8

Ama kananɛ Ebɔrɛ ŋini anyi mbe kasha nde fanɛ saŋɛ nɛ an daa la alubiworapoana na nɛ Yesu wu n sa anyi.

2 Kɔrintebi 7:11

Men keni kusɔ nɛ le be kagbenejija nɛ k bee par Ebɔrɛ ere bar menyi, kananɛ k ta menyi ŋ ki kenishiperewuraana. Men keni kananɛ k bar menyi men be amu be kekɔnsɔ be eleŋ loŋ nseŋ keni kananɛ k shin nɛ men be ŋgbene kaa nɛ kananɛ k bar menyi kufu nɛ kasha nɛ ŋgbene mo nɛ a maa lar esa kaman. Men naŋ keni kananɛ k shin nɛ menyee sha kewu asheŋ nɛ amo be kashenteŋ be ekpa so loŋ. Kashenteŋto, men ŋini fanɛ ekpa kama so, men maŋ wora n da so ashi le be asheŋ ere to.

1 Timoti 1:15

Le be kamalga ere la kashenteŋ nna, kumo alɛ maŋ kɔ emɔrɔ kikɛ fanɛ: Kristo Yesu ba durnya to nna nɛ e ba mɔlga basa ashi bumo be alubi to, ma alɛ be alubi e shi a chɔ ekama peya.

Hibruwebi 4:16

Amoso, naniere, men shin nɛ an nya kagbene m ba Ebɔrɛ na be kuwurputiakpa, kakpa nɛ kuwɔr be kakɛ wɔ na. Ndoŋ nɛ Ebɔrɛ beeŋ wu anyi kuwɔr nɛ an nya kuwɔr be kakɛ mo nɛ k beeŋ chɛ anyi to saŋɛ nɛ k daga na.

Hibruwebi 8:12

Meeŋ ta bumo be alubisheŋ m paŋ bumo ŋkaa maaŋ naŋ nyiŋi bumo be alubi na kikɛ.”