Luuk 18:11 - EBƆRƐ BE KAWƆL

¹¹ Ndoŋ nna nɛ Farisinyɛn na ya yili ŋ kule Ebɔrɛ ŋ kaŋɛ: ‘Ebɔrɛ, mee chɔrɔ fo ga fanɛ ma ere maŋ du fanɛ m braana a suge basa ŋko a la esa lubi ŋko a la esa nɛ e wɔtɔ a kɔ eche nsaa di beche jijiga ŋko a du fanɛ lamposɔpo nɛ e yil ere gba.

Luuk 18:11 ပူးပေါင်းရင်းမြစ်များ

Nshɛ 134:1

Menyi nɛ men la Enyɛnpe Ebɔrɛ na be nyɛrbi a shuŋ mo ashi mbe bɔrɛlambu to kanyɛso na e baa di mo epaŋ.

Nshɛ 135:2

Menyi nɛ menyee shuŋ Enyɛnpe anyi be Ebɔrɛ na ashi mbe bɔrɛlambu to na e kpaŋ mbe ketre.

Aŋasa 20:6

Basa damta bee tre bumo amu beshenteŋjipo nna, ama kashenteŋ be beshenteŋjipo maa tiŋ a nya.

Aŋasa 30:12

Beko malɛ bee fɛ fanɛ baa wora asheŋ nɛ a niŋi nna ama alubi damta e bɔlɔ bumo to.

Aizaaya 1:15

Nɛ menyee maŋ menyi be enɔana so ashi kabɔrɛkule to, m maaŋ gbɛ ŋ keni menyi gba. Kanaŋkama nɛ men kule ma gba, m maaŋ nu n sa menyi, ŋkpal manɛ so, men la bemɔpo nna nɛ ŋklaŋ gbiti menyi be enɔana.

Aizaaya 58:2

Baa shuŋ ma karechɛ kikɛ nna a ŋini fanɛ b pere kenishi a sha kepin ma ekpa nseŋ wora ma mbraana kasonu fanɛ efuli nɛ k bee wora kusɔ nɛ k daga. B yɛ n sa bumo mbraana nɛ a maa kpɛa basa to nseŋ naa leŋ bumo to a kaŋɛ fanɛ bumo kebaashuŋ ma na bee wora bumo ebel nna.”

Aizaaya 65:5

Ade be kaman nɛ b kaŋɛ basa pɔtɛ le: “Men sa maa mata anyi, an du cheembi ga nɛ men baa bɛta anyi!” Le be basa du fanɛ edishi nna a luri ma kamuna to a kpar ma. Ma agbo a laŋɛ bumo be kaplɛa so, du fanɛ edɛ nɛ k maa duŋ kikɛ na nna.

Jɛremaya 2:28

Agbirana nɛ men lɔŋɛ n sa menyi be amu na wɔ nnɛ? Nɛ men baa wɔ etɔrɔ to nseŋ shu n tre amo fanɛ e ba mɔlga menyi, e maaŋ tiŋ m mɔlga menyi ashi ekpa kama so! Kananɛ Juda be efuli so be ndeana kikɛ sa, aloŋ nɛ kumo be agbirana gba sa.

Jɛremaya 2:35

a le nɛ menyee kaŋɛ: ‘Anyi maŋ wora kulubi kikɛ. Enyɛnpe Ebɔrɛ na malɛ maŋ nya agbo n wɔtɔ anyi.’ Amoso meeŋ gberge menyi kusoe ŋkpal men ka chɛ fanɛ menyi maŋ wora kulubi so.

Ezikɛl 33:31

Amoso ma basa bee chala nna m ba nu kusɔ nɛ fo kɔ a kaŋɛ, ama bumo alɛ maaŋ wora kusɔ nɛ fo kaŋɛ fanɛ b wora na. Kashaso nɛ baa malga a sa abar, ama kejimuni nɛ kapuni e bɔlɔ bumo be ŋgbene to.

Maika 3:11

Kadegboŋ na be bejuŋkparpoana bee sɔ asɔ basa kutɔ nna pɔɛŋ nsaa ji bumo be asheŋ a sa bumo. Bɔrɛmatapoana nɛ anebiana na malɛ bee sɔ amansherbi nna pɔɛŋ nsaa ŋini mbraana na ŋko a wu abɔrɛsheŋ a kaŋɛ basa. Kumo be kaman nɛ b kilgi ŋ kaŋɛ le: “Enyɛnpe Ebɔrɛ na wɔ anyi kutɔ, amoso shɛŋ maaŋ tiŋ n wora anyi.”

Matiu 10:3

nɛ Filip nɛ Baatɔlomiu nɛ Tɔmas nɛ Matiu, lamposɔpo na nɛ Jeems Alfias pibi nɛ Tadias

Matiu 5:20

Ŋkpal manɛ so, ma e kaŋɛ menyi na fanɛ, nɛ men be alelasheŋ maŋ shi a chɔ mbraŋinipoana na nɛ Efarisiana na peya, men maaŋ luri Ebɔrɛ be kuwura na to kikɛ.

Matiu 6:5

Nɛ men baa kule Ebɔrɛ, men sa maa kule fanɛ kananɛ kebirkɔnshiwuraana bee kule na. Ŋkpal manɛ so, bumo ere bee kaa sha fanɛ b baa yil nshɛrbuana to nɛ ŋkpancheriana to nna a kule Ebɔrɛ nɛ basa e wu bumo. Kashenteŋ nɛ mee kaŋɛ menyi na, b teŋ nya bumo be kechɔrɔ kikɛ.

Maak 11:25

Nɛ men ya kaa yil a kule Ebɔrɛ, men baa kɔ nfɛra niŋiso a sa esa kama nɛ e wora n da menyi so na nsaa ta a paŋ mo nɛ men Tuto nɛ e wɔ ebɔrɛso na e ta menyi alɛ gba be alubi m paŋ menyi.

Luuk 20:47

Bumo e naa puni bekulpocheana a suge bumo be nwu nsaa ta kabɔrɛkule tenteŋ kebirkɔnshiso a kule Ebɔrɛ na. Ŋkpal loŋ be asheŋ ere kikɛ so, bumo be kasogberge beeŋ baa shi a chɔ ekama peya.”

Luuk 22:41

Ndoŋ nɛ e yige bumo nseŋ yɔ anishito gbrɛ n ya gbir ŋ kule Ebɔrɛ ŋ kaŋɛ le:

Galeeshaebi 3:10

Bumo nɛ b ta bumo be nfɛra n wɔtɔ mbra na be kebɛso na to na wɔ kɔnɔso to nna na, ŋkpal manɛ so, le nɛ abɔrɛsibɛ na bee kaŋɛ: “Ebɔrɛ be kɔnɔso wɔ ekama nɛ e maa bɛ mbra na be kawɔl na so nɛnɛ saŋkikɛ na so nna.”

Filipaiebi 3:6

Keshuŋ Ebɔrɛ malɛ be asheŋ daŋ pere ma kenishi ga hale nɛ n daa wɔtɔ a tɔrɔ asɔri to ebi. Mbra na malɛ be kebɛso be kulubi kikɛ daa maŋ wɔ ma to.

Kelaraŋŋini 3:17

Men yɛ: An dii dama n nya kusɔ kama nyam nɛ anyee sha, anyi maŋ naa sha shɛŋ. Ama menyi alɛ maŋ nyi fanɛ men la awurfoŋwuraana nɛ basa nɛ bumo be asheŋ kɔ kuwɔr nɛ betirpo nɛ betanpo nɛ basa delgeso nna.