Luuk 18:1 - EBƆRƐ BE KAWƆL

¹ Nɛ Yesu bɔ bumo keŋasa ere a ŋini kananɛ a daga fanɛ b baa kule Ebɔrɛ saŋkama nsaa maa pɔ aba.

Luuk 18:1 ပူးပေါင်းရင်းမြစ်များ

Nshɛ 102:17

E beeŋ wu betentaŋasepo kuwɔr nseŋ nu bumo be kabɔrɛkule.

Nshɛ 27:13

M baa nyi geeŋ fanɛ meeŋ ji efute, nseŋ wu fo alelasheŋ durnya ere to.

Nshɛ 65:2

Ekama beeŋ ba fo kutɔ ŋkpal fo ka bee nu kekule so.

Nshɛ 86:3

O Enyɛnpe Ebɔrɛ, wu ma kuwɔr! Kachɛ lelemu nɛ mee shu a tre fo.

Aizaaya 40:31

Ama bekama nɛ b yirda Enyɛnpe Ebɔrɛ na beeŋ nya eleŋ popɔr. Baaŋ ber atɛ to ŋ koso n firgi n yɔ awɔlto fanɛ ejɔnɔkoso; bumo alɛ beeŋ shile ga, ama b maaŋ gben a chul to; baaŋ nite ekpa tenteŋ, ama b maaŋ gben m bɛlɛ.

Aizaaya 62:7

B sa maŋ sa Enyɛnpe Ebɔrɛ na ewushi kikɛ, ama e bɛta Jerusalɛm nna n yili kumo be eyilikpa, nseŋ shin nɛ k ki kadegboŋ nɛ durnya to be basa kikɛ bee kpaŋ kumo na nna.

Jɛremaya 29:12

Saŋɛ na so menyeeŋ bɛta m ba ma kutɔ m ba shu n tre ma a fin kechɛto nɛ n nu menyi be kekule na.

Jona 2:7

Ma ŋkpa kaa bee fo ekar na nɛ n nyiŋi fo, Enyɛnpe Ebɔrɛ na, nseŋ kule fo nɛ fo nu ma kekule ashi fo bɔrɛlambu cheembi na to.

Luuk 11:10

Ŋkpal manɛ so, ekama nɛ e kule beeŋ nya, ekama nɛ e fin beeŋ wu nɛ ekama malɛ nɛ e ŋmɛa kabuna, baaŋ bugi n sa mo.

Luuk 21:36

Amoso, men baa da so saŋkama a kule Ebɔrɛ eleŋ nɛ menyeeŋ tiŋ n ta n luri asheŋ nɛ a beeŋ wora ere kikɛ to n lar nseŋ tiŋ m ba yili ma, Nyiŋgbasa Pibinyɛn be anishito.”

Romebi 12:12

Men shin nɛ menyi be tama e baa sa menyi kagbenefuli nɛ men baa ji kanyiti ashi menyi be etɔrɔ to nsaa kule Ebɔrɛ saŋkama.

2 Kɔrintebi 4:1

To, ŋkpal Ebɔrɛ ka wu anyi kuwɔr n sa anyi le be kushuŋ ere so, anyi maa pɔ aba.

Galeeshaebi 6:9

Amoso, men sa maŋ shin nɛ kelela be kewora e baa gben menyi, ŋkpal manɛ so, nɛ an baa maŋ pɔ aba nsaa kɔ to loŋ, kachako anyeeŋ nya kelela be kewora be asɔ.

Ɛfesesebi 6:18

Jemanɛ kikɛ, men baa kule Ebɔrɛ ashi kiyoyu na to a ta kabɔrɛkule be yiri kikɛ nɛ asheŋ nɛ menyee sha fanɛ a wora kikɛ a kule Ebɔrɛ. Men baa kɔ le be asheŋ ere men be ŋgbene to nsaa keni so a de so nsaa kule Ebɔrɛ saŋkama a sa Ebɔrɛ be basa kikɛ.

Filipaiebi 4:6

Men sa maa fɔŋ kusɔ kama so men be kebaawɔtɔ to, ama kusɔ kama to men baa kaŋɛ Ebɔrɛ men be asheŋ tirso be asheŋ a kule mo fanɛ e chɛ menyi to nsaa chɔrɔ mo.

Kɔlɔsiebi 4:12

Epafras nɛ e la Yesu Kristo be eshumpo nsaa la menyi yiri koŋwule na bee chɔrɔ menyi. Saŋkama e bee bugi mbe kagbene to nna a kule Ebɔrɛ a sa menyi nɛ men baa kɔ men be yirda na to kpakpa nɛ men be abɔrɛsheŋ be kenyi e baa wora keshi a ti so nsaa nyi kusɔ kama nɛ Ebɔrɛ bee sha a maa kɔ yalayala.

Kɔlɔsiebi 4:2

Men baa wɔ kabɔrɛkule kpakpaso to a de so nsaa chɔrɔ Ebɔrɛ men be kabɔrɛkule na to. Men baa kule a sa anyi alɛ gba nɛ Ebɔrɛ e sa anyi ekpa nɛ an kaŋɛ Yesu Kristo be asheŋ, kede e la wulo nɛ Ebɔrɛ daa maŋ naŋ bugi to ŋ ŋini basa na.

1 Tɛsalɔnikaebi 5:17

a kule Ebɔrɛ saŋkama.

1 Samuɛl 1:12

Haana daŋ kule Ebɔrɛ n chɛr nɛ Eli bee keni mbe kɔnɔ.