Luuk 17:30 - EBƆRƐ BE KAWƆL

³⁰ To, loŋ gbagba be kebaawɔtɔ nɛ basa beeŋ baa kɔ kachɛ nɛ ma, Nyiŋgbasa Pibinyɛn beeŋ lara ma kumu ŋ ŋini durnya ere na.

Luuk 17:30 ပူးပေါင်းရင်းမြစ်များ

Matiu 16:27

Ma, Nyiŋgbasa Pibinyɛn beeŋ keta ma emalaika na nɛ n Tuto be kemaŋkura m ba nseŋ ba yili ekama be ashuŋ nɛ e wora so ŋ ka mo kukɔ.

Matiu 24:3

Kamalga na be kaman nɛ Yesu lar ndoŋ n ya kaa tase Ɔlifs be kebee na so nɛ bebɛsopo na ŋana m ba mo kutɔ m ba bishi mo: “Kaŋɛ anyi saŋɛ mo nɛ kesheŋ nɛ fo malga na beeŋ ba nɛ manɛ malɛ e naaŋ ŋini fanɛ fo keba na be jemanɛ taga to nɛ durnya be ekar na malɛ fo.”

Matiu 24:37

Ma, Nyiŋgbasa Pibinyɛn na be keba beeŋ ba kaa du fanɛ kananɛ Nowa be jemanɛ daa du na gbagba nna le chap.

Matiu 24:39

B daa maŋ nyi kusɔ nɛ k daa shin nɛ k wora pɔɛŋ nɛ nchugboŋ na ba mur bumo kikɛ nyam. To, loŋ gbagba be kebaawɔtɔ nɛ basa beeŋ baa kɔ kachɛ nɛ ma, Nyiŋgbasa Pibinyɛn na beeŋ ba na.

Matiu 26:64

Ndoŋ nna nɛ Yesu kaŋɛ mo: “Loŋ nɛ fo yɛ na. Ma alɛ bee kaŋɛ menyi nna, yili kabre a yɔ menyeeŋ wu ma, Nyiŋgbasa Pibinyɛn ka tase Elempo na be jisoso nseŋ naŋ wu ŋ ka shi awɔlpa to a ba.”

Maak 13:26

Saŋɛ na so baaŋ wu ma, Nyiŋgbasa Pibinyɛn ka shi awɔlpa so nɛ eleŋgboŋ nɛ kemaŋkura a ba.

Luuk 17:24

Men sa maŋ kaŋ yɔ ŋko m bɛ bumo so. Ŋkpal manɛ so, kananɛ bɔrɛ bee kaa yili awɔlpa be kaba ko so n nyɛkpɛ n ya chute kaba ko so na nɛ ma, Nyiŋgbasa Pibinyɛn beeŋ ba du kachɛ nɛ meeŋ ba na.

Luuk 17:29

Ama kachɛ nɛ Lɔt lar Sodɔm be kade na to nɛ edɛ nɛ abɔrɛjembubi tushiso shi ebɔrɛso n tɔr m mur bumo kikɛ nyam.

Luuk 21:22

ŋkpal manɛ so, naniere baaŋ gberge Israɛlebi kusoe n tal to n shin nɛ abɔrɛsibɛ na kikɛ e bɔla ekpa.

Luuk 21:27

Saŋɛ na so baaŋ wu ma, Nyiŋgbasa Pibinyɛn ka shi awɔlpa so nɛ eleŋ nɛ kemaŋkura gboŋ a ba.

1 Kɔrintebi 1:7

ŋkpal manɛ so, naniere men ka bee jo saŋɛ nɛ baaŋ lara an Nyɛnpe Yesu Kristo ŋ ŋini ere, Kiyoyu to be kakɛ maŋ naa wɔtɔ nɛ menyee paŋ kumo menyi to.

1 Kɔrintebi 1:8

E beeŋ baa wɔtɔ menyi eleŋ to loŋ n ya fo lalaloge na, saŋɛ na so menyeeŋ ji n lar ashi Ebɔrɛ be anishito saŋɛ nɛ an Nyɛnpe Yesu Kristo beeŋ naŋ ba na.

Kɔlɔsiebi 3:4

Amoso, saŋɛ nɛ Yesu Kristo nɛ e la an be ŋkpa na kaŋ lara mbe kumu ŋ ŋini durnya na, menyi alɛ gba beeŋ lar n nya mbe kemaŋkura.

2 Tɛsalɔnikaebi 1:7

Mo e naaŋ sa anyi nɛ menyi nɛ menyee ji awurfoŋ ere ewushi kachɛ nɛ Enyɛnpe Yesu beeŋ lara mbe kumu ŋ ŋini durnya saŋɛ nɛ mo nɛ mbe emalaika lempo beeŋ shi ebɔrɛso m ba nɛ edɛ chɔɔso

1 Pita 1:13

Amoso, men bela men be amu ase nɛnɛ ashi men be nfɛraana to a jo asheŋ be kewora. Men baa kɔ nfɛra cheembi nseŋ ta men be tama kikɛ n wɔtɔ nɛfa mo nɛ menyeeŋ nya saŋɛ nɛ Ebɔrɛ beeŋ lara Yesu Kristo ŋ ŋini na.

1 Pita 1:7

Le be kechɔŋkeni ere bee ba menyi so nna nɛ a ba keni ŋko menyi be yirda na kɔ eleŋ a. Men baa nyi fanɛ hale shuwa nɛ k bee jija ere gba, baa kaa ta edɛ a wora kumo a keni. To, loŋ koŋwule na e daga fanɛ men be yirda mo nɛ k chɔ shuwa na gba, b ka chɔ kumo ŋ keni ŋko k beeŋ tiŋ n yili a. Saŋɛ na so baaŋ di menyi epaŋ nseŋ sa menyi kemaŋkura nɛ bunyaŋ kacha nɛ Ebɔrɛ beeŋ lara Yesu Kristo ŋ ŋini na.

1 Pita 4:13

Ama men shin nɛ men be ŋgbene e baa fuli menyi parr fanɛ men ka bee ji Yesu be tɔrɔ na be ako, saŋɛ na so men be ŋgbene beeŋ fuli menyi saŋɛ nɛ mbe kemaŋkura beeŋ lar efuli na.

1 Jɔn 2:28

To, naniere ma mbi shasoana, men baa kraa wɔ mo to, saŋɛ na so, e kaŋ ba, anyi maaŋ baa shika to kikɛ, anyi alɛ maaŋ naŋ ji anishinyɔr mbe anishito ŋkpal menyi so.

1 Jɔn 3:2

N teri shasoana, naniere an la Ebɔrɛ be mbia nna na, ama kananɛ anyeeŋ ba kaa du kachako so bre e maŋ naŋ lar efuli. Kusɔ nɛ an baa nyi kikɛ e la fanɛ Kristo kaŋ ba lar efuli, anyeeŋ baa du fanɛ mo gbagba nna, ŋkpal manɛ so, anyeeŋ wu mo kananɛ e baa du.

Kelaraŋŋini 1:7

Men keni mo nɛ awɔlpa kulti a ba na, kenishi kama malɛ beeŋ wu mo n ta bumo nɛ b ta kusɔ n da mo m mɔ na n ti so nɛ kasawule ere so be basa kikɛ e shu ŋkpal mo so. Kumo be loŋ bre maŋ kɔ emɔrɔ. Amɛn.