Luuk 17:27 - EBƆRƐ BE KAWƆL

²⁷ Basa daa wɔtɔ nna a ji a nuu nɛ benyɛn bee ta beche nɛ beche malɛ bee yɔ kakil to hale loŋ nɛ kachako nɛ Nowa ya luri ekuloŋgboŋ na to nɛ nchugboŋ na ba mur bumo kikɛ nyam.

Luuk 17:27 ပူးပေါင်းရင်းမြစ်များ

Jɛnesis 7:23

Ebɔrɛ daŋ mur kusɔ futeso kama nyam nɛ k daa wɔ kasawule so nna. Nowa nɛ bekama nɛ b daŋ ti mo so na nɛ asɔbɔya nɛ mbuibi nɛ asɔ gbeyeso nɛ a daa wɔ kuloŋgboŋ na to na nawule e daŋ ka.

Jɛnesis 7:7

Ama Nowa bre nɛ mbe eche nɛ mbe bibinyɛn nɛ bumo be beche daŋ luri kuloŋgboŋ na to nna nɛ nchu na maŋ mur bumo.

Aizaaya 21:4

Ndoŋ nna nɛ ma nfɛra wul ma to nɛ kufu pɛ ma ga nɛ mee chicha. N daa yɛlga fanɛ kaaseso e fo manaŋ nna nɛ ma eyur e wushi ma, ama kaaseso ka fo nɛ kusɔ nɛ k chɔ loŋ naŋ tu ma.

Aizaaya 47:11

Ama kumulubi gboŋgboŋi beeŋ ba menyi so, Kegbaya damta nɛ men yirda na be kekama maaŋ tiŋ ŋ kuŋ kumo. Kemur cheche nɛ menyee maa ku kumo be edare beeŋ ba purgi menyi epul to!

Matiu 22:30

Ŋkpal manɛ so, ketiŋi luwu to be jemanɛ na basa beeŋ ba kaa du fanɛ emalaika nɛ b wɔ ebɔrɛso na nna. Benyɛn maaŋ ba kaa ta beche, beche malɛ maaŋ ba kaa yɔ kakil to.

Luuk 17:26

Ma, Nyiŋgbasa Pibinyɛn be jemanɛ beeŋ ba kaa du fanɛ Nowa be jemanɛ na gbagba nna le chap.

Luuk 17:28

Lɔt gba be jemanɛ basa daa wɔtɔ nna a ji a nuu nsaa ji yawu nsaa duu asɔ nsaa pɔr ebuana.

1 Samuɛl 30:16

Ndoŋ nna nɛ e yɛr Deevid Amalɛkebi na kutɔ. B ka yɔ bumo kutɔ nɛ baa ji a nuu nseŋ pesaŋ to n sɔ kaplɛkama a ji bumo be eyur ŋkpal b ka ya kɔ Filistiebi nɛ Judaebi kena m pɔɔ bumo so nseŋ ta bumo be asɔ damta so.