Luuk 17:26 - EBƆRƐ BE KAWƆL

²⁶ Ma, Nyiŋgbasa Pibinyɛn be jemanɛ beeŋ ba kaa du fanɛ Nowa be jemanɛ na gbagba nna le chap.

Luuk 17:26 ပူးပေါင်းရင်းမြစ်များ

Jɛnesis 6:5

Kumo be jemanɛ na so nɛ Enyɛnpetale Ebɔrɛ wu fanɛ basa be alubi bee wora keshi durnya to a ti so nɛ bumo be ŋgbene to be nfɛra fɛso kikɛ la asheŋ lubi.

Jɛnesis 6:7

Ndoŋ nna nɛ e kaŋɛ mbe kumu: “Meeŋ mur basa nɛ n to durnya ere to kikɛ nyam, bumo nɛ asɔbɔya nɛ asɔ gbeyeso nɛ mbuibi firgisoana kikɛ nyam, ŋkpal manɛ so, ma kagbene jija ga ŋkpal ŋ ka to dimɛdi nɛ loŋ be asɔ na kikɛ so.”

Jɛnesis 6:8

Ama Nowa bre be asheŋ daŋ bɔlɔ Ebɔrɛ kenishi ga.

Aizaaya 22:13

Ama men daa maŋ nu n sa Enyɛnpe Ebɔrɛ na nsaa ji eyur. Men daŋ mɔ mbolpɔ nɛ ana nna a ji nsaa nuu yabra. Ade kikɛ be kaman nɛ men kaŋɛ le: “Men shin nɛ an ji nseŋ nuu kabre! Ŋkpal manɛ so echefo nɛ an wu n choŋ.”

Luuk 17:22

Ndoŋ nna nɛ e kaŋɛ mbe bebɛsopo na le: “Kachako menyeeŋ yɛlga ma, Nyiŋgbasa Pibinyɛn be nchɛ be kukoŋwule, ama menyi alɛ maaŋ nya kumo n wu.

Luuk 17:24

Men sa maŋ kaŋ yɔ ŋko m bɛ bumo so. Ŋkpal manɛ so, kananɛ bɔrɛ bee kaa yili awɔlpa be kaba ko so n nyɛkpɛ n ya chute kaba ko so na nɛ ma, Nyiŋgbasa Pibinyɛn beeŋ ba du kachɛ nɛ meeŋ ba na.

Luuk 17:27

Basa daa wɔtɔ nna a ji a nuu nɛ benyɛn bee ta beche nɛ beche malɛ bee yɔ kakil to hale loŋ nɛ kachako nɛ Nowa ya luri ekuloŋgboŋ na to nɛ nchugboŋ na ba mur bumo kikɛ nyam.

Luuk 17:7

Nɛ Yesu bishi bumo le: “Menyi be emo e naaŋ baa kɔ kayɛrbi nɛ e yɔ ndɔ to ŋko e yɔ kupuŋ to n ya keni asɔbɔya so m bɛta m ba epe nɛ fo kaŋɛ mo le: ‘Ba choŋ ejikpa n chena nfe a ji’?

Luuk 18:8

Ma e kaŋɛ menyi na fanɛ e beeŋ keni bumo be asheŋ na to amo be ekpa so manaŋ n sa bumo. Ama nɛ fanɛ ma, Nyiŋgbasa Pibinyɛn na kaŋ ba durnya to, meeŋ nya basa nɛ b kɔ yirda na a?”

Hibruwebi 11:7

Yirda so nɛ Nowa daŋ nu Ebɔrɛ be kɔnɔ a yɛ asheŋ nɛ a daa beeŋ ba kachako so nɛ esa maŋ naŋ wu na. Ebɔrɛ ka daŋ kaŋɛ loŋ na e daŋ nu n sa mo nseŋ gbir kuloŋgboŋ nɛ mo nɛ mbe kanaŋ luri m mɔlga bumo be amu. Ŋkpal loŋ na so durnyaebi daa maŋ nya kashenteŋ, kumo be kaman nɛ e nya yirda be tɔnɔ, kumo e la fanɛ e ki elelapo Ebɔrɛ be anishito.

2 Pita 2:5

ŋko nɛ e daa maŋ yige saŋɛ na be durnyaebi nseŋ daŋ bar nchu m ba sɔ durnya kikɛ nɛ kumo to be basa lubi mur nseŋ daŋ lara Nowa nɛ e daa la Ebɔrɛ be anishito be alelashemmalgapo na nɛ basa ashunu ko na, e beeŋ yige le be beŋinipo fɛpoana ere a?

2 Pita 3:6

Nchu malɛ so nɛ e daŋ bɔla n jija saŋɛ na be durnya nɛ k mur.