Luuk 17:1 - EBƆRƐ BE KAWƆL

¹ Nɛ Yesu kaŋɛ mbe bebɛsopo: “Asɔ nɛ a bee shin nɛ basa bee wora alubi baŋ fuli nna, ama asheŋ maaŋ nyalɛ n sa esa nɛ a beeŋ bɔla mo so m ba na kikɛ.

Luuk 17:1 ပူးပေါင်းရင်းမြစ်များ

Matiu 16:23

Nɛ Yesu kilgi ŋ kaŋɛ Pita le: “Shile ashi ma so Setani. Fee kagle ma to nna na, ŋkpal manɛ so, fo nfɛra ere la nyiŋgbasa be nfɛra nna a maŋ la Ebɔrɛ peya.”

Matiu 18:7

Asheŋ maaŋ nyalɛ n sa durnya ere kikɛ ŋkpal asɔ nɛ a wɔ kumo to a shin nɛ basa bee wora alubi na so. A daga loŋ be asɔ ka ba, ama asheŋ maaŋ nyalɛ n sa nyiŋgbasa kama nɛ a beeŋ bɔla mo so m ba na.

Luuk 16:31

Nɛ Eebraham kaŋɛ mo: ‘Nɛ b baŋ kini kenu asheŋ nɛ Mosis nɛ anebiana na bee malga na, kumo ere baa nyi fanɛ nɛ esa shi luwu to n ya kaŋɛ bumo gba, b maaŋ nu.’ ”

Romebi 14:13

Amoso, men shin nɛ an yige kebaawu abar alubi be asheŋ n lɛ. Kusɔ nɛ k daga fanɛ men baa wora e la fanɛ men sa maŋ kaŋ ta shɛŋ shɛŋ ŋ kagle men niopibi kama ekpa nɛ e fiti n tɔr kulubi to.

Romebi 16:17

Ŋ kurgepoana, mee fiɛ menyi so nna fanɛ men baa de basa nɛ baa shin nɛ kebarga to bee ba basa to nseŋ naa lar keŋini nɛ men daŋ nya na be kaman a wɔtɔ a bar asheŋ ko m ba kaa kagle basa yirda be ekpa na so. Amoso, men baa gelge bumo.

1 Kɔrintebi 10:32

Sa maŋ kaŋ shin nɛ fo kebaawɔtɔ e shin nɛ Juw be esa kama ŋko Griik be esa kama ŋko Ebɔrɛ be asɔri na to be ekama e tɔr.

1 Kɔrintebi 11:19

Kumo alɛ la kashenteŋ nna fanɛ menyeeŋ baa kɔr abar to, saŋɛ na so, loŋ beeŋ shin nɛ basa e pin bumo nɛ b yil to nɛnɛ.

1 Kɔrintebi 8:13

Amoso, nɛ ajibi baa la asɔ nɛ a bee shin nɛ n niopibi bee tɔr, kumo ere m maaŋ naŋ we eblaŋ kikɛ, saŋɛ na so m maaŋ shin nɛ n niopibi na e tɔr.

1 Timoti 4:1

Kiyoyu Cheeŋ na baŋ kaŋɛ geeŋ fanɛ lalaloge be nchɛ ere to basa ko beeŋ lar kashenteŋ be keŋini ere to nsaa nu a sa efɛ be mbuibi lubi a wɔtɔ a koya amo be keŋini.

Kelaraŋŋini 2:14

Ama asɔ lubi gbrɛbi nɛ n wu menyi so nde: Men kɔ basa ko menyi to ndoŋ nɛ baa bɛ Balaam be keŋini so, Balaam mo nɛ e daŋ ŋini Balak kananɛ e beeŋ fule Israɛlebi nɛ b ji nlɔŋɛjibi nseŋ naŋ fule bumo n wɔtɔ kesakalea be keji to na.

Kelaraŋŋini 2:20

Ama kusɔ nɛ n wu menyi so e la fanɛ, men sa kache Jɛzebel mo nɛ e bee tre mbe kumu abɔrɛsheŋ be ewuŋkaŋɛpo na ekpa nna nɛ e wɔtɔ a ŋini nsaa shin nɛ ma anya bee luri kesakalea be keji to nseŋ naa shin nɛ baa ji nlɔŋɛjibi.