Luuk 16:8 - EBƆRƐ BE KAWƆL

⁸ Damawura na daŋ kpaŋ mbe esibɛpo kebirkɔnshiwura na ga ŋkpal kashennyi nɛ e daŋ ŋini na so. Ŋkpal manɛ so, durnya ere to ebi kɔ kebirkɔnshi be kashennyi nna a wora bumo be asheŋ a chɔ basa nɛ b wɔ kefulto to.”

Luuk 16:8 ပူးပေါင်းရင်းမြစ်များ

Jɛnesis 3:1

Asɔbɔya nɛ Enyɛnpe Ebɔrɛ daŋ to na kikɛ to, kusɔkpaŋ e daa du fanɛ kanansabi a chɔ bumo nɛ b ka na kikɛ. Kachako nɛ kusɔkpaŋ na ba eche na kutɔ m ba bishi mo le: “Ama kashenteŋ nɛ Ebɔrɛ kaŋɛ fanɛ men sa maŋ kaŋ ji kedibi kama be asɔrso nɛ a wɔ kudɔbi ere to a?”

2 Samuɛl 13:3

Deevid mo sipo Shamma pibinyɛn nɛ baa tre Jonadab na e daa la mo teri. Jonadab malɛ daa la enyiashempo nna nsaa kɔ kananɛ baa wora asheŋ manaŋ manaŋ be nfɛra ga.

2 Bewura 10:19

Tre Baal be anebiana na kikɛ nɛ kumo be beshumpo nɛ agbirwuraana na kikɛ. Ekama maa kra kini. Mee shin nɛ n lara sargagboŋ n sa Baal be kegbir na nna. Ekama nɛ e maŋ ba nshɛr na to beeŋ wu.” Ama Jehu daa wora nambara nna nɛ e mɔ basa nɛ baa shuŋ Baal be kegbir na.

Nshɛ 17:14

Enyɛnpe Ebɔrɛ ta fo enɔ lempo na m mɔlga ma ashi loŋ be basa be enɔ to. Basa nɛ durnya ere be kebaawɔtɔ nawule la bumo be tɔnɔ. Fo e naa sa basa nɛ fee sha ajibi; bumo be mbia beeŋ nya n ji kanaŋkama so, nɛ bumo nanabiana gba e nya n ji kanaŋkama so.

Ɛksodɔs 1:10

Amoso men shin nɛ an bɔla kanyiasheŋ be ekpa so n wora kusɔ ko ŋ kuŋ anyi be amu. Mannɛ aloŋ, baaŋ baa kraa wora keshi a ti so, nɛ k ya ba fanɛ kena koso anyi nɛ basa ko so, baaŋ chɛ an doŋana na to ŋ kɔ anyi nseŋ shile anyi be efuli ere so kuraa.”

Aŋasa 12:8

Esa be kanyiasheŋ e naa sa mo kechɔrɔ, nɛ kawulisheŋ malɛ bee shin nɛ baa keni esa jiga.

Matiu 12:32

Esa kama nɛ e malga ŋ gbiti ma, Nyiŋgbasa Pibinyɛn beeŋ tiŋ n nya kumo be keyigempaŋ, ama ekama nɛ e malga ŋ gbiti Kiyoyu Cheeŋ na maaŋ nya kumo be keyigempaŋ kikɛ, jemanɛ ere so ŋko jemanɛ nɛ k bee ba na.”

Matiu 17:26

Nɛ Pita kaŋɛ: “Basa pɔtɛ nɛ baa sɔ.” Nɛ Yesu kaŋɛ mo: “Kumo ere bumo be mbia maŋ ti so nna na.

Luuk 16:10

Esa nɛ feeŋ tiŋ n yirda n ta kusɔbi n sa mo nɛ e tiŋ ŋ keni kumo so la esa nɛ e beeŋ tiŋ ŋ keni kusɔgboŋ gba so nna. Esa kama malɛ nɛ e kɔ kebirkɔnshi kusɔbi to, beeŋ baa kɔ kebirkɔnshi kusɔgboŋ gba to.

Luuk 16:4

Nɛ e kaŋɛ mbe kumu le: ‘N nyi kusɔ nɛ meeŋ wora nɛ basa e sɔ ma bumo peana saŋɛ nɛ m paŋ ma kushuŋ ere na.’

Luuk 16:7

Ade be kaman nɛ esibɛpo na naŋ bishi enyɔsopo na le: ‘Nɛ afanɛ be kukɔ e wɔ fo alɛ so?’ Nɛ akɔjipo na kaŋɛ mo: ‘Fo nyɛnpe be ayu be ebɔtɛ kalfa e wɔ ma so.’ Nɛ esibɛpo na kaŋɛ mo: ‘To, sibɛ ebɔtɛ aduburwa n wɔtɔ fo kawɔl to.’

Luuk 18:6

Nɛ Yesu kaŋɛ basa na le: “Men nu kusɔ nɛ demujipo kebirkɔnshiwura na kaŋɛ nna na.

Luuk 20:34

Nɛ Yesu kaŋɛ bumo le: “Durnya ere to be basa nɛ b wɔ ŋkpa to ere be benyɛn wɔtɔ nna a ta beche nɛ beche malɛ bee yɔ kakil to,

Luuk 20:35

ama benyɛn nɛ beche nɛ b daga ketiŋi luwu to a wɔ ŋkpa to jemanɛ na so na, maaŋ ba kaa ta beche ŋko m ba kaa yɔ kakil to.

Baru lela nɛ Jɔn kute na 12:36

Men ka kraa kɔ kefulto ere bre, men ta menyi be yirda n wɔtɔ kumo to, saŋɛ na so menyeeŋ baa la kefulto be basa.” E ka malga n loge nɛ e lar basa na to n ya ŋana.

1 Kɔrintebi 3:18

Ekama e sa maŋ kaa fule mbe kumu, menyi to be ekama nɛ e bee fɛ mbe kumu to fanɛ e la enyiashempo nna durnya ere be kaplɛa so, e ki ewulpo, saŋɛ na so e beeŋ ki enyiashempo.

Ɛfesesebi 5:8

Ŋkpal manɛ so, dra na menyi alɛ gba daa wɔ tentembiri to nna, ama naniere bre men wɔ kefulto to nna ashi Enyɛnpe na to. Amoso, men baa wɔtɔ fanɛ basa nɛ b wɔ kefulto to.

Filipaiebi 3:19

Bumo be ekar la kemur nna, ŋkpal manɛ so, bumo be epunana e la bumo be Ebɔrɛ nɛ bumo be kemaŋkura malɛ la anishinyɔr be asɔ. Kashenteŋto, bumo be ŋgbene kikɛ wɔ durnya ere to be asɔ to nna.

1 Tɛsalɔnikaebi 5:5

Menyi kikɛ la kefulto to be basa nna, kapaso be basa. Anyi maŋ la kanyɛ ŋko tentembiri to be basa.

1 Pita 2:9

Ama menyi ere la kanaŋ mo nɛ Ebɔrɛ lara nna nɛ men baa la bɔrɛmatapoana nɛ b shi kuwurji be kanaŋ to nseŋ naa la kanaŋ cheembi to ebi nɛ b la Ebɔrɛ be basa gbagba nɛ men ba kute esa nɛ e tre menyi ashi tentembiri to a yɔ mo gbagba be mamachi be kefulto to na be asheŋgboŋ be asheŋ n sa basa.

1 Jɔn 3:10

To, loŋ malɛ nɛ anyee ta a pin Ebɔrɛ be mbia nɛ bumo nɛ bumo alɛ la alubipo na be mbia. Esa kama nɛ e bee wora asɔ nɛ a maa niŋi, maŋ la Ebɔrɛ pibi. Ekama malɛ gba nɛ e maa sha mo niopibi, maŋ la Ebɔrɛ pibi.