Luuk 16:3 - EBƆRƐ BE KAWƆL

³ Ndoŋ nna nɛ esibɛpo na fara a fɛ le be nfɛra: ‘To, naniere n nyɛnpe ka lara ma kushuŋ ere to ere, nuso nɛ meeŋ wora, ŋkpal manɛ so, m maŋ kɔ eleŋ nɛ n dɔ, ma alɛ anishinyɔr so m maaŋ tiŋ ŋ kule n ji.’

Luuk 16:3 ပူးပေါင်းရင်းမြစ်များ

Ɛsta 6:6

Heman ka luri nɛ ewura na bishi mo le: “Manɛ e daga ŋ ka wora n sa esa nɛ mee sha keta n yili bunyaŋ be eyilikpa?” Nɛ Heman fɛ le: “M baa nyi geeŋ fanɛ ma nɛ ewura bee sha kewora le be kusɔ ere n sa na.”

Aŋasa 13:4

Etɔlpo bee yɛlga kusɔ gba, jiga nna, e maaŋ tiŋ n nya kumo, ama esa kama nɛ e bee pere kenishi a shuŋ bre beeŋ tiŋ n nya kusɔ kama nɛ e bee sha.

Aŋasa 15:19

Etɔlpo be ekpa to e kɔ ewi, ama esa nɛ e bee wora alela bre be ekpa to du fanɛ kegbembi nna.

Aŋasa 18:9

Etɔlpo nɛ esa nɛ e bee jija asɔ kikɛ la kukoŋwule nna.

Aŋasa 19:15

Nɛ fo kɔ ntɔl nsaa dese a di, akoŋ e naa mɔ fo.

Aŋasa 20:4

Edɔpo tɔlpo nɛ e maa dɔ saŋɛ nɛ k daga maa nya adɔjibi.

Aŋasa 29:21

Fo baŋ yili kayɛrbi be kebia to n di mo kefɛ, e beeŋ bar fo kebɔltofinfin kacha ko.

Aizaaya 10:3

To, nɛ Ebɔrɛ bee gberge menyi kusoe, manɛ nɛ menyeeŋ wora? Nɛ e kaŋ shin nɛ efuli pɔtɛ ko so ebi shi kufɔ m ba nɛ b ba kɔ menyi kena m mur menyi, manɛ nɛ menyeeŋ wora? Nnɛ nɛ menyeeŋ shile n ya fin kechɛto ŋko nnɛ nɛ menyeeŋ ta menyi be mpetɛsɔ n ya ŋana?

Jɛremaya 5:31

Kumo e la fanɛ anebiana na kikɛ be mmalga la efɛ nna. Kusɔ nɛ b kaŋɛ malɛ nɛ bɔrɛmatapoana na kɔ a shuŋ nɛ ma basa malɛ bee sha kumo be loŋ. To, jɛrbi be jemanɛ kaŋ fo nɛ asheŋ ere kikɛ fo ekar, nnɛ nɛ menyeeŋ yɔ n ya nya kechɛto?”

Hoziya 9:5

Enyɛnpe Ebɔrɛ malɛ be kachɛgboŋ nɛ menyee bunyaŋ mo na be saŋɛ kaŋ fo, nuso nɛ menyeeŋ wora?

Matiu 20:8

Kaboŋ ka ya kaa jija to nɛ kudɔ na wura kaŋɛ mbe beshumpo be enimu le: ‘Tre beshumpo na ŋ ka bumo. Fara bumo nɛ b shir kaman m ba na ŋ ka n ya fo bumo nɛ b juŋkpar m ba na.’

Maak 10:46

Kachako Yesu nɛ mbe bebɛsopo ba Jɛriko nsaa lar kade na to nɛ jimaŋ damta bɛ bumo so. Saŋɛ na so nɛ tanponyɛn ko nɛ baa tre Baatimeeyes, Timeeyes pibi daa tase ekpakar a kule.

Luuk 12:17

Nɛ e fara a fɛ le be nfɛra: ‘M maŋ kɔ kakpa nɛ n ta ma adɔjibi ere kikɛ n wɔtɔ, amoso, nuso nɛ meeŋ wora?’

Luuk 16:2

Nɛ damawura na tre esibɛpo na ŋ kaŋɛ mo: ‘Manɛ be kushuŋ lubi nɛ fo wɔtɔ a wora ma? Ber amansherbi na nseŋ kaŋɛ ma asɔ nɛ fo ta amo n wora, ŋkpal manɛ so, m maaŋ naŋ shin nɛ fo naŋ shuŋ n sa ma kikɛ.’

Luuk 16:20

Nɛ etirpo ko malɛ nɛ b daa tre Lazɔrɔs daa kɔ achuu damta a tase damawura na be kabuna

Luuk 16:22

Kachako nɛ etirpo na wu nɛ emalaika ta mbe kiyoyu n yɔ ebɔrɛso n ya chena Eebraham be kekel so.

Luuk 16:4

Nɛ e kaŋɛ mbe kumu le: ‘N nyi kusɔ nɛ meeŋ wora nɛ basa e sɔ ma bumo peana saŋɛ nɛ m paŋ ma kushuŋ ere na.’

Luuk 18:4

Sososo demujipowura na daŋ kini kenu nna n sa ekulpoche na, ama kumo be kaman nɛ e gben ŋ kaŋɛ mbe kumu le:

Baru lela nɛ Jɔn kute na 9:8

Mo braana nɛ basa nɛ b daŋ wu mo nɛ e daa tase a kule na ka naŋ wu mo nɛ b bishi abar: “Mannɛ kanyɛn ere e daa tase a kule na a?”

Ashuŋ Shunso 3:2

nɛ kanyɛn ko nɛ e daa la bobi mbe kakurgeachɛ kikɛ na wɔ bɔrɛlambu na be kabuna nɛ b daa tre Kabuna Lela na akpa. Kachɛ kama b daa sulɔ mo nna a ba kabuna na akpa nɛ e ba kaa kule basa nɛ b daa luri bɔrɛlambu na to na amansherbi.

Ashuŋ Shunso 9:6

Niŋi to n yɔ kade to nɛ b ŋini fo kusɔ nɛ k daga nɛ fo wora.”

2 Tɛsalɔnikaebi 3:11

Ŋkpal manɛ so, an nu fanɛ men be beko wɔ ntɔl be kebaawɔtɔ to nna a maa shuŋ shɛŋ nsaa wɔtɔ a kilgi to fanɛ menyi ka bee shuŋ na.