Luuk 16:29 - EBƆRƐ BE KAWƆL

²⁹ Nɛ Eebraham kaŋɛ mo le: ‘B kɔ mmalga nɛ anebi Mosis nɛ anebiana na sibɛ na, amoso, shin nɛ b baa nu amo.’

Luuk 16:29 ပူးပေါင်းရင်းမြစ်များ

Aizaaya 34:16

To, keni Enyɛnpe Ebɔrɛ na be asɔ keniso be kawɔl na to ŋ kraŋ kusɔ nɛ k bee kaŋɛ. K yɛ: “Enyɛnpe Ebɔrɛ na e bɔla mbe Kiyoyu be eleŋgboŋ so m bar mbe asɔ toso abar so. Amo be kukoŋwule kama maŋ foe.”

Aizaaya 8:20

Ndoŋ nna nɛ men kaŋɛ bumo le: “Men baa nu kusɔ nɛ Enyɛnpe Ebɔrɛ na bee ŋini menyi nsaa maa nu a sa bekpalpo nɛ belejipo, ŋkpal manɛ so kusɔ nɛ baaŋ kaŋɛ menyi na maaŋ tiŋ n lara menyi ashi etɔrɔ to. Kare maaŋ chɛ bekama nɛ baa malga le ere be ekama!

Jɛremaya 6:16

Ade kikɛ be kaman nɛ Enyɛnpe Ebɔrɛ naŋ kaŋɛ mbe basa le: “Men yili ŋkpancheri n to anishi ŋ keni, nseŋ bishi m pin ekpa dra nɛ men nananyɛnana daa bɔla so a wora asheŋ na nsaa bɔla kumo so wora asheŋ, saŋɛ na so nɛ men baa wɔ kayurwushi be kebaawɔtɔ to.” Ama le nɛ men daŋ kaŋɛ: “Ayai, anyi maaŋ wora loŋ!”

Luuk 16:16

Mbra nɛ Ebɔrɛ daŋ bɔla anebi Mosis to n sa na nɛ asheŋ nɛ anebiana na daŋ malga na daŋ tar Jɔn kabɔrɛbɛrpo so nna. Yili mbe jemanɛ na a ba, Ebɔrɛ be kuwura na so be baru lela be kubɔya nɛ baa bɔ nɛ ekama bee kɔ a fin keluri kuwura na to.

Luuk 24:27

Ndoŋ nna nɛ e fara Mosis be abɔrɛsibɛ to m bugi asɔ nɛ a bee malga mo gbagba be asheŋ kikɛ to ŋ kaŋɛ bumo loŋ hale n ya bɔla anebiana na kikɛ be abɔrɛsibɛana to nyam.

Luuk 4:17

Nɛ b ta anebi Aizaaya be kawɔl n sa mo nɛ e bugi kumo be kakpa nɛ k bee kaŋɛ le na ŋ kraŋ:

Ashuŋ Shunso 15:21

Ŋkpal manɛ so, basa ka fara a kraŋ Mosis be mbra na ashi nshɛrbuana to kewushiachɛ kama na nɛ kananɛ b malga amo be asheŋ kade kama to na chɛr ga kabre.”

Galeeshaebi 4:21

Men shin nɛ m bishi menyi nɛ menyee sha kebaata mbra na a juŋkpar menyi be amu na le: Men maa nu kusɔ nɛ mbra na bee kaŋɛ nna a?