Luuk 16:25 - EBƆRƐ BE KAWƆL

²⁵ Nɛ Eebraham kaŋɛ mo le: ‘M pibi baa nyiŋi saŋɛ nɛ fo daa wɔ ŋkpa to a ji fo ebel na nsaa nyiŋi kananɛ Lazɔrɔs malɛ daŋ ji awurfoŋ na. Ama naniere e luri ebel to nɛ fo alɛ luri ebesa to.

Luuk 16:25 ပူးပေါင်းရင်းမြစ်များ

Job be kawɔl 22:18

Ama Ebɔrɛ malɛ daŋ shin nɛ bumo be nnaŋ to ebi dii kedama nna. Ma ere maa pin alubiworapoana ere be kusɔ nɛ baa fɛ bumo be nfɛra to.

Nshɛ 17:14

Enyɛnpe Ebɔrɛ ta fo enɔ lempo na m mɔlga ma ashi loŋ be basa be enɔ to. Basa nɛ durnya ere be kebaawɔtɔ nawule la bumo be tɔnɔ. Fo e naa sa basa nɛ fee sha ajibi; bumo be mbia beeŋ nya n ji kanaŋkama so, nɛ bumo nanabiana gba e nya n ji kanaŋkama so.

Nshɛ 49:11

Hale b daa kɔ bumo gbagba be nsawule gba, nchaŋ e naŋ ki bumo pe mbaanaayɔ, nɛ b baa wɔ ndoŋ saŋkama.

Nshɛ 73:7

Asheŋ lubi nawule e naa shi bumo be ŋgbene to a lar, nɛ ŋkre lubi malɛ bɔlɔ bumo be nfɛra to.

Nfabel 1:7

Jerusalɛm be basa bee nyiŋi dra na be kebaawɔtɔ lela nɛ b daa kɔ be asheŋ. Jemanɛ nɛ bumo doŋana ba kɔ m pɔɔ bumo so na, esa kikɛ daa maŋ chɛ bumo to. Ŋkpal b ka kɔ n tɔr so, bumo doŋana daŋ mushe nseŋ wora bumo eyur to nna.

Danɛl 5:30

Loŋ be kanyɛso gbagba nɛ b mɔ Babilɔn be ewura Bɛlshaaza na.

Matiu 27:63

“Ebunyampo, an nyiŋi saŋɛ nɛ efɛpo na daa wɔ ŋkpa to ka kaŋɛ le: ‘Ŋ kaŋ wu, meeŋ tiŋi luwu na to kumo be kachɛ sasopo to.’

Maak 9:45

Nɛ fo keya bee shin nɛ fee luri alubi to, fo ku kumo n lɛ, ŋkpal manɛ so, fo ka la bobi nseŋ luri ŋkpa to e bɔ fo so a chɔ fo ka kɔ aya anyɔ nɛ b ta fo n lɛ Setani be edɛ to.

Luuk 16:20

Nɛ etirpo ko malɛ nɛ b daa tre Lazɔrɔs daa kɔ achuu damta a tase damawura na be kabuna

Luuk 16:23

Kachako nɛ damawura na malɛ wu nɛ basa ta mo n ya puli nɛ e yɔ edɛ to n ya kaa wɔ ebesa to nseŋ maŋ kumu so n wu Lazɔrɔs ka ya chena Eebraham be kekel so.

Luuk 16:26

Ade malɛ kikɛ be kaman, kemaŋ chiŋgeliŋ ko wɔ anyi nɛ menyi be nferinto nɛ basa nɛ b wɔ nfe maaŋ tiŋ n yɔ menyi kutɔ nɛ ekama malɛ nɛ e wɔ menyi kutɔ maaŋ tiŋ n shi ndoŋ m ba anyi kutɔ nfe.’

Luuk 6:24

Asheŋ maaŋ ba nyalɛ n sa menyi nɛ men wɔ kebaawɔtɔ belbelso to a kɔ asɔ naniere kikɛ, ŋkpal manɛ so, men teŋ nya men be tɔnɔ.

Baru lela nɛ Jɔn kute na 16:33

Ŋ kaŋɛ menyi asheŋ ere nna, saŋɛ na so, menyeeŋ bɔla ma so n nya kagbenewushi. Menyeeŋ nya tɔrɔ durnya ere to, ama men baa kɔ kagbene, ma e pɔɔ durnya ere so.”

Ashuŋ Shunso 14:22

Kumo be kaman nɛ b bɛta n yɔ Listra nɛ Ikoniam nɛ Pisidia be Antiɔk a wushi beyirdapoana na be ŋgbene nseŋ naa leŋ bumo to fanɛ b baa kɔ yirda nɛ kashenteŋto kpakpa. Le nɛ b daŋ naa kaŋɛ bumo: “An kikɛ beeŋ luri etɔrɔ damta to pɔɛŋ nseŋ luri Ebɔrɛ be kuwura na to.”

Romebi 8:7

Amoso, nyiŋgbasa baŋ shin nɛ kapɔr lubi ere wɔ mbe nfɛra, kumo ere e ki Ebɔrɛ mo doŋ nna na, ŋkpal manɛ so, e maa nu a sa Ebɔrɛ be mbra na. Kashenteŋto, e baŋ maaŋ tiŋ n nu n sa kumo nna gba kuraa.

Ditɛronɔmi 28:17

Enyɛnpe Ebɔrɛ na be kɔnɔsho beeŋ ba menyi be ayu nɛ ajibi kama nɛ menyeeŋ ta amo n wora n ji kikɛ so.

Filipaiebi 3:19

Bumo be ekar la kemur nna, ŋkpal manɛ so, bumo be epunana e la bumo be Ebɔrɛ nɛ bumo be kemaŋkura malɛ la anishinyɔr be asɔ. Kashenteŋto, bumo be ŋgbene kikɛ wɔ durnya ere to be asɔ to nna.

1 Tɛsalɔnikaebi 3:3

Menyi alɛ gba nyi fanɛ etɔrɔ na gba la asɔ nɛ Ebɔrɛ yili fanɛ a wora nna.

Hibruwebi 11:25

Ketu Ebɔrɛ be basa na a wɔ tɔrɔ to daŋ par mo a chɔ kedaa wɔ alubi be ebel to nchɛnnyɔ ko.

1 Jɔn 2:15

Men sa maa sha durnya ere ŋko kusɔ kama nɛ k la durnya ere peya. Esa kama nɛ e bee sha durnya ere maŋ kɔ kasha a sa Etuto Ebɔrɛ na.

Kelaraŋŋini 7:14

Ndoŋ nna nɛ ŋ kaŋɛ mo le: “Ebunyampo, fo e nyi.” Nɛ e kaŋɛ ma: “Bumo e la basa nɛ b ji n lar tɔrɔgboŋ to na nseŋ fɔr bumo be epiŋi n ta amo n wɔtɔ Kpakpafɔlbi na be ŋklaŋ to nɛ a fuli parr na.