Luuk 16:2 - EBƆRƐ BE KAWƆL

² Nɛ damawura na tre esibɛpo na ŋ kaŋɛ mo: ‘Manɛ be kushuŋ lubi nɛ fo wɔtɔ a wora ma? Ber amansherbi na nseŋ kaŋɛ ma asɔ nɛ fo ta amo n wora, ŋkpal manɛ so, m maaŋ naŋ shin nɛ fo naŋ shuŋ n sa ma kikɛ.’

Luuk 16:2 ပူးပေါင်းရင်းမြစ်များ

Kaŋinichiŋgeliŋ 12:14

Ebɔrɛ beeŋ yili kusɔ kama nɛ an wora so n ji anyi demu, hale asheŋ lubi ŋko asheŋ lela nɛ an wora ashiri to gba.

Matiu 12:36

Ma e kaŋɛ menyi na fanɛ demujiachɛ na ekama beeŋ kute kesariaso be kamalga jiga kama nɛ e malga be kifito.

Matiu 20:8

Kaboŋ ka ya kaa jija to nɛ kudɔ na wura kaŋɛ mbe beshumpo be enimu le: ‘Tre beshumpo na ŋ ka bumo. Fara bumo nɛ b shir kaman m ba na ŋ ka n ya fo bumo nɛ b juŋkpar m ba na.’

Luuk 12:20

Ndoŋ nna nɛ Ebɔrɛ kaŋɛ mo: ‘Ewulpo ere. Kanyɛ ere feeŋ paŋ fo ŋkpa ere. Nɛ fo alɛ paŋ kumo, wanɛ peya nɛ asɔ nɛ fo bela n yili fo kumu ere kikɛ beeŋ ki?’ ”

Luuk 12:42

Nɛ Enyɛnpe na bishi bumo: “Esa mo e la kenya nyiashempo nɛ e maŋ kɔ kebirkɔnshi, emo nɛ mo nyɛnpe na beeŋ shin nɛ e baa keni mbe anya kikɛ so nsaa sa bumo bumo be ajibi saŋɛ nɛ a daga na?

Luuk 16:1

Nɛ Yesu naŋ fara a kaŋɛ mbe bebɛsopo le: “Damawura ko e daa kɔ esibɛpo, kachako n nu fanɛ esibɛpo na wɔtɔ nna a jija mbe asɔ.

Luuk 16:3

Ndoŋ nna nɛ esibɛpo na fara a fɛ le be nfɛra: ‘To, naniere n nyɛnpe ka lara ma kushuŋ ere to ere, nuso nɛ meeŋ wora, ŋkpal manɛ so, m maŋ kɔ eleŋ nɛ n dɔ, ma alɛ anishinyɔr so m maaŋ tiŋ ŋ kule n ji.’

Romebi 14:12

Amoso, kachako anyi be ekama beeŋ kaŋɛ Ebɔrɛ asheŋ nɛ an wora kikɛ nyam nɛ kusɔ nɛ k ba nɛ an wora amo.

1 Kɔrintebi 1:11

Ŋkpal manɛ so, ŋ kurgepoana, basa ko ashi Klowe pe bugi to ŋ kaŋɛ ma fanɛ menyi to be beko wɔtɔ nna a kɔ abar nlu.

1 Kɔrintebi 4:2

Kusɔ nɛ k baŋ daga esa nɛ b ta nɛ e baa keni asɔ so e la fanɛ e sa maa lar mo nyɛnpe kaman.

1 Kɔrintebi 4:5

Amoso, a maŋ daga fanɛ men baa wu abar kulubi a ji abar demu pɔɛŋ nɛ demuji be kachɛ e fo. Kumo e la saŋɛ nɛ Enyɛnpe beeŋ naŋ bɛta m ba na. Mo e naaŋ shin nɛ kusɔ kikɛ nɛ k daŋ ŋana tentembiri to e lar efuli nseŋ lara nfɛra fɛso nɛ a ŋana a wɔ basa be ŋgbene to kikɛ efuli. Kumo be saŋɛ na malɛ nɛ ekama beeŋ nya mbe kechɔrɔ ashi Ebɔrɛ kutɔ.

2 Kɔrintebi 5:10

Ŋkpal manɛ so, kachako an kikɛ beeŋ yili Kristo be anishito nɛ e ji anyi demu. Ekama beeŋ nya kusɔ nɛ k daga mo ŋkpal kusɔ nɛ amodoŋwura wora ashi mbe eyur ere to so, kelela ŋko kulubi.

1 Timoti 4:14

Loŋ na fo maaŋ gal kusɔ nɛ Ebɔrɛ ta m bɔɔ fo enɔ fanɛ fo wora saŋɛ nɛ basa wu fo asheŋ ŋ kaŋɛ nɛ benimu daŋ ta enɔana n deŋi fo so ŋ kule Ebɔrɛ n sa fo na n lɛ.

1 Timoti 5:24

Basa ko be alubi baŋ fuli nna geeŋ a juŋkpar bumo a yɔ kasogberge to. Beko malɛ be alubi bee ŋana nna loŋ pɔɛŋ n ya lar efuli kacha ko.

1 Pita 4:10

Kiyoyu Cheeŋ be kakɛ kama nɛ ekama kɔ, e baa ta loŋ be kakɛ na a shuŋ mo braana fanɛ kenya lela nɛ b ta Ebɔrɛ be kuwɔr be kakɛ damtaana m bɔɔ mo enɔ.

1 Pita 4:5

Ama esa ko wɔtɔ n wora shiriya nɛ e ji basa nɛ b kraa wɔ ŋkpa to nɛ bumo nɛ b wu na kikɛ demu. Baaŋ yili mbe anishito ŋ kaŋɛ ŋ kaŋɛ bumo be asheŋ woraso kikɛ nɛ kusɔ nɛ k ba nɛ b wora amo.

Kelaraŋŋini 20:12

Nɛ n wu bubuni, begboŋi nɛ bewurbi kikɛ nɛ b yil kuwurputi na akpa nɛ b bugi nwɔl. Amo be kaman nɛ b bugi kawɔl ko malɛ, kumo e la ŋkpa be kawɔl na. Nɛ b bɔla nwɔlana na to ŋ keni n wu asɔ nɛ ebuni kama daŋ wora n yili amo so n ji mo demu.