Luuk 16:19 - EBƆRƐ BE KAWƆL

¹⁹ Kamalga ere be kaman nɛ e naŋ bɔ keŋasa ere ŋ kaŋɛ: “Damawura ko e daa wɔtɔ a buu yawu kpakpaso be asɔbuuso lela peper mɔlmɔlbi ko a wɔtɔ a ji ajibi belbelso damta kachɛ kama.

Luuk 16:19 ပူးပေါင်းရင်းမြစ်များ

Ɛsta 8:15

Kumo be kaman nɛ Mɔdikaya ta kuwurpiŋi lela ko nɛ k la buru nɛ kefuful be weato m buu nseŋ ta ago be piŋi peper kunɔkunɔ m buu n deŋi kumo so, n ta shuwa be kuwurwuro nyɛkpɛso m buu nseŋ lar ewurkpa n yɔ. Nɛ Susa be kade to ebi be ŋgbene fuli bumo nɛ baa cha awɔr nsaa ponte to kagbenefuliso

Aŋasa 14:24

Benyiashempo beeŋ nya kedamaya be tɔnɔ, ama bewulpo bre be kawulisheŋ e naa shin nɛ basa bee pin fanɛ b la bewulpo.

Aŋasa 31:22

Mo gbagba e naa baa mbe asɔbuuso, nsaa buu asɔ lela fanɛ ago be ewajɛ.

Ezikɛl 16:13

Shuwa nɛ gbiti be abitasɔ nɛ fo daa wɔtɔ nsaa buu epiŋi nɛ b jɔɔ nɛ yawu kpakpaso be asɔbuuso. Nyifu lela nɛ fo daa ta a wora bodobodo nseŋ daa ji mushoŋ nɛ ɔlif be ŋku. Ŋkpal loŋ so, nɛ fo kebita lar nɛnɛ nɛ fo ki ewurche.

Ezikɛl 16:49

Sodɔm nɛ kumo be ndekarso to be basa daa wu bumo be amu nna ŋkpal b kaa kɔ ajibi damta a ji nseŋ naa wɔ kayurwushi to so. B daa maa keni betirpo nɛ basa nɛ asheŋ maa nyalɛ a sa na so.

Ezikɛl 27:7

Wajɛchɛbi lela nɛ b lue nɛ k shi Ijipt be efuli so nɛ b ta n chɛ nɛ afu bee ber kumo a keta fo a nite. Esa wɔ kufɔ nseŋ wu kumo gba e beeŋ pin fanɛ k la feya nna. Kechɛbi gbɛgbɛso nɛ k walɛ ga nɛ b ta n chɛ m buu fo so a kuŋ epeŋi, Kechɛbi buru nɛ kepeper kunɔkunɔ nɛ k shi Saiprus be keplasawule so e la kumo.

Maak 15:17

Nɛ b ta kusɔbuuso peper kunɔkunɔ m buu Yesu nseŋ ta ewidibi be ayabi n wora kuwurwuro m buu mo.

Maak 15:20

B ka wora mo eyurto n loge nɛ b lara kusɔbuuso peper kunɔkunɔ na nseŋ naŋ ta mo gbagba be asɔbuuso m buu mo nseŋ keta mo n yɔ nɛ b ya gbir mo m mata kedibi largato so.

Luuk 15:13

Nɛ etuto na barga mbe asɔ na to n sa bumo. K maŋ chɛr ko nɛ ekekarso na chala mbe asɔ kikɛ n fa nseŋ ta mbe amansherbi m pɛ efuli wɔfɔ ko be ekpa. E ka yɔ kade ko nɛ e ya ji mbe amansherbi na chilchilso n loge pɔp.

Luuk 16:1

Nɛ Yesu naŋ fara a kaŋɛ mbe bebɛsopo le: “Damawura ko e daa kɔ esibɛpo, kachako n nu fanɛ esibɛpo na wɔtɔ nna a jija mbe asɔ.

Luuk 16:18

Enyɛn kama nɛ e kini mbe eche nseŋ naŋ ya ta eche pɔtɛ ji kubojua nna ŋ gbiti mbe eche dra na nna na. Enyɛn kama malɛ nɛ e ta eche nɛ mo kul kini mo ji kubojua nna na.

Luuk 16:20

Nɛ etirpo ko malɛ nɛ b daa tre Lazɔrɔs daa kɔ achuu damta a tase damawura na be kabuna

Kelaraŋŋini 17:4

Kache na daŋ buu jilmaso be wajɛ peper kunɔkunɔ nɛ wajɛ peper soo nna nɛ shuwa nɛ ajembubi lela nɛ amo be yawu du kpakpa na nɛ abitasɔ kikɛ wɔ mo so a nyɛkpɛ palpal. E daa kɔ shuwa be kawiebi mo nɛ k bɔlɔ alemaŋkar be alubi be asɔ nɛ kesakalea be eyurpi to nna.

Kelaraŋŋini 18:16

Baaŋ boŋ to ŋ kaŋɛ le: “O kadegboŋ, asheŋ nya fo, asheŋ nya fo, fo nɛ fo daa buu asɔ fuful lela nɛ jilmaso be ewajɛ peper kpaw nɛ ewajɛ peper kunɔkunɔ nseŋ daŋ ta eshuwa nɛ ajembubi lela nɛ amo be yawu du kpakpa na nɛ abitasɔ a mea fo eyur kikɛ so na, ama keni, awa koŋwule to nɛ loŋ be dama damta na kikɛ mur na.”

Kelaraŋŋini 18:7

Men sa mo tɔrɔ nɛ kagbenejija ga nɛ a fo fanɛ kananɛ e daŋ sa mbe kumu kemaŋkura nɛ dama na, ŋkpal manɛ so, le nɛ e wɔtɔ a kaŋɛ mbe kumu: ‘Ewurche e la ma nɛ n tase. M maŋ la ekulpoche, kagbenejija maaŋ tu ma kikɛ.’

Demujipoana 8:26

Shuwa be akonde nɛ Gidiɔn daŋ nya na be egbɛ daŋ fo fanɛ kilo adunyɔ. Abitasɔ nɛ abɔtoshembi nɛ asɔbuuso peper kunɔkunɔ nɛ Midian be bewura bee buu na nɛ shuwa be ŋgbɛlɛbi nɛ b ta n wɔtɔ enyɔma be abɔ to na bre kikɛ daa maŋ ti so.