Luuk 16:16 - EBƆRƐ BE KAWƆL

¹⁶ Mbra nɛ Ebɔrɛ daŋ bɔla anebi Mosis to n sa na nɛ asheŋ nɛ anebiana na daŋ malga na daŋ tar Jɔn kabɔrɛbɛrpo so nna. Yili mbe jemanɛ na a ba, Ebɔrɛ be kuwura na so be baru lela be kubɔya nɛ baa bɔ nɛ ekama bee kɔ a fin keluri kuwura na to.

Luuk 16:16 ပူးပေါင်းရင်းမြစ်များ

Matiu 10:7

Men yɔ n ya kaa bɔ kubɔya na a kaŋɛ fanɛ: ‘Ebɔrɛso be kuwura na taga to.’

Matiu 15:11

Mannɛ kusɔ nɛ k bee shi kowu a luri esa be kɔnɔ to e naa jija mo, ama kusɔ nɛ k bee shi mbe kɔnɔ to a lar e naa jija mo.”

Matiu 21:32

Ŋkpal manɛ so, Jɔn daŋ ba menyi kutɔ nna nɛ e ba ŋini menyi alelasheŋ be ekpa, ama men maŋ yirda mo. Lamposɔpoana nɛ kesakaleawuraana bre yirda mo. Menyi alɛ ka naŋ wu kumo be loŋ gba, men kraa maŋ lar menyi be alubi to n yirda mo.”

Matiu 3:2

E yɛ: “Men lar menyi be alubi to, ŋkpal manɛ so, ebɔrɛso be kuwura na taga to.”

Matiu 4:17

Yili jemanɛ na so a yɔ nɛ Yesu fara a bɔ mbe kubɔya a kaŋɛ le: “Men lar menyi be alubi to, ŋkpal manɛ so, ebɔrɛso be kuwura na taga to.”

Matiu 4:23

Ade be kaman nɛ Yesu nite Galili be kasawule so kikɛ to a ŋini basa abɔrɛsheŋ ashi bumo be nshɛrbuana to nsaa bɔ Ebɔrɛ be kuwura na to be baru lela na a sa basa nseŋ chɛ basa na to be alɔ nɛ ebesa be yiri kikɛ.

Maak 1:14

B ka ti Jɔn ebu na be kaman nɛ Yesu yɔ Galili be kasawule so n ya malga Ebɔrɛ be baru lela na. E yɛ:

Maak 1:45

Ama kanyɛn na ya bugi demu na to ŋ kaŋɛ ekama. E malga demu na ga hale nɛ Yesu maŋ naŋ tiŋ m bugi to n luri kade kama to. Kupuŋ to chil nɛ e daa chena nɛ basa bee shi kaplɛkama a ba mo kutɔ.

Luuk 10:11

‘Men be kade ere to be shishɛr nɛ a gbiti anyi be aya gba nɛ anyee kpata a lɛ menyi a wora menyi kusha na. Ama men baa nyiŋi fanɛ Ebɔrɛ be kuwura na taga to.’

Luuk 10:9

nseŋ chɛ kade na to be belɔpo nseŋ kaŋɛ ndoŋebi le: ‘Ebɔrɛ be kuwura na taga menyi to.’

Luuk 16:29

Nɛ Eebraham kaŋɛ mo le: ‘B kɔ mmalga nɛ anebi Mosis nɛ anebiana na sibɛ na, amoso, shin nɛ b baa nu amo.’

Luuk 16:31

Nɛ Eebraham kaŋɛ mo: ‘Nɛ b baŋ kini kenu asheŋ nɛ Mosis nɛ anebiana na bee malga na, kumo ere baa nyi fanɛ nɛ esa shi luwu to n ya kaŋɛ bumo gba, b maaŋ nu.’ ”

Luuk 9:2

Kumo be kaman nɛ e shuŋi bumo fanɛ b ya bɔ Ebɔrɛ be kuwura na to be baru na n sa basa nsaa chɛ belɔpo.

Baru lela nɛ Jɔn kute na 1:45

Kumo be kaman nɛ Filip malɛ wu Nataniɛl nseŋ kaŋɛ mo le: “An wu esa nɛ anebi Mosis sibɛ mbe asheŋ ashi mbra be kawɔl na to na. Mo koŋwule na be asheŋ nɛ anebiana na kikɛ sibɛ na. Mo e la Nazarɛt be Yesu, Josɛf pibi na.”

Baru lela nɛ Jɔn kute na 11:48

An baŋ yige mo nɛ e wɔtɔ a wora le be asheŋ ere, ekama beeŋ yirda mo nɛ Romebi na e ba m ba jija anyi be bɔrɛlambu ere nseŋ ta anyi be efuli ere kikɛ n ti so.”

Baru lela nɛ Jɔn kute na 12:19

Ndoŋ nna nɛ Efarisiana na kaŋɛ abar le: “Men keni, an maaŋ tiŋ n wora shɛŋ nna na, ŋkpal manɛ so, durnya kikɛ e muu a bɛ mo so na.”

Baru lela nɛ Jɔn kute na 5:4

[Ŋkpal manɛ so, Enyɛnpe be malaika daa ba saŋko saŋko nna m ba kaa baga nchu na to. Kebagato na malɛ be kaman elɔpo kama daŋ baŋ juŋkpar n luri nchu na to, amodoŋwura be kulɔ kama nɛ k daa kɔ mo beeŋ lar mo to.]

Ashuŋ Shunso 3:18

Dra na kikɛ nɛ Ebɔrɛ shin nɛ anebiana kikɛ wu ŋ kaŋɛ fanɛ mbe Kristo na beeŋ ba ji awurfoŋ, kumo nɛ e shin nɛ k bɔla ekpa le ere na.