Luuk 16:15 - EBƆRƐ BE KAWƆL

¹⁵ Nɛ e kaŋɛ bumo le: “Menyi e naa sha fanɛ basa e baa tre menyi basa lela, ama Ebɔrɛ nyi menyi be ŋgbene to be nfɛra. Asɔ nɛ durnya ere to ebi malɛ bee bunyaŋ a fɛ fanɛ a la asɔ lela na maŋ la shɛŋ Ebɔrɛ be anishito.”

Luuk 16:15 ပူးပေါင်းရင်းမြစ်များ

1 Kronikɛls 29:17

N nyi fo ka nyi ekama be kagbene. Ma nɛ ma basa nɛ b wɔ nfe ere kikɛ bugi ŋgbene kagbenefuliso nna m bar asɔ ere kikɛ m ba sa fo.

2 Kronikɛls 6:30

fo yili esoso n nu bumo be kekule nseŋ ta bumo be alubi m paŋ bumo. Fo nawule e nyi dimɛdi be kagbene to. Shin nɛ ekama e nya mbe asheŋ woraso be kakɔka,

Nshɛ 10:3

Belubiworapo bee ji njɔŋ nna ŋkpal bumo be aparsheŋ lubi so. Nɛ kejimuniwuraana malɛ kishi fo nsaa shoduu fo.

Nshɛ 49:13

Kusɔ nɛ k dese a jo bekama nɛ b yirda bumo gbagba be amu nɛ kusɔ nɛ bumo be beyaasepo bee kaŋɛ bumo na nna na.

Nshɛ 49:18

Nɛ dimɛdi baa kɔ ŋkpa, nɛ asheŋ bee nite nɛnɛ a sa mo nɛ basa bee fur mo, k bee wora mo ebel nna.

Nshɛ 7:9

Fo la Ebɔrɛ nɛ e bee wora asheŋ nɛ a niŋi nna, a nyi esa be kagbene to nɛ mbe nfɛra to be asheŋ kikɛ. Shin nɛ alubiworapo e yige alubi be kebaawora, nseŋ kuŋ basa lela ashi alubi to.

Aŋasa 16:5

Enyɛnpe Ebɔrɛ kishi esa nɛ e kɔ mpuchi ga. Kumo alɛ maŋ kɔ emɔrɔ fanɛ e beeŋ gberge loŋ be basa kusoe.

Aŋasa 20:6

Basa damta bee tre bumo amu beshenteŋjipo nna, ama kashenteŋ be beshenteŋjipo maa tiŋ a nya.

Aŋasa 21:2

Dimɛdi be aworbi beeŋ tiŋ m par mo, ama Enyɛnpe Ebɔrɛ e nyi esa be kagbene to.

Jɛremaya 17:10

Ama ma, Enyɛnpe Ebɔrɛ na bee keni basa be nfɛra to nsaa wora bumo be ŋgbene a keni a nyi amo to nna. Kebaawɔtɔ nɛ ekama kɔ ŋko kusɔ nɛ e bee wora nɛ mee yili so a ka mo kukɔ.”

Malakai 3:15

Naniere bre, ŋkpensheŋ wuraana na nɛ anyeeŋ kaŋɛ fanɛ baa nya nɛfa. Belubiworapoana gba bee wora Ebɔrɛ nna a keni nsaa ta bumo be amu a ji.’ ”

Matiu 23:5

Bumo be asheŋ woraso kama to, basa nɛ baa sha fanɛ b wu bumo. Men keni kananɛ baa shin nɛ bumo be kabɔrɛkule be awulbi bee kpalga to loŋ nsaa shin nɛ bumo be nle malɛ be nnɔ bee shi a du jolijoli.

Matiu 6:16

Nɛ men baa kishi, men sa maa gbir kenishi to fanɛ kananɛ kebirkɔnshiwuraana na bee wora na, ŋkpal manɛ so, baa kaa chɛrga bumo be anishiakpaana nna nɛ basa e wu b ka bee kishi. Kashenteŋ nɛ mee kaŋɛ menyi na fanɛ b teŋ nya bumo be kechɔrɔ kikɛ.

Matiu 6:2

Amoso, men baŋ kɛ betirpo asɔ, men sa maa na a ber kumo be loŋ be kebomboŋ fanɛ kananɛ kebirkɔnshiwuraana na wɔ nshɛrbuana to nɛ agbembiana so a wora nɛ basa e chɔrɔ bumo na so. Kashenteŋ nɛ mee kaŋɛ menyi na fanɛ loŋ be basa na teŋ nya bumo be kechɔrɔ kikɛ.

Matiu 6:5

Nɛ men baa kule Ebɔrɛ, men sa maa kule fanɛ kananɛ kebirkɔnshiwuraana bee kule na. Ŋkpal manɛ so, bumo ere bee kaa sha fanɛ b baa yil nshɛrbuana to nɛ ŋkpancheriana to nna a kule Ebɔrɛ nɛ basa e wu bumo. Kashenteŋ nɛ mee kaŋɛ menyi na, b teŋ nya bumo be kechɔrɔ kikɛ.

Luuk 10:29

Ama mbraŋinipo na daa sha na fanɛ e malga n lar nseŋ kpal loŋ so m bishi Yesu: “Esa mo e la m barkasa?”

Luuk 11:39

Nɛ Enyɛnpe kaŋɛ mo: “O Farisiebi, men baa du fanɛ kananɛ menyee fɔr mba nɛ nwiebi be mmanto a yige amo be epunana to na nna. Men baŋ duli basa lela nna, ama kejimuni nɛ alubi e baŋ bɔlɔ menyi to.

Luuk 18:11

Ndoŋ nna nɛ Farisinyɛn na ya yili ŋ kule Ebɔrɛ ŋ kaŋɛ: ‘Ebɔrɛ, mee chɔrɔ fo ga fanɛ ma ere maŋ du fanɛ m braana a suge basa ŋko a la esa lubi ŋko a la esa nɛ e wɔtɔ a kɔ eche nsaa di beche jijiga ŋko a du fanɛ lamposɔpo nɛ e yil ere gba.

Luuk 18:14

Nɛ Yesu naŋ kaŋɛ: “Ma e kaŋɛ menyi na fanɛ Ebɔrɛ shin nɛ lamposɔpo na ki elelapo mbe anishito n yɔ epe. Ama Farisinyɛn na bre maŋ nya loŋ, ŋkpal manɛ so, esa kama nɛ e bee maŋ mbe kumu so, baaŋ bar mo kaseto, ama ekama nɛ e bee bar mbe kumu kaseto, baaŋ maŋ mo so.”

Luuk 18:21

Nɛ kanyɛn na kaŋɛ le: “Ma kebiato kikɛ nɛ m bɛ amo ere kikɛ so.”

Luuk 18:9

Yesu e daŋ bɔ basa nɛ b daŋ yirda bumo gbagba be alelasheŋ a tama fanɛ b la basa cheembi nsaa wɔtɔ a fɛl beko na keŋasa ere.

Luuk 20:20

Ama bumo alɛ daa ŋana basa na nna. Nɛ b fara a tɛ mo nseŋ shuŋi basa fanɛ b kute n yɔ mo kutɔ fanɛ b ka la basa lela na n ya lute mo kɔnɔ nɛ e malga n da so nɛ b ta mo m bɔɔ gomena nɛ e daa ji na enɔ.

Luuk 20:47

Bumo e naa puni bekulpocheana a suge bumo be nwu nsaa ta kabɔrɛkule tenteŋ kebirkɔnshiso a kule Ebɔrɛ na. Ŋkpal loŋ be asheŋ ere kikɛ so, bumo be kasogberge beeŋ baa shi a chɔ ekama peya.”

Baru lela nɛ Jɔn kute na 2:25

E daa maŋ naa sha dimɛdi kikɛ ka chɛ mo to ŋ ŋini mo kananɛ basa du, ŋkpal manɛ so, e daa nyi kusɔ nɛ k wɔ dimɛdi to.

Baru lela nɛ Jɔn kute na 21:17

Kela sasopo nɛ Yesu naŋ bishi Pita: “Saimɔn, Jɔn pibinyɛn fee sha ma a?” Ndoŋ nna nɛ Pita be kagbene jija mo, ŋkpal Yesu ka bishi kela sasopo fanɛ: “Fee sha ma?” Amoso, le nɛ e daŋ kaŋɛ Yesu: “Enyɛnpe, fo nyi kusɔ kama, fo nyi ŋ ka bee sha fo.” Nɛ Yesu kaŋɛ mo: “Baa keni ma mbolpɔ so.”

Ashuŋ Shunso 1:18

Kasawule ko nɛ Judas daŋ ta mbe nia be amansherbi nɛ e nya na n tɔ. Ndoŋ malɛ nɛ e daŋ ta kapo n tɔr epun so m pante epun nɛ apumbi lar nɛ e wu.

Ashuŋ Shunso 1:24

Nɛ b kule Ebɔrɛ ŋ kaŋɛ: “Enyɛnpe, fo nyi basa kikɛ be ŋgbene to, amoso, ŋini anyi basa anyɔ ere be emo nɛ feeŋ lara

Ashuŋ Shunso 15:8

Ebɔrɛ nɛ e nyi basa kikɛ be ŋgbene kikɛ na malɛ e sa bumo Kiyoyu Cheeŋ na fanɛ kananɛ e daŋ wora n sa anyi na, a ŋini fanɛ nnyamase gba beeŋ tiŋ ŋ ki beyirdapo.

Romebi 3:20

Ŋkpal manɛ so, mannɛ esa nɛ e bee wora mbra be ashuŋ shunso e la esa nɛ Ebɔrɛ nase kumo fanɛ e la elelapo. Kusɔ nɛ mbra na baa ŋini e la kebaashin nɛ basa e baa pin kulubi be asheŋ.

Romebi 8:27

Ebɔrɛ nɛ e bee wu basa be ŋgbene to na e nyi Kiyoyu na be nfɛra. Kiyoyu na malɛ e naa bɔla ekpa nɛ k bee par Ebɔrɛ so a kule mo a sa mbe basa.

1 Kɔrintebi 4:5

Amoso, a maŋ daga fanɛ men baa wu abar kulubi a ji abar demu pɔɛŋ nɛ demuji be kachɛ e fo. Kumo e la saŋɛ nɛ Enyɛnpe beeŋ naŋ bɛta m ba na. Mo e naaŋ shin nɛ kusɔ kikɛ nɛ k daŋ ŋana tentembiri to e lar efuli nseŋ lara nfɛra fɛso nɛ a ŋana a wɔ basa be ŋgbene to kikɛ efuli. Kumo be saŋɛ na malɛ nɛ ekama beeŋ nya mbe kechɔrɔ ashi Ebɔrɛ kutɔ.

1 Pita 3:4

A daga fanɛ men be kela e baa shi men be ŋgbene to gbagba to, kumo e la fanɛ men baa kɔ ŋgbene nɛ a du boeŋ a maa gbri. Loŋ be kela na e maa terge kikɛ nsaa walɛ ashi Ebɔrɛ be anishito.

1 Pita 5:5

Mbrantiɛ, loŋ koŋwule na nɛ a daga fanɛ men baa nu a sa benyɛnnimuana. Men ta kumu be kebar kaseto m mea to fanɛ wajɛ a wɔtɔ a sa abar, ŋkpal manɛ so, Ebɔrɛ maa sa kamoowuwuraana kashuli, ama bumo nɛ baa bar bumo be amu kaseto bre, e bee wu bumo kuwɔr nna.

Kelaraŋŋini 2:23

Ma alɛ beeŋ naŋ shin nɛ mbe mbia e wu n wu nɛ asɔriana na kikɛ to ebi e pin fanɛ ma e la esa nɛ e bee mige ŋgbene nɛ nfɛraana to a wu amo to na. Ma alɛ beeŋ ka ekama be kusɔ nɛ e wora kikɛ be kukɔ.

1 Samuɛl 16:7

Ndoŋ nna nɛ Enyɛnpe Ebɔrɛ naŋ kaŋɛ mo le: “Sa maŋ keni mbe nteŋ ŋko mbe kayɛrbi. Mannɛ mo nɛ n lara, ŋkpal manɛ so ma ere maa keni asheŋ fanɛ kananɛ dimɛdi bee kini asheŋ na. Dimɛdi bre bee keni eyur so nna ama ma ere bee keni kagbene to nna.”