Luuk 16:1 - EBƆRƐ BE KAWƆL

¹ Nɛ Yesu naŋ fara a kaŋɛ mbe bebɛsopo le: “Damawura ko e daa kɔ esibɛpo, kachako n nu fanɛ esibɛpo na wɔtɔ nna a jija mbe asɔ.

Luuk 16:1 ပူးပေါင်းရင်းမြစ်များ

Jɛnesis 15:2

Nɛ Eebram kaŋɛ: “Enyɛnpe lela, ŋ ka baa maŋ kɔ mbia ere, manɛ be kelela nɛ fo kakɔka ere beeŋ wora ma? Damaskɔs be Eliaza ere e naaŋ ji ma kapetɛ na.

Jɛnesis 43:19

Ŋkpal le be nfɛra ere so, b ka fo Josɛf be laŋ to nɛ b kaŋɛ mbe nyɛrbi be enimu na le:

1 Kronikɛls 28:1

Pɔɛŋ nɛ b pɔr bɔrɛlambu na ewura Deevid daŋ tre Israɛl be bejuŋkparpoana nɛ eyiriana na be benimuana nɛ ekrachi nimuso nɛ benapo be benimuana nɛ benimu nɛ baa keni ewura na nɛ mbe mbia be asɔ nɛ asɔbɔya so na nɛ ewurkpa be benimuana nɛ benapo nɛ b kɔ kenyɛn ga na m ba shɛr Jerusalɛm nna.

Aŋasa 18:9

Etɔlpo nɛ esa nɛ e bee jija asɔ kikɛ la kukoŋwule nna.

Hoziya 2:8

E daa maa pin fanɛ ma e sa mo ajibi nɛ asɔ nuuso nɛ ɔlif be ŋku nɛ shuwa nɛ gbiti nɛ e kilgi n ta amo a shuŋ Baal be kegbir na.

Matiu 20:8

Kaboŋ ka ya kaa jija to nɛ kudɔ na wura kaŋɛ mbe beshumpo be enimu le: ‘Tre beshumpo na ŋ ka bumo. Fara bumo nɛ b shir kaman m ba na ŋ ka n ya fo bumo nɛ b juŋkpar m ba na.’

Luuk 12:42

Nɛ Enyɛnpe na bishi bumo: “Esa mo e la kenya nyiashempo nɛ e maŋ kɔ kebirkɔnshi, emo nɛ mo nyɛnpe na beeŋ shin nɛ e baa keni mbe anya kikɛ so nsaa sa bumo bumo be ajibi saŋɛ nɛ a daga na?

Luuk 15:13

Nɛ etuto na barga mbe asɔ na to n sa bumo. K maŋ chɛr ko nɛ ekekarso na chala mbe asɔ kikɛ n fa nseŋ ta mbe amansherbi m pɛ efuli wɔfɔ ko be ekpa. E ka yɔ kade ko nɛ e ya ji mbe amansherbi na chilchilso n loge pɔp.

Luuk 15:30

Ŋkeshin nɛ, keni kananɛ fo pibi ere ta fo asɔ n ya jija ebojuache so nseŋ bɛta m ba nɛ fo shin nɛ b mɔ kenafɔlbi danso loŋ n sa mo.’

Luuk 16:19

Kamalga ere be kaman nɛ e naŋ bɔ keŋasa ere ŋ kaŋɛ: “Damawura ko e daa wɔtɔ a buu yawu kpakpaso be asɔbuuso lela peper mɔlmɔlbi ko a wɔtɔ a ji ajibi belbelso damta kachɛ kama.

Luuk 16:2

Nɛ damawura na tre esibɛpo na ŋ kaŋɛ mo: ‘Manɛ be kushuŋ lubi nɛ fo wɔtɔ a wora ma? Ber amansherbi na nseŋ kaŋɛ ma asɔ nɛ fo ta amo n wora, ŋkpal manɛ so, m maaŋ naŋ shin nɛ fo naŋ shuŋ n sa ma kikɛ.’

Luuk 19:20

Nɛ emo nɛ e naŋ bɛ so malɛ ba kaŋɛ enyɛnpe na le: ‘Enyɛnpe, fo pɔŋ koŋwule na nde. N ta kumo nna n wɔtɔ kechɛbi to ŋ kre n nase,

Luuk 8:3

Beche na be eko e daa la Joana, Kuza nɛ e daa keni Hɛrɔd be kowu so be eche na nɛ Suzana, n ta beche damta ko nɛ b daa ta bumo gbagba be asɔ a chɛ Yesu nɛ mbe bebɛsopo to na.

Taites 1:7

A daga fanɛ asɔri to be enimu ŋinipo nɛ e bee keni Ebɔrɛ be asɔri to ebi so na e sa maa kɔ kulubi kikɛ mbe kebaawɔtɔ to. A maŋ daga fanɛ e baa sha mo nawule be aparsheŋ ŋko a nya agbo manaŋ manaŋ ŋko a sha nsa ga ŋko a du nyaŋnyaŋ ŋko a ŋana a wɔ alubi be ekpa ko to a fin amansherbi.

Jeems 4:3

Menyee kaa kule Ebɔrɛ asɔ saŋko malɛ ŋkaa maa nya amo, ŋkpal manɛ so, nfɛra lubi nɛ men kɔ a kule amo a sha fanɛ men ta amo n wora men gbagba be kejimuni be aparsheŋ.

1 Pita 4:10

Kiyoyu Cheeŋ be kakɛ kama nɛ ekama kɔ, e baa ta loŋ be kakɛ na a shuŋ mo braana fanɛ kenya lela nɛ b ta Ebɔrɛ be kuwɔr be kakɛ damtaana m bɔɔ mo enɔ.