Luuk 15:5 - EBƆRƐ BE KAWƆL

⁵ E baŋ ya wu kumo, mbe kagbene beeŋ fuli mo ga, nɛ e ta kumo n dii ŋkɔŋ.

Luuk 15:5 ပူးပေါင်းရင်းမြစ်များ

Aizaaya 62:12

Kumo be kaman nɛ b baa tre menyi, “Ebɔrɛ be Basa Cheembi.” Ŋko Basa nɛ Enyɛnpe Ebɔrɛ na mɔlga. Baaŋ baa tre Jerusalɛm “Kadegboŋ nɛ Ebɔrɛ mɔlga.” Ŋko “Kadegboŋ nɛ basa bɔlɔ kumo to.”

Aizaaya 62:5

Kananɛ kabrantiɛbia bee wora kasuŋgurbia nɛ e maŋ nyi enyɛn kejafɔ a ta mo a ki mbe eche na nɛ Ebɔrɛ nɛ e to fo na gba beeŋ kre fo kejafɔ nɛ fo ki mbe eche. Kananɛ kejafɔ mo kul be kagbene bee fuli mbe kejafɔ so na, nɛ Ebɔrɛ gba be kagbene beeŋ baa fuli fo so.

Aizaaya 63:9

Enyɛnpe Ebɔrɛ na ka wu mbe basa ka wɔ etɔrɔ to nɛ k tɔrɔ mo ga nɛ e shuŋi mbe malaika nɛ e ba mɔlga bumo ashi awurfoŋ na to. Kashenteŋto Enyɛnpe Ebɔrɛ na bee wu kuwɔr pasaa, amoso nɛ e kɔ n suge mbe basa na. Mbe enɔ to nɛ e keta bumo nfɛ damta nɛ a choŋ ere kikɛ na.

Ezikɛl 18:23

Basa lubi be luwu maa par ma Enyɛnpe Ebɔrɛ na kikɛ. Kusɔ nɛ mee sha e la fanɛ b ka beeŋ tuba n lar bumo be alubi to nseŋ ji efute n chɛr.

Ezikɛl 33:11

Kaŋɛ bumo fanɛ, ŋ ka la Enyɛnpetale Ebɔrɛ nɛ e bee sa ŋkpa so, ma kagbene maa fuli alubiworapoana be luwu so. B ka yige bumo be alubi be kewora nseŋ ji efute e naa fuli ma kagbene. Amoso nɛ Israɛl be basa na bee sha keji efute, kumo ere b yige bumo be asheŋ lubi na nseŋ bɛta m ba ma kutɔ.

Maika 5:4

Ewura na kaŋ ba e beeŋ ta Enyɛnpe Ebɔrɛ na be eleŋ nɛ Ebɔrɛ na be ketre be kemaŋkura n ji kuwura mbe basa so. Mbe basa beeŋ nya kekuŋ gboŋgboŋi, ŋkpal manɛ so, mbe ketre beeŋ dii n yɔ durnya be efuli kama so

Maika 7:18

O Enyɛnpetale Ebɔrɛ, Ebɔrɛ kikɛ maŋ naa wɔtɔ a du fanɛ fo. Fo e naa ta fo basa be alubi a paŋ bumo. Fo alɛ be agbo maa wɔtɔ a yɔ. Kuwɔrwu e naa fuli fo kagbene.

Zefanaiya 3:17

Ŋkpal manɛ so, Enyɛnpe menyi be Ebɔrɛ na wɔ men kutɔ, mbe eleŋgboŋ na e naa kɔ a pɔɔ so a sa menyi. Menyi be asheŋ bee bɔlɔ mo kenishi ga, nɛ mbe kasha bee sa menyi ŋkpa popɔr. Mbe kagbene bee fuli menyi so nna nɛ e bee boŋ nshɛ kagbenefuliso.’

Luuk 15:32

Nɛ kananɛ fo sipo ere ba le ere, a daga fanɛ an ji anyi be amu kagbenefuliso, ŋkpal manɛ so, fo sipo ere daŋ wu nna nseŋ naŋ ba ŋkpa to, e daŋ foe nna, ama an naŋ wu mo.’ ”

Luuk 15:4

nɛ kuko e foe nɛ e maaŋ yige adekpanu nɛ akpanu nɛ a ka na kiyi to nseŋ ya fin kukoŋwule nɛ k foe na loŋ hale n ya wu kumo?

Luuk 15:6

Nɛ e baŋ ba epe e beeŋ tre mo teriana nɛ mbe bechenashapoana ŋ kaŋɛ bumo le: ‘Men chɛ ma to nɛ n ji ma kumu, ŋkpal manɛ so, ma kubolpɔ daŋ foe nna, ama n naŋ wu kumo.’

Luuk 19:9

Nɛ Yesu kaŋɛ: “Kabre kumɔlga ba laŋ ere to ebi so, ŋkpal manɛ so, Zakiyes gba la Eebraham mo nanabi nna.

Luuk 23:43

Ndoŋ nna nɛ Yesu kaŋɛ mo le: “Kashenteŋ nɛ mee kaŋɛ fo na fanɛ kabre ma nɛ fo beeŋ ya kaa wɔ paradisi.”

Baru lela nɛ Jɔn kute na 15:11

Ŋ kaŋɛ menyi kesheŋ ere nna nɛ kagbenefuli nɛ mee sa na e baa wɔ menyi to, saŋɛ na so, menyi be ŋgbene beeŋ fuli menyi m baŋ so.

Ɛfesesebi 2:10

Ŋkpal manɛ so, an la mbe apɔrso nna nɛ e sa anyi kebaawɔtɔ popɔr ashi Kristo Yesu to nseŋ ta anyi n wɔtɔ kelela be asheŋ nɛ mo ere Ebɔrɛ na yili kumo dra dra na kikɛ to fanɛ an ba kaa shuŋ na.

Ɛfesesebi 3:7

Le be baru lela ere be kenya nɛ Ebɔrɛ bɔla mbe kuwɔr be kakɛ so n ta ma ŋ ki na. Mbe eleŋ na so nɛ e bɔla n wora loŋ.

1 Tɛsalɔnikaebi 1:5

ŋkpal manɛ so, baru lela nɛ an bar menyi na maŋ la kafule be mmalga nna, ama amo nɛ eleŋ nɛ Kiyoyu Cheeŋ na nɛ kashenteŋ nɛ k maŋ kɔ yalayala kikɛ nna. Saŋɛ nɛ an daa wɔ menyi kutɔ na, men nyi kananɛ an be kebaawɔtɔ daa du. Menyi so nɛ an daa du loŋ na.

2 Timoti 2:26

nseŋ nya nfɛra n lar Setani be kejigbelɛ nɛ e ta m pɛ bumo n shin nɛ baa nu a sa mo na to.

Hibruwebi 12:2

Men shin nɛ an ta anyi be anishi n yuu Yesu nɛ e la anyi be yirda ere be ejuŋkparpo nɛ esa nɛ e bee shin nɛ yirda bee yili to nɛnɛ a fo kumo be ekar na so. Mo e daŋ kpal kachako so be kagbenefuli mo nɛ k jo mo na so a maŋ ta kewu kedibi largato so be luwu na n tre shɛŋ nseŋ ji kumo nseŋ ya kaa tase Ebɔrɛ be kuwurputi be jisoso na.

1 Pita 1:5

Loŋ be enɛfa na la menyi nɛ Ebɔrɛ kpal men be yirda so n ta mbe eleŋ a keni menyi so a jo saŋɛ nɛ kumɔlga beeŋ lar efuli lalaloge be jemanɛ na peya nna.