Luuk 15:28 - EBƆRƐ BE KAWƆL

²⁸ Nɛ mo tuto lar m ba kule mo fanɛ e wushi kagbene nseŋ luri a ba.

Luuk 15:28 ပူးပေါင်းရင်းမြစ်များ

Aizaaya 65:5

Ade be kaman nɛ b kaŋɛ basa pɔtɛ le: “Men sa maa mata anyi, an du cheembi ga nɛ men baa bɛta anyi!” Le be basa du fanɛ edishi nna a luri ma kamuna to a kpar ma. Ma agbo a laŋɛ bumo be kaplɛa so, du fanɛ edɛ nɛ k maa duŋ kikɛ na nna.

Aizaaya 66:5

Menyi nɛ menyee ŋana Enyɛnpe Ebɔrɛ nsaa wora mo kasonu na e nu kusɔ nɛ e kaŋɛ. E yɛ: “Ŋkpal men ka bee ji kashenteŋ a sa ma so, menyi gbagba be basa ko kishi menyi nna a maa sha ketu menyi n wora shɛŋ. Baa wora menyi eyurto nna a kaŋɛ le: ‘Men shin nɛ Enyɛnpe Ebɔrɛ na e ŋini mbe eleŋgboŋ nseŋ mɔlga menyi, saŋɛ na so anyeeŋ wu fanɛ menyi be ŋgbene fuli menyi.’ Ama bumo gbagba beeŋ ji anishinyɔr!”

Jɛremaya 35:16

Jonadab be kaman to ebi bre wora kusɔ nɛ bumo nananyɛn kaŋɛ bumo kenishipereso na kasonu, ama menyi ere maŋ wora ma kasonu.

Jona 4:9

Nɛ Ebɔrɛ bishi mo le: “Manɛ so nɛ fo kpal kefeelebi na so a nya agbo?” Nɛ Jona kaŋɛ: “Ŋ kpal kumo so n nya agbo, hale a sha fanɛ n wu gba nna na.”

Matiu 20:11

Ndoŋ nna nɛ b fara a bile asheŋ a gbiti kudɔ na wura a kaŋɛ:

Maak 1:40

Botipo ko daŋ ba Yesu kutɔ m ba gbir ŋ kule mo fanɛ e chɛ mo to ŋ kaŋɛ: “Nɛ k par fo, feeŋ tiŋ n shin nɛ n nyalɛ so.”

Luuk 13:34

O Jerusalɛmebi, Jerusalɛmebi, menyi e naa mɔ anebiana nsaa kpa bumo nɛ Ebɔrɛ shuŋi menyi kutɔ na ajembu a mɔ. Ela afanɛ nɛ n wora ania nɛ n chala menyi abar so fanɛ kananɛ koshi bee koli mbe mbia a wɔtɔ mbe atɛ to na, ama men kini.

Luuk 15:2

Ndoŋ nna nɛ Efarisiana nɛ mbraŋinipoana bile asheŋ nseŋ kaŋɛ: “Men keni, kanyɛn ere ka sɔ alubiworapoana n shin nɛ mo nɛ bumo bee ji.”

Luuk 15:27

Ndoŋ nna nɛ kenya na kaŋɛ mo le: ‘Fo sipo e ba nɛ fo tuto shin nɛ b mɔ kenafɔlbi danso na ŋkpal fo sipo ka bɛta m ba nɛ eyur be alenfia na so.’ Ndoŋ nna nɛ e nya agbo nseŋ kini keluri laŋ to.

Luuk 15:29

Nɛ e kini nseŋ kaŋɛ mo tuto le: ‘Keni, ŋ ka baŋ koso ma kebiato kikɛ m baa wɔtɔ a shuŋ, m maŋ naŋ kini kenu n sa fo kikɛ. Ama fo alɛ maŋ naŋ sa ma kalotebi gba fanɛ n ta nɛ ma nɛ n teriana e ji anyi be amu.

Luuk 24:47

ama kumo be nchɛ asa to e beeŋ tiŋi luwu na to. Mbe ketre so nɛ baaŋ bɔla n yili Jerusalɛm m bɔ kelar alubi to nɛ Ebɔrɛ be keyige alubi m paŋ na be baru na n sa efuli kama so ebi.

Luuk 5:30

Ndoŋ nna nɛ Efarisiana na nɛ bumo to be mbraŋinipoana na bile asheŋ nseŋ bishi Yesu be bebɛsopo na: “Manɛ e ba nɛ menyi nɛ lamposɔpoana nɛ alubiworapoana bee ji nsaa nuu?”

Luuk 7:39

Farisinyɛn nɛ e daŋ tre Yesu fanɛ e ba ji ajibi na ka wu loŋ nɛ e kaŋɛ mbe kumu: “Nɛ kanyɛn ere baa la anebi gbagba nna, e beeŋ pin esa nɛ e la kache nɛ e bee beta mo ere, e beeŋ pin kebaawɔtɔ lubi nɛ e wɔ to.”

Ashuŋ Shunso 13:45

Juwebi na ka wu jimaŋ na nɛ yurkishi luri m bɔlɔ bumo to nɛ b malga ŋ gbiti kusɔ nɛ Pɔɔl daa malga na nseŋ tege mo.

Ashuŋ Shunso 13:50

Nɛ Juwebi na we n wɔtɔ kadegboŋ na to be benimu nɛ bebunyampocheana nɛ baa bunyaŋ Ebɔrɛ na nɛ b fara a tɔrɔ Pɔɔl nɛ Baanabas n ju bumo bumo be kasawule so.

Ashuŋ Shunso 14:19

Juwebi ko daŋ shi Pisidia be Antiɔk nɛ Ikoniam m ba kilgi jimaŋ na be ŋgbene nseŋ kpa Pɔɔl ajembu ŋ gbɛ mo n lar kade na to n ya lɛ a tama fanɛ e wu na.

Ashuŋ Shunso 14:2

Nɛ Juwebi nɛ b kini Yesu na we n wɔtɔ nnyamase na nɛ b fara a kishi bekurgepoana na.

Romebi 10:19

Mee sha fanɛ n naŋ bishi fanɛ: “Israɛlebi daa maŋ pin to a?” Anebi Mosis gbagba e juŋkpar n sa kebishi ere be kifito ŋ kaŋɛ fanɛ le nɛ Ebɔrɛ kaŋɛ: “Meeŋ shin nɛ kayurbesa e luri menyi to ŋkpal basa nɛ bumo be efuli so maŋ la shɛŋ na so, meeŋ shin nɛ men nya agbo n wɔtɔ efuli ko nɛ kumo be basa wuli.”

2 Kɔrintebi 5:20

Amoso, anyi e la Ebɔrɛ be katelamushuŋipoana a du fanɛ basa nɛ Ebɔrɛ bee bɔla bumo so a kule menyi nsaa fiɛ menyi so. Amoso, anyee ta Kristo be ketre nna a kule menyi ga fanɛ: Men shin nɛ menyi nɛ Ebɔrɛ e naaŋ nyalɛ.

1 Tɛsalɔnikaebi 2:16

Kumɔlga be kubɔya nɛ an daŋ bar nnyamase na gba, Juwebi na daa maa sha an ka bɔ kumo n sa nnyamase na. Loŋ so, bumo be asheŋ lubi daa ti so nna saŋkama. Naniere malɛ Ebɔrɛ be agbo kaa bumo so.

1 Samuɛl 17:28

Deevid mo da Eliab ka nu Deevid nɛ benapo na ka bee malga, nɛ agbo pɛ Eliab ga nɛ e kaŋɛ le: “Manɛ nɛ fee fin nfe? Wanɛ nɛ fo yige fo mbolpɔ kiyi na to n sa fanɛ e ba keni so? Fo kebia kpeŋso ere! Fo ba nfe nna nɛ fo baa keni kananɛ baa kɔ kena, ŋko?”

1 Samuɛl 18:8

Nɛ bumo be kashɛ na shin nɛ Sɔɔl nya agbo ga n fɛ le: “B kaa bee kaŋɛ fanɛ Deevid mɔ basa ŋgboŋ kudu nɛ ma ere mɔ kagboŋ nawule ere, kusɔ nɛ k ka e la keta mo ŋ ki ewura.”