Luuk 15:13 - EBƆRƐ BE KAWƆL

¹³ Nɛ etuto na barga mbe asɔ na to n sa bumo. K maŋ chɛr ko nɛ ekekarso na chala mbe asɔ kikɛ n fa nseŋ ta mbe amansherbi m pɛ efuli wɔfɔ ko be ekpa. E ka yɔ kade ko nɛ e ya ji mbe amansherbi na chilchilso n loge pɔp.

Luuk 15:13 ပူးပေါင်းရင်းမြစ်များ

Nshɛ 73:27

O Enyɛnpe Ebɔrɛ, bekama nɛ b kplaŋ fo so beeŋ mur cheche. Fo alɛ beeŋ mur bekama nɛ b maŋ ji kashenteŋ n sa fo.

Aŋasa 18:9

Etɔlpo nɛ esa nɛ e bee jija asɔ kikɛ la kukoŋwule nna.

Aŋasa 21:17

Kɔnɔbel be kebaa sha ga nɛ kamooji nɛ kasanuu bee ta esa nna a ki etirpo.

Aŋasa 21:20

Enyiashempo bee ji nna a ka a yili echefoso, ama ewulpo bre bee ji kusɔ nɛ e nya kikɛ nna a loge kachɛ koŋwule.

Aŋasa 27:8

Esa baŋ lar laŋ to, e du nna fanɛ kabuibi ka lar kesha to na.

Aŋasa 28:7

Enyiashempo e naa bɛ mbra so. Esa nɛ e bee ta basa nɛ b maa fɛ nfɛra pɔɛŋ nsaa wora asheŋ keteri, bee wɔtɔ mo tuto anishinyɔr to nna.

Aŋasa 29:3

Esa nɛ e bee sha kanyiasheŋ bee bar mo tuto kagbenefuli nna, ama esa nɛ e ju a buu e sakaleche so bre be kanya bee mur nna.

Aŋasa 6:26

Sakaleche be yawu maŋ fo bodobodo be amansherbi so, ama esa be eche be kasha beeŋ tiŋ n shin nɛ fo luri tɔrɔ gboŋgboŋi to.

Aizaaya 1:4

Asheŋ maaŋ nyalɛ n sa fo efuli lubi nɛ fo basa wora alubi damta nsaa nyi fanɛ b wora n da so ere. Men kini Enyɛnpe Ebɔrɛ nɛ e la Israɛl be Ebɔrɛ cheembi na nseŋ pal kaman n sa mo.

Aizaaya 22:13

Ama men daa maŋ nu n sa Enyɛnpe Ebɔrɛ na nsaa ji eyur. Men daŋ mɔ mbolpɔ nɛ ana nna a ji nsaa nuu yabra. Ade kikɛ be kaman nɛ men kaŋɛ le: “Men shin nɛ an ji nseŋ nuu kabre! Ŋkpal manɛ so echefo nɛ an wu n choŋ.”

Aizaaya 30:11

Men yige kebaakaŋɛ anyi kusɔ nɛ Ebɔrɛ kaŋɛ be asheŋ! Anyi maŋ naa sha kenu shɛŋ a laŋɛ Israɛl be Ebɔrɛ cheembi na be kaplɛa so.”

Aizaaya 56:12

Kusɔ nɛ basa nɛ baa boo nsa bee kaŋɛ e la fanɛ men shin nɛ an ya nuu nsa m boo kananɛ anyee sha. Echefo peya e baa chɔ kabre peya!”

Jɛremaya 2:13

Ŋkpal manɛ so, ma basa wora kulubi ekpa ntuŋnyɔ so. B kini ma nseŋ shile ma nɛ mee sa ŋkpa na be nchu nna, nseŋ ya kur amaŋ nɛ nchu maa yili amo to a chɛr a fin nchu.

Jɛremaya 2:31

Israɛl be basa, men nu kusɔ nɛ mee kaŋɛ ere. N daŋ kini menyi n lɛ ashi keshishɛrsawule so ŋko n shin nɛ men nite tentembiri to nna a? Nɛ mannɛ a ba nɛ menyee kaŋɛ fanɛ menyeeŋ baa wora menyi be kepar nsaa maaŋ naŋ bɛta m ba ma kutɔ?

Jɛremaya 2:5

E yɛ: “Men nananyɛnana daa maŋ wu ma kulubi kikɛ, ama b daŋ lar ma kaman nseŋ shuŋ agbir nɛ e maŋ kɔ tɔnɔ nseŋ ki basa nɛ b maŋ kɔ tɔnɔ n sa ma.

Maika 6:3

E yɛ “Ma basa, manɛ nɛ n wora menyi? Men kaŋɛ ma, n la esulɔ nna n sa menyi a?

Luuk 15:12

Kachako nɛ ekekarso na kaŋɛ mo tuto le: ‘N tuto, barga asɔ nɛ feeŋ wu nɛ a ki anyi be kapetɛ na to n ta meya n sa ma’.

Luuk 15:14

E ka ji kusɔ kama n loge nɛ akoŋgboŋ ko tɔr efuli na so nɛ awurfoŋ pɛ mo.

Luuk 15:30

Ŋkeshin nɛ, keni kananɛ fo pibi ere ta fo asɔ n ya jija ebojuache so nseŋ bɛta m ba nɛ fo shin nɛ b mɔ kenafɔlbi danso loŋ n sa mo.’

Luuk 16:1

Nɛ Yesu naŋ fara a kaŋɛ mbe bebɛsopo le: “Damawura ko e daa kɔ esibɛpo, kachako n nu fanɛ esibɛpo na wɔtɔ nna a jija mbe asɔ.

Luuk 16:19

Kamalga ere be kaman nɛ e naŋ bɔ keŋasa ere ŋ kaŋɛ: “Damawura ko e daa wɔtɔ a buu yawu kpakpaso be asɔbuuso lela peper mɔlmɔlbi ko a wɔtɔ a ji ajibi belbelso damta kachɛ kama.

Ɛfesesebi 2:13

Ama naniere ashi Kristo to, menyi nɛ saŋko men daa maŋ taga Ebɔrɛ to na, Ebɔrɛ bɔla Kristo be luwu na so nna n shin nɛ men ba taga mo to.

Ɛfesesebi 2:17

Le be kagbenewushi be baru lela ere nɛ e ba bɔ n sa menyi nɛ men daa maŋ taga mo to na nɛ bumo nɛ b taga mo to na kikɛ.

2 Pita 2:13

Tɔrɔ mo nɛ baa bar ere, Ebɔrɛ beeŋ ta tɔrɔ ŋ ka bumo. Kusɔ nɛ k la ebel bumo kutɔ e la kewora kusɔ kama nɛ bumo be eyurana bee sha kapaso parr. Bumo be asheŋ la anishinyɔr nɛ ŋaba nna nɛ baa tu menyi a ji a wɔtɔ a nu bumo be kafulesheŋ be ebel na.