Luuk 14:23 - EBƆRƐ BE KAWƆL

²³ Nɛ enyɛnpe na kaŋɛ kenya na: ‘To, yɔ abɔrbigboŋana so nɛ nde karso be ekpaana so n ya leŋ basa to nɛ b ba nɛ ma ebu ere e nya m bɔlɔ basa.

Luuk 14:23 ပူးပေါင်းရင်းမြစ်များ

Nshɛ 110:3

Kachɛ nɛ feeŋ kɔ fo doŋana kena na, fo basa gbagba e naŋ shuli n tu fo ŋ kɔ bumo. Fo mbrantiɛfɔlbi beeŋ ba fo kutɔ fanɛ kachipurdidi be bunyaŋ.

Nshɛ 98:3

E nyiŋi mbe kasha nɛ kashenteŋji nɛ e kɔ n sa Israɛlebi na be asheŋ. Bekama nɛ b wɔ kasawule so be kaplɛkama wu anyi be Ebɔrɛ na be kumɔlga.

Aizaaya 11:10

Jemanɛ ko bee ba nɛ ewura popɔr nɛ e beeŋ shi ewura Deevid be kuwurji be kabuna na e baa la tɔɔnɛ n sa efuliana na. Baaŋ baa gama abar so mbe kuwurade to nsaa sa mo bunyaŋ.

Aizaaya 27:13

Kachɛ na kaŋ fo, kabel beeŋ shu awɔrso n tre Israɛlebi nɛ b pɛ n yɔ kenyaya to ashi Asiriya nɛ Ijipt be efuliana so na. Baaŋ bɛta m ba kaa shuŋ Enyɛnpe Ebɔrɛ na mbe kebee cheembi na so ashi Jerusalɛm to.

Malakai 1:11

Durnya ere to be basa damta beeŋ bunyaŋ ma. Baaŋ baa chɔɔ duwu a sa ma nsaa lara esarga nɛ a bee bɔlɔ kenishi a sa ma. Bumo kikɛ bee bunyaŋ ma ketre gboŋ na nna.

Matiu 21:43

Amoso, ma e kaŋɛ menyi na fanɛ baaŋ sɔ Ebɔrɛ be kuwura na menyi kutɔ n sa basa nɛ baaŋ sɔr kumo be asɔrso.

Matiu 5:41

Esa kama malɛ nɛ e tintiŋ fo fanɛ fo nite mayɛl koŋwule be ekpa, fo tu mo n nite emayɛl anyɔ.

Luuk 14:22

Kenya na ka yɔ m ba nɛ e ba kaŋɛ le: ‘Enyɛnpe, n wora asheŋ nɛ fo kaŋɛ na kikɛ, ama ebu na maŋ naŋ bɔlɔ basa.’

Luuk 14:24

Ŋkpal manɛ so, ma e kaŋɛ fo na fanɛ basa nɛ fo daŋ tre nɛ b kini na be ekama maaŋ nya ma kejigboŋ na to be ajibi n da ŋ keni.’ ”

Luuk 24:29

Nɛ basa anyɔ na kule mo ŋ kaŋɛ: “Sa maŋ yɔ, ba luri anyi be laŋ to, ŋkpal manɛ so, epeŋi teŋ tɔr nɛ kaboŋ bee jija to.”

Ashuŋ Shunso 16:15

B daŋ bɛr mo nɛ mbe laŋ to ebi kikɛ kabɔrɛbɛr nna. Le nɛ e daŋ ba kaŋɛ anyi: “Nɛ men baa nyi fanɛ n la Enyɛnpe na be eyirdapo kashenteŋto nna, men ba kaa wɔ ma pe.” Le nɛ e daŋ ta n shin nɛ an yɔ.

Ashuŋ Shunso 18:6

Nɛ b ji mo emɔrɔ kpakpaso nseŋ tege mo. Nɛ mo alɛ gbaŋgbaŋ mbe asɔbuuso to be shishɛr n lɛ bumo n wora bumo kusha ŋ kaŋɛ: “Menyi be ŋklaŋ e baa wɔ menyi gbagba be amu so, mannɛ ma e bar kumo. Yili kabre a yɔ nnyamase kutɔ nɛ meeŋ baa yɔ n ya kaa bɔ kubɔya na a sa bumo.”

Ashuŋ Shunso 28:28

Nɛ Pɔɔl naŋ kaŋɛ: “Amoso, men baa nyi fanɛ Ebɔrɛ shuŋi basa nɛ baa bɔ mbe kumɔlga be kubɔya na nnyamase gba kutɔ. Bumo ere beeŋ bugi asoe n nu.”

Ashuŋ Shunso 9:15

Nɛ Enyɛnpe kaŋɛ: “Fo ere e yɔ de, ŋkpal manɛ so, ma e lara mo nɛ e baa shuŋ ma n shin nɛ nnyamase nɛ bewura nɛ Israɛlebi e pin ma.

Romebi 10:18

Ama kesheŋ bishiso nɛ ŋ kɔ nde: “Kashenteŋ nna fanɛ b maŋ nu kubɔya na a?” Cha, b nu. Loŋ malɛ nɛ abɔrɛsibɛ na bee kaŋɛ na fanɛ: “Bumo be ebɔl fo kasawule ere so be kaplɛkama nɛ bumo be mmalga yɔ durnya ere be ekar kikɛ.”

2 Kɔrintebi 5:11

Ŋkpal anyi alɛ ka nyi kusɔ nɛ baa tre Ebɔrɛ be kaŋana na so, anyee wora ania nna ga a chɛ basa to nɛ b pin kusɔ nɛ k wɔtɔ. Ebɔrɛ e nyi kananɛ an du nɛnɛ nɛ ma alɛ bee tama fanɛ loŋ nɛ menyi alɛ gba nyi anyi ashi men be ŋgbene to.

2 Kɔrintebi 5:20

Amoso, anyi e la Ebɔrɛ be katelamushuŋipoana a du fanɛ basa nɛ Ebɔrɛ bee bɔla bumo so a kule menyi nsaa fiɛ menyi so. Amoso, anyee ta Kristo be ketre nna a kule menyi ga fanɛ: Men shin nɛ menyi nɛ Ebɔrɛ e naaŋ nyalɛ.

2 Kɔrintebi 6:1

Naniere anyi nɛ Ebɔrɛ ka bee shuŋ ere, anyee kule nsaa fiɛ menyi so nna fanɛ men sa maa sɔ Ebɔrɛ be kuwɔr be kakɛ na kenyanyaŋɛso.

Kɔlɔsiebi 1:23

Kananɛ Yesu Kristo beeŋ yɛr menyi Ebɔrɛ kutɔ nna na, nɛ men baŋ yirda baru lela na a maa chɛrga men be ŋgbene nsaa tama asɔ nɛ men nu baru lela na to nna na. Baru lela na nɛ baa malga a sa basa kama nɛ ma Pɔɔl gba ki kumo be emalgapo na.

Kɔlɔsiebi 1:28

Yesu Kristo be asheŋ nɛ anyee malga a sa basa kikɛ a fiɛ ekama so nsaa ŋini bumo kanyiashenso nɛ an shin nɛ ekama e pin Yesu Kristo nɛnɛ.

2 Timoti 4:2

fo baa bɔ kubɔya na a sa basa. Kelela ŋko kulubi to kikɛ baa sha kebaabɔ kubɔya na a sa basa a shin nɛ b baa wu kananɛ kashenteŋ na baa dese geeŋ. Baa ta kubɔya na a fiɛ basa so ŋko a leŋ bumo to nsaa kɔ kanyiti a ŋini bumo abɔrɛsheŋ na.