Luuk 14:13 - EBƆRƐ BE KAWƆL

¹³ Ama nɛ fo baŋ wora kejigboŋ, tre betirpo nɛ basa dulgiso nɛ basa nɛ bumo be mboŋ ko wu nɛ betanpo.

Luuk 14:13 ပူးပေါင်းရင်းမြစ်များ

2 Samuɛl 6:19

Kumo be kaman nɛ e chige bumo kikɛ ajibi. E daŋ sa benyɛn nɛ beche nɛ b wɔ Israɛl na kikɛ ebodobodo nɛ eblaŋ tɔso nɛ asɔrso jiso nɛ ekama ta n yɔ laŋ to.

2 Kronikɛls 30:24

Ewura Hɛzekaya daŋ sa basa na egbolu kagboŋ nɛ ekpakpa ŋgboŋ ashunu nna fanɛ b mɔ n we. Nɛ benimuana na malɛ sa bumo egbolu kagboŋ nɛ ekpakpa ŋgboŋ kudu, nɛ bɔrɛmatapoana damta fɔr bumo be amu so daŋkare be ekpa so.

Nehemaya 8:10

Kumo be kaman nɛ Nehemaya kaŋɛ basa na: “Naniere men yɔ epe n ya wora kejigboŋ n ji menyi be nnɔ nseŋ ku ajibi na be ako n sa bumo nɛ b maŋ kɔ shɛŋ nɛ b ji na. Kabre la kachɛ cheembi nna n sa Enyɛnpe anyi be Ebɔrɛ na. Amoso men sa maŋ shin nɛ men be ŋgbene a baa jija menyi. Enyɛnpe Ebɔrɛ beeŋ sa menyi kagbenefuli nɛ k beeŋ sa menyi eleŋ.”

Nehemaya 8:12

Kumo be kaman nɛ basa na kikɛ lar n yɔ bumo peana n ya ji nseŋ nuu kagbenefuliso Bumo alɛ daŋ chige ajibi nɛ asɔnuuso nna n sa beko, ŋkpal manɛ so, b pin kusɔ nɛ mbra nɛ b kraŋ n sa bumo na bee ŋini.

Job be kawɔl 29:13

Bekama nɛ asheŋ pɔɔ so nɛ n chɛ bumo to na nɛfa ma, ma alɛ daŋ chɛ bekulpoche to nɛ bumo be ŋgbene fuli bumo.

Aŋasa 14:31

Esa nɛ e bee mɛaŋ betirpo maa sa Ebɔrɛ nɛ e to bumo na bunyaŋ nna na, ama esa nɛ e bee wu betirpo kuwɔr bre bee bunyaŋ Ebɔrɛ nna.

Aŋasa 22:9

Esa kama nɛ e bee bugi kagbene a kɛ beeŋ nya nɛfa, ŋkpal mo nɛ betirpo ka bee barga mbe kusɔ jiso to so.

Aizaaya 58:10

nsaa sa basa nɛ akoŋ kɔ ajibi nseŋ naa chɛ bumo nɛ asheŋ tir bumo to, kumo ere kanyɛso beeŋ ki fanɛ kapiidi n sa menyi.

Aizaaya 58:7

Men baa chige menyi be ajibi to a sa basa nɛ b maŋ kɔ nɛ b ji nsaa sa bumo nɛ b maŋ kɔ edesekpa kakpa nɛ b dese ashi menyi peana. Menyi alɛ e naa chɛ basa nɛ b maŋ kɔ asɔbuuso to, a sa bumo asɔbuuso nsaa maa kini kebaachɛ men kurgepoana to.

Matiu 15:30

Ndoŋ nna nɛ jimaŋ damta ko keta eyurwusowuraana nɛ betanpo nɛ ebobi nɛ eneemu nɛ belɔpo damta ko m ba nase mbe anishito nɛ e chɛ bumo.

Matiu 22:10

Ndoŋ nna nɛ anya na lar n yɔ abɔrbiana na so n ya kaa chala basa kama nɛ b wu, belela nɛ belubi kikɛ hale nɛ lambu nɛ b daa wora kejafɔ to be kejigboŋ na kikɛ ya bɔlɔ befɔ.

Luuk 11:41

Kusɔ nɛ k daga kewora e la men ka bee ta asɔ ashi menyi be ekpanjawu to a kɛ betirpo nɛ kusɔ kama e nyalɛ n sa menyi.

Luuk 14:12

Ndoŋ nna nɛ Yesu kaŋɛ kanyɛn nɛ e daŋ tre mo kejigboŋ na to na: “Fo baŋ wora kejigboŋ kapaso ŋko kanyɛso, sa maa tre fo teriana ŋko fo sipoana nɛ fo daana ŋko fo kurgepoana ŋko fo bechenashapo nɛ b la damawuraana. Nɛ mannɛ aloŋ, bumo alɛ gba beeŋ wora ajigboŋ n tre fo nɛ fo ba ji n tal to.

Luuk 14:14

Loŋ nɛ feeŋ nya nɛfa, ŋkpal manɛ so, bumo e maaŋ tiŋ n nya n wora fo n tal to. Kachɛ nɛ kagbene koŋwule wuraana beeŋ tiŋi luwu to na, feeŋ nya fo kakɔka.”

Luuk 14:21

Ndoŋ nna nɛ kenya na ta asheŋ na m bɛta n ya kaŋɛ mo nyɛnpe. Nɛ kowurnyɛn na nya agbo nseŋ kaŋɛ mbe kenya na le: ‘Lar manaŋ manaŋ n yɔ kadegboŋ ere to be abɔrbi nɛ kumo be akɔlɔbiana to n shin nɛ betirpo nɛ basa dulgiso nɛ betanpo nɛ eyurwusowuraana e ba.’

Ashuŋ Shunso 9:39

Nɛ Pita bela ase n tu bumo n yɔ. E ka fo ndoŋ nɛ b keta mo n yɔ esoso be ebu na to nɛ bekulpocheana na kikɛ ba kulti mo a shu nsaa ta nle nɛ asɔbuuso nɛ Dɔɔkas daŋ lue saŋɛ nɛ e daa maŋ naŋ wu na a ŋini Pita.

Ditɛronɔmi 14:29

Le be ajibi ere la Livaiebi nɛ b maŋ kɔ bumo gbagba be nsawule na, nɛ befɔ, nɛ amunibi, nɛ bekulpoche, nɛ b wɔ menyi be nde to na peya nna. Saŋɛ na so, bumo alɛ gba beeŋ nya n ji yɛlayɛlaso. Men baa wora loŋ nɛ Enyɛnpe menyi be Ebɔrɛ na e nɛfa menyi ashi kusɔ kama nɛ menyee wora to.

Ditɛronɔmi 16:11

Menyi nɛ menyi be mbia nɛ nyɛrbi nɛ Livaiebi nɛ befɔ nɛ amunibi nɛ bekulpoche nɛ b wɔ kade na to na beeŋ ji menyi be amu ashi Enyɛnpe Ebɔrɛ na be anishito ashi kakpa nɛ menyee shuŋ Ebɔrɛ na.

Ditɛronɔmi 16:14

Menyi nɛ menyi be mbia nɛ nyɛrbi nɛ Livaiebi nɛ befɔ nɛ amunibi nɛ bekulpoche nɛ menyi nɛ bumo wɔ menyi be ndeana to na e ji menyi be amu ashi Enyɛnpe menyi be Ebɔrɛ na be anishito.

1 Timoti 3:2

Amoso, a daga fanɛ asɔri to be ejuŋkparpo e baa la esa nɛ e maŋ kɔ amoso. A daga fanɛ e baa la eche koŋwule wura a nyi asheŋ a maa nya agbo jigajiga, ama e baa fɛ nfɛra dede a la esa nɛ basa bee sa bunyaŋ. A daga fanɛ e baa la esa a sha basa nsaa tiŋ a ŋini basa abɔrɛsheŋ na nɛnɛ.

1 Timoti 5:10

nɛ emo nɛ e tiŋ ŋ keni mbe mbia so nɛnɛ nɛ b daŋ, nɛ emo nɛ e la esa, nɛ emo nɛ e bar mbe kumu kaseto n sa Ebɔrɛ be bebɛsopo ŋko n chɛ awurfoŋ ŋko tɔrɔ be mbia to nseŋ wora kelela be yiri kikɛ, ber mo n wɔtɔ bekulpoche nɛ b daga kechɛto na to.

Taites 1:8

A daga fanɛ e baa la esa a sha befɔ nsaa sha kelela be yiri kikɛ. A daga fanɛ e baa tiŋ mbe kumu a wora asheŋ a ji asheŋ nɛ amo be ekpa so a sha abɔrɛsheŋ nsaa kɔ da lela nɛ e kɔ a wora asheŋ.

Failimɔn 1:7

Ekurgepo, kasha nɛ fo kɔ na leŋ ma to ga n shin nɛ ma kagbene fuli ma ga, ŋkpal manɛ so, fo leŋ beyirdapoana na to.

Hibruwebi 13:2

Men nyiŋi a sɔ befɔ ashi men peana, ŋkpal manɛ so, beko daŋ wora loŋ n sɔ emalaika bumo peana a maŋ pin b ka la emalaika.