Luuk 14:11 - EBƆRƐ BE KAWƆL

¹¹ Ekama nɛ e bee maŋ mbe kumu so, baaŋ bar mo kaseto nɛ ekama nɛ e bee bar mbe kumu kaseto, baaŋ maŋ mo so.”

Luuk 14:11 ပူးပေါင်းရင်းမြစ်များ

2 Samuɛl 22:28

Bumo nɛ baa bar bumo be amu kaseto na nɛ fee mɔlga, ama bekama nɛ baa maŋ bumo be amu so na bre fee bar bumo kaseto nna.

Ɛsta 6:10

Ndoŋ nna nɛ ewura na kaŋɛ Heman le: “Kumo ere wora manaŋ n ya fin piŋi na nɛ gbaŋɛ na m ba wora kusɔ nɛ fo kaŋɛ ere gbagba n sa Mɔdikaya nɛ e la Juw na. Mo e naa chena ewurkpa be kabunagboŋ na ase na. Nyiŋi n wora kusɔ kama nɛ fo kaŋɛ ere n sa mo nsaa maaŋ teŋ shɛŋ so.”

Job be kawɔl 22:29

Nɛ beko tɔr kebaawɔtɔ to gba, nɛ fo kule Ebɔrɛ n sa bumo e beeŋ nu fo kekule nseŋ maŋ bumo so.

Nshɛ 138:6

Fo, Enyɛnpe Ebɔrɛ na wɔ esoso ga, ama kumubarasewuraana be asheŋ tir fo; kamoowuwuraana malɛ maaŋ tiŋ ŋ ŋana fo so.

Nshɛ 18:27

Fee mɔlga bumo nɛ b kɔ kamubrase nna, nsaa bar kamoowuwuraana kaseto.

Aŋasa 15:33

Kabɔrɛŋana e naa sa esa kanyiasheŋ, nɛ kamoobarase malɛ bee sa esa kemaŋkura.

Aŋasa 18:12

Kamoowu bee yɛr esa kemur to nna; ama kamoobarase bre bee sa esa kemaŋkura nna.

Aŋasa 25:27

Kananɛ mushoŋ maŋ daga keji m baŋ so na, aloŋ nɛ k maŋ daga esa ka bee fin fanɛ basa e baa fur mo saŋkama.

Aŋasa 29:23

Kamoowu bee bar esa kaseto nna, ama kamoobarase bee sa esa kemaŋkura nna.

Aizaaya 2:11

Enyɛnpe Ebɔrɛ na kaŋ ba, baaŋ bar esa kama nɛ e bee fɛ fanɛ e shi ga, ŋko ekama nɛ e bee maŋ mbe kumu so, kaseto. Enyɛnpe Ebɔrɛ na nawule e naaŋ nya kemaŋkura loŋ be kachɛ na.

Aizaaya 2:17

Kachɛ na kaŋ fo, baaŋ bar esa kama nɛ e bee maŋ mbe kumu so nɛ ekama nɛ e bee fɛ fanɛ e shi ga kaseto. Enyɛnpe Ebɔrɛ na nawule e naaŋ nya kemaŋkura.

Aizaaya 57:15

Ma e la Enyɛnpe Ebɔrɛ nɛ e wɔ ebɔrɛso nsaa wɔtɔ mbaanaayɔ na. N wɔ kakpa cheembi nɛ k wɔ esoso nna, ama ma alɛ nɛ basa nɛ b bar bumo be amu kaseto nseŋ ta bumo be amu n deŋi ma so na gba e wɔtɔ nɛ m baa chɛ bumo to.

Matiu 23:12

Ŋkpal manɛ so, ekama nɛ e bee maŋ mbe kumu so, Ebɔrɛ beeŋ bar mo kaseto, nɛ ekama nɛ e bee bar mbe kumu kaseto, Ebɔrɛ beeŋ maŋ mo so.”

Luuk 1:51

E teŋi mbe enɔgboŋ to n jija kamoowuwuraana be ejina kikɛ n lɛ.

Luuk 1:52

E gbelge bewurgboŋ ashi bumo be nwurputi so m ba kaseto nseŋ maŋ bebɔlpo so.

Luuk 14:12

Ndoŋ nna nɛ Yesu kaŋɛ kanyɛn nɛ e daŋ tre mo kejigboŋ na to na: “Fo baŋ wora kejigboŋ kapaso ŋko kanyɛso, sa maa tre fo teriana ŋko fo sipoana nɛ fo daana ŋko fo kurgepoana ŋko fo bechenashapo nɛ b la damawuraana. Nɛ mannɛ aloŋ, bumo alɛ gba beeŋ wora ajigboŋ n tre fo nɛ fo ba ji n tal to.

Luuk 18:14

Nɛ Yesu naŋ kaŋɛ: “Ma e kaŋɛ menyi na fanɛ Ebɔrɛ shin nɛ lamposɔpo na ki elelapo mbe anishito n yɔ epe. Ama Farisinyɛn na bre maŋ nya loŋ, ŋkpal manɛ so, esa kama nɛ e bee maŋ mbe kumu so, baaŋ bar mo kaseto, ama ekama nɛ e bee bar mbe kumu kaseto, baaŋ maŋ mo so.”

Jeems 1:9

Ekurgepo kama nɛ e maŋ la shɛŋ basa kutɔ e shin nɛ mbe kagbene e baa fuli mo fanɛ mbe ketre dii Ebɔrɛ be anishito.

Jeems 4:10

Men baa yɔɔ men be amu Ebɔrɛ be anishito nɛ e maŋ menyi so.

Jeems 4:6

K kɔ kifi, ama Ebɔrɛ be kuwɔr e shi ga. Abɔrɛsibɛ na malɛ e naa kaŋɛ loŋ fanɛ: “Ebɔrɛ maa shuli a sa kamoowuwuraana, basa nɛ b maŋ kɔ kamoowu nɛ e bee wu kuwɔr.”

1 Pita 5:5

Mbrantiɛ, loŋ koŋwule na nɛ a daga fanɛ men baa nu a sa benyɛnnimuana. Men ta kumu be kebar kaseto m mea to fanɛ wajɛ a wɔtɔ a sa abar, ŋkpal manɛ so, Ebɔrɛ maa sa kamoowuwuraana kashuli, ama bumo nɛ baa bar bumo be amu kaseto bre, e bee wu bumo kuwɔr nna.

1 Pita 5:6

Amoso, men baa bar men be amu kaseto a wɔtɔ Ebɔrɛ be enɔgboŋana to nɛ e maŋ menyi so mo gbagba be saŋɛ.

1 Samuɛl 15:17

Nɛ Samuɛl yɛ: “Fo gbagba nyi fo ka daa maŋ la shɛŋ; ama naniere mannɛ fo e ba ki Israɛl be eyiri kikɛ be ejuŋkparpo ere a? Fo nɛ Enyɛnpe Ebɔrɛ lara fanɛ fo ki Israɛl be ewura naniere,