Luuk 13:35 - EBƆRƐ BE KAWƆL

³⁵ To, naniere bre Ebɔrɛ lara mbe enɔ ashi menyi be asheŋ to. Ma alɛ e kaŋɛ menyi na fanɛ yili kabre a yɔ, men maaŋ naŋ wu ma kikɛ, ama jemanɛ nɛ menyeeŋ kaŋɛ le na fo nna: ‘Kagbenefuli e baa wɔ emo nɛ e shi Enyɛnpe be ketre to a ba na.’ ”

Luuk 13:35 ပူးပေါင်းရင်းမြစ်များ

Nshɛ 118:26

Nɛfa la esa nɛ e bee ba Enyɛnpe Ebɔrɛ be ketre to na peya nna. Enyɛnpe Ebɔrɛ, fo bɔrɛlambu na ase nɛ an yil a nɛfa fo.

Nshɛ 69:25

Jija bumo be echenakpa. Sa maŋ shin nɛ esa koŋwule gba e ka a wɔ bumo be keeyi to.

Aizaaya 52:7

K la mamachi be kesheŋ nna fanɛ esa ka beeŋ wu kabɔ ka ta kagbenewushi be baru n shi abee so a gbelge to a ba nɛ e ba sa basa. Kekɔmpɔɔso be kebomboŋ nɛ e bee ber a sa Jerusalɛm to ebi a kaŋɛ le: “Menyi be Ebɔrɛ e la Ewura!”

Jɛremaya 22:5

Ama nɛ men kini kenu n sa kusɔ nɛ mee kaŋɛ menyi kenishipereso ere, ŋ gbagba bee nase kɔnɔ ma ketre to nna fanɛ ewurkpa ere beeŋ ba ki kelambure n dese. Ma, Enyɛnpe Ebɔrɛ e kaŋɛ na.”

Jɛremaya 35:17

Amoso, naniere, ma Enyɛnpetale, Israɛl be Ebɔrɛ na beeŋ shin nɛ kemur nɛ n nase kumo be kɔnɔ na e ba menyi Juda nɛ Jerusalɛm be basa so. Meeŋ shin nɛ le a wora ŋkpal manɛ so, ŋ ka malga n sa menyi, menyi maŋ nu; ma alɛ ka tre menyi, menyi maŋ shuli so.”

Maika 3:12

Ŋkpal bumo so, baaŋ pulgi Jerusalɛm to fanɛ kudɔsawule, nɛ k ki kade bureso m biti abar so a dese; nɛ Zayɔn be kebee nɛ bɔrɛlambu na yil so na malɛ e ki kupo.

Zakareya 12:10

Ma, Enyɛnpe Ebɔrɛ na beeŋ shin nɛ kuwɔrwu nɛ kabɔrɛkule be kiyoyu e gbelge m ba ewura Deevid be kamanebi nɛ basa nɛ b wɔ Jerusalɛm to na kikɛ so. Baaŋ to kenishi n wu esa nɛ b da mo kekpa m mɔ na nseŋ shu mbe keeli fanɛ kananɛ baa shu ebi koŋwule be keeli na, nseŋ wora kuwɔr be asheŋ fanɛ esa nɛ e paŋ mbe wurkoŋnyɛn na.

Zakareya 14:2

Enyɛnpe Ebɔrɛ na e naŋ gama efuli pɔtɛana na abar so nɛ b ba kɔ Jerusalɛm kena. Baaŋ pɔ kadegboŋ na so nseŋ luri elaŋ to m muu asɔ nseŋ pur beche. Baaŋ pɛ basa na be bargato ŋ ki anya n yɔ efuli pɔtɛana so, ama b maaŋ lara bumo nɛ baaŋ ka na bre kadegboŋ na to.

Matiu 21:9

Le nɛ jimaŋ nɛ b daŋ juŋkpar mo na nɛ bumo nɛ b daŋ bɛ mo so na kikɛ daa ponte a kaŋɛ: “Hosana e baa wɔ Ewura Deevid mo Nanabi so. Nɛfa la esa nɛ e shi Enyɛnpe be ketre to a ba na peya nna. Hosana e baa la Enyɛnpetale peya.”

Matiu 23:37

O Jerusalɛmebi, Jerusalɛmebi, menyi e naa mɔ anebiana na nsaa kpa bumo nɛ Ebɔrɛ shuŋi menyi kutɔ na ajembu a mɔ. Ela afanɛ nɛ n wora ania nɛ n chala menyi abar so fanɛ kananɛ koshi bee koli mbe mbia a wɔtɔ mbe atɛ to na, ama men kini.

Luuk 19:41

Yesu ka ba kaa taga to Jerusalɛm be kade na to nseŋ keni kumo,

Luuk 21:24

Basa beeŋ ta etokobi m mɔ bumo be beko nɛ efuliana so ebi kikɛ e pɛ bumo be beko anya n yɔ bumo be efuliana so nɛ nnyamase e mur Jerusalɛm kikɛ nyam. K beeŋ ba du loŋ nna hale nɛ nnyamase na be eleŋ be jemanɛ e ya choŋ.

Baru lela nɛ Jɔn kute na 12:13

Ndoŋ nna nɛ b fɛta n fɛta abii be ayabi n lar n yɔ nɛ b ya tu mo nsaa ponte a kaŋɛ: “Hosana, nɛfa la esa nɛ e shi Enyɛnpe be ketre to a ba na peya nna. Nɛfa la mo, Israɛl be Ewura na peya nna.”