Luuk 13:25 - EBƆRƐ BE KAWƆL

²⁵ Saŋɛ nɛ kowurnyɛn baŋ koso n ti kabuna na, yili saŋɛ na so nɛ menyi alɛ beeŋ yili kabuna to a ŋmɛa kabuna na a kaŋɛ: ‘Enyɛnpe, bugi anyi.’ Ama e beeŋ kaŋɛ menyi: ‘M maŋ nyi kakpa nɛ menyi shi.’

Luuk 13:25 ပူးပေါင်းရင်းမြစ်များ

Jɛnesis 7:16

Asɔbɔya nɛ a daŋ luri kuloŋgboŋ na to na kikɛ daa la kecheso nɛ kenyɛnso nna fanɛ kananɛ Enyɛnpe Ebɔrɛ daŋ kaŋɛ na. Nowa nɛ asɔ na kikɛ ka luri na be kaman nɛ Enyɛnpe Ebɔrɛ na gbagba ti kuloŋgboŋ na be kabuna.

Nshɛ 32:6

Amoso fo kama nɛ fee ŋana Ebɔrɛ, nsaa wɔ tɔrɔ to, fo kule mo. Saŋɛ na so, tɔrɔ be awɔrfoŋ nɛ k du fanɛ nchu ka to chufulgboŋ a ba eleŋso na maaŋ sulɔ fo n yɔ.

Aizaaya 55:6

Men fin Enyɛnpe Ebɔrɛ na nseŋ kule mo saŋɛ nɛ e taga menyi to ere.

Matiu 25:41

Ade be kaman nɛ ŋ kaŋɛ bumo nɛ b wɔ ma bena so na le: ‘Basa lubi ere, men shile ma so n yɔ edɛ nɛ b puga n yili Setani nɛ mbe emalaika na to. Edɛ na maa duŋ kikɛ.

Luuk 13:27

Nɛ e kaŋɛ menyi: ‘Ma e kaŋɛ menyi na, m maŋ nyi kakpa nɛ men shi, alubiworapoana ere, men shile ma so.’

Luuk 3:8

Men baa wora asheŋ nɛ a bee ŋini fanɛ men lar men be alubi to n sa maa wɔtɔ a kaŋɛ men be amu le: ‘An nana e la Eebraham,’ a fɛ fanɛ menyeeŋ ji n lar. Ma e kaŋɛ menyi na fanɛ Ebɔrɛ beeŋ tiŋ n ta ajembu ere m pɔr kaman to ebi n sa Eebraham.

Luuk 6:46

Manɛ e ba nɛ menyee tre ma Enyɛnpe, Enyɛnpe, nsaa maa wora kusɔ nɛ mee kaŋɛ menyi?

2 Kɔrintebi 6:2

Ŋkpal manɛ so, Ebɔrɛ bee kaŋɛ fanɛ: “Ma kepar be kachɛ nɛ n nu men be ebɔl, nseŋ naŋ chɛ menyi to kumɔlgaachɛ na.” To, ma alɛ e naa kaŋɛ menyi na fanɛ naniere e la Ebɔrɛ be kepar be kachɛ, kabre e la kumɔlga be kachɛ na.

Hibruwebi 12:17

Menyi alɛ gba nyi fanɛ kumo be kaman e ka daa naa sha kesɔ nɛfa na ashi mo tuto kutɔ, e daa maŋ naŋ nya kumo, ŋkpal manɛ so, e daŋ kɔ kenishipereso nɛ e nya ekpa n chɛrga ashi kusɔ nɛ e daŋ wora na to, ama e daa maŋ naŋ nya kumo be loŋ be ekpa.