Luuk 13:17 - EBƆRƐ BE KAWƆL

¹⁷ E ka bishi kesheŋ ere na nɛ anishinyɔr pɛ mo doŋana na kikɛ nɛ basa pɔtɛ malɛ be ŋgbene fuli bumo ŋkpal emamachisheŋ kama nɛ e daŋ wora so.

Luuk 13:17 ပူးပေါင်းရင်းမြစ်များ

Nshɛ 109:29

Fo e naŋ shin nɛ anishinyɔr e ki fanɛ asɔbuuso m buu basa nɛ baa wu ma kulubi na.

Nshɛ 111:3

Enyɛnpe Ebɔrɛ na be asheŋ woraso kikɛ kɔ bunyaŋ nɛ kemaŋkura nna. Kusɔ kama nɛ e bee wora malɛ niŋi nna mbaanaayɔ.

Nshɛ 132:18

E beeŋ baa buu kuwurwuro nɛ k bee nyɛkpɛ. Ama meeŋ shin nɛ mo doŋana bre a ji anishinyɔr.”

Nshɛ 40:14

Wul basa nɛ baa fin ma nɛ b mɔ na be nfɛra to nseŋ shin nɛ b ji anishinyɔr. Shin nɛ bekama nɛ baa fin ma luwu na e sipa.

Ɛksodɔs 15:11

O Enyɛnpe Ebɔrɛ, wanɛ e du fanɛ fo ashi ebɔrɛana kikɛ to? Fo kecheembiya bee mɔ kɔnɔ nna nɛ fo kemaŋkura shi. Wanɛ e du fanɛ fo? Wanɛ e naaŋ tiŋ n wora emamachisheŋ nɛ ashuŋgboŋ nɛ a baa du fanɛ feya ere?

Aizaaya 4:2

To, jemanɛ ko bee ba nɛ Enyɛnpe Ebɔrɛ na e shin nɛ adɔjibi nɛ ndibi kikɛ e daŋ n nyalɛ a walɛ. Saŋɛ na so nɛ Israɛl be basa kama nɛ baaŋ ji efute na be ŋgbene e fuli kasawule na be adɔjibi so nɛ b baa puchi amo so.

Aizaaya 45:24

Bumo alɛ beeŋ kaŋɛ fanɛ n nawule kutɔ nɛ esa beeŋ tiŋ n nya kekɔmpɔɔso nɛ eleŋ. Ama bekama nɛ b kishi ma na bre beeŋ ŋaba.

Aizaaya 66:5

Menyi nɛ menyee ŋana Enyɛnpe Ebɔrɛ nsaa wora mo kasonu na e nu kusɔ nɛ e kaŋɛ. E yɛ: “Ŋkpal men ka bee ji kashenteŋ a sa ma so, menyi gbagba be basa ko kishi menyi nna a maa sha ketu menyi n wora shɛŋ. Baa wora menyi eyurto nna a kaŋɛ le: ‘Men shin nɛ Enyɛnpe Ebɔrɛ na e ŋini mbe eleŋgboŋ nseŋ mɔlga menyi, saŋɛ na so anyeeŋ wu fanɛ menyi be ŋgbene fuli menyi.’ Ama bumo gbagba beeŋ ji anishinyɔr!”

Luuk 14:6

Ama b maŋ tiŋ ŋ kaŋɛ shɛŋ.

Luuk 18:43

Epul na malɛ to nɛ kanyɛn na nya mbe anishi a wu nseŋ bɛ Yesu so a di Ebɔrɛ epaŋ. Basa na kikɛ ka wu kumo be loŋ nɛ b di Ebɔrɛ epaŋ ga.

Luuk 19:48

Ama bumo alɛ daa maŋ tiŋ n nya shɛŋ n wora ŋkpal kananɛ basa daŋ baa wɔtɔ a nu mbe kamalga na so.

Luuk 20:40

Ŋkpal manɛ so, b daŋ ŋana kenaŋ n tiŋ m bishi mo kusɔ ko.

Ashuŋ Shunso 4:21

Nɛ nshɛr na to ebi naŋ fiɛ bumo so ga n ti so nseŋ yige bumo nɛ b yɔ. B daa maŋ wu ekpa nɛ b daa beeŋ bɔla so n tiŋ ŋ gberge bumo kusoe, ŋkpal manɛ so, basa kikɛ daa di Ebɔrɛ epaŋ nna ŋkpal kusɔ nɛ k wora na so.

2 Timoti 3:9

Bumo alɛ nɛ bumo be eda na maaŋ fo koshipe, ŋkpal manɛ so, bumo be alubi na beeŋ lar efuli nɛ ekama e wu amo fanɛ kananɛ Janes nɛ Jambres be asheŋ daŋ ki na.

Taites 2:8

Shin nɛ kusɔ kama nɛ fee malga e baa kɔ kashenteŋ nɛ anishinyɔr e ji edoŋ kama nɛ e sa maŋ nya kulubi kikɛ m malga ŋ gbiti anyi.

1 Pita 3:16

Ama men baa kɔ amu be kebar kaseto nɛ bunyaŋ a wora loŋ nsaa maŋ shin nɛ kesheŋ lubi e baa wɔ men be nfɛra fɛsoana to, saŋɛ na so anishinyɔr beeŋ pɛ bekama nɛ baa malga asheŋ lubi a gbiti menyi ŋkpal men ka la Kristo be basa a wora alelasheŋ na so.