Luuk 13:13 - EBƆRƐ BE KAWƆL

¹³ Ndoŋ nna nɛ e ta mbe enɔana n deŋi mo so nɛ e niŋi to epul na to nseŋ di Ebɔrɛ epaŋ.

Luuk 13:13 ပူးပေါင်းရင်းမြစ်များ

Matiu 9:8

Basa na ka wu kusɔ nɛ k wora na nɛ kufu pɛ bumo nɛ b di Ebɔrɛ epaŋ ŋkpal e ka ta le be eleŋ n sa basa so.

Maak 16:18

Baaŋ gbar ŋgbar nɛ b maa nu nɛ b pɛ awɔ ŋko n ji kɔrtɔ, a maaŋ wora bumo shɛŋ. Baaŋ ta bumo be enɔana n deŋi n deŋi belɔpoana so nɛ b nya alenfia.”

Maak 5:23

ŋ kule mo ga ŋ kaŋɛ: “M pibichesobi e naa lɔ ga a shin nɛ e wu. Amoso, wora ania m ba ta fo enɔ n deŋi mo so nɛ e nya alenfia nsaa maŋ wu.”

Maak 6:5

E daa maŋ tiŋ n wora emamachisheŋ kama ndoŋ she e ka baŋ ta enɔ n deŋi belɔpo gbrɛ ko so nɛ b nya alenfia. K chinchiŋ mo ga ŋkpal basa na ka daa maa kɔ yirda so.

Maak 8:25

Nɛ Yesu naŋ ta mbe enɔana n deŋi kanyɛn na be anishi so. Kede ere to nɛ kanyɛn na keni nɛnɛ nɛ mbe anishi bugi nɛ e fara a wu kusɔ kama nɛnɛ.

Luuk 13:12

Yesu ka wu mo nɛ e tre mo ŋ kaŋɛ: “Kache manɛ, fo kulɔ lar fo to.”

Luuk 18:43

Epul na malɛ to nɛ kanyɛn na nya mbe anishi a wu nseŋ bɛ Yesu so a di Ebɔrɛ epaŋ. Basa na kikɛ ka wu kumo be loŋ nɛ b di Ebɔrɛ epaŋ ga.

Luuk 4:40

Epeŋi ka tɔr nɛ basa bar bumo teri lɔpoana nɛ bumo be alɔ be yiri kikɛ Yesu kutɔ nɛ e ta mbe enɔana n deŋi n deŋi bumo be ekama so n chɛ bumo.

Ashuŋ Shunso 9:17

Ndoŋ nna nɛ Ananiyas yɔ kowu na to n ya ta mbe enɔana n deŋi Sɔɔl so nseŋ kaŋɛ: “Ekurgepo Sɔɔl, Enyɛnpe Yesu gbagba, emo nɛ fo wu ekpa to na e shuŋi ma. Mo e shuŋi ma nɛ fo naa tiŋ a wu nɛ Kiyoyu Cheeŋ na e tiŋ n luri fo to.”