Luuk 12:26 - EBƆRƐ BE KAWƆL

²⁶ Nɛ men ka maaŋ tiŋ n wora le be kusɔbi ere gba nɛ manɛ so nɛ menyee fɔŋ asɔ nɛ a ka malɛ kikɛ so?

Luuk 12:26 ပူးပေါင်းရင်းမြစ်များ

Nshɛ 39:6

K bee choŋ manaŋ manaŋ nna fanɛ kiyoyul na. Awurfoŋ nɛ anyee ji ere kikɛ la fuloŋ nna. Anyee fin asɔ nna a deŋi abar so a yili nsaa maŋ nyi esa nɛ e beeŋ ba ji amo be kapetɛ kachako so.

Kaŋinichiŋgeliŋ 7:13

Fɛ kusɔ nɛ Ebɔrɛ wora ere be asheŋ. Nɛ Ebɔrɛ baa maŋ niŋi kusɔ, wanɛ bre e naŋ tiŋ n niŋi kumo?

Matiu 6:25

Amoso, mee kaŋɛ menyi nna fanɛ men sa maa fɔŋ men be ŋkpa so a wɔtɔ a fɛ kananɛ menyeeŋ tiŋ n nya kusɔ jiso nɛ kusɔnuuso be asheŋ, ŋkpal manɛ so, mannɛ ŋkpa e chɔ ajibi a? Menyi alɛ e sa maŋ naa fɔŋ menyi be eyurana so a wɔtɔ a fɛ kananɛ menyeeŋ tiŋ n nya asɔbuuso be asheŋ, ŋkpal manɛ so, mannɛ eyur e chɔ asɔbuuso a?

Luuk 12:25

Menyi be emo e naaŋ tiŋ n ta kafɔŋ n shin nɛ mbe ŋkpa e wora nteŋ n ti so?

Luuk 12:27

Men keni kananɛ afitiri be atoto bee daŋ a walɛ loŋ, ama amo alɛ maa shuŋ shɛŋ ŋko a lue amo gbagba be asɔbuuso, ŋkeshin nɛ men baa nyi fanɛ Ewura Sɔlɔmɔn e daa kɔ kemaŋkura nɛ asɔ ga ere gba daa maa kɔ asɔbuuso nɛ a walɛ n fo atoto ere so.

Luuk 12:29

Men sa maa fɔŋ so a wɔtɔ a yela kenishi to a fin asɔ nɛ menyeeŋ ji nɛ asɔ nɛ menyeeŋ buu.

1 Pita 5:7

Men ta men be asheŋ tirso kikɛ a lɛ mo so, ŋkpal manɛ so, men be asheŋ wɔ mbe kagbene to ga.