Luuk 12:23 - EBƆRƐ BE KAWƆL

²³ ŋkpal manɛ so, eyur e chɔ asɔbuuso.

Luuk 12:23 ပူးပေါင်းရင်းမြစ်များ

Jɛnesis 19:17

B ka baŋ keta Lɔtana n lar kade na to nɛ emalaika na be eko kaŋɛ le: “Men baa shil a mɔlga menyi be ŋkpa! Menyi be ekama malɛ e sa maŋ kaŋ gbɛ ŋ keni kaman ŋko n yili ketaŋɛ nɛ k wɔ menyi be anishito ere to. Men shile a yɔ abee ere ase, saŋɛ na so b maaŋ mɔ menyi.”

Job be kawɔl 1:12

Ndoŋ nna nɛ Enyɛnpe Ebɔrɛ na kaŋɛ Setani le: “Yoo, n ta kusɔ kama nɛ e kɔ m bɔɔ fo enɔ, ama sa maŋ kaŋ doro Job gbagba bre.” Nɛ Setani lar Enyɛnpe Ebɔrɛ kutɔ n choŋ.

Job be kawɔl 2:4

Nɛ Setani kaŋɛ Ebɔrɛ le: “Esa shuli e ka paŋ asɔ nɛ e kɔ kikɛ nsaa kɔ mbe ŋkpa a wɔtɔ.

Job be kawɔl 2:6

Ndoŋ nna nɛ Enyɛnpe Ebɔrɛ malɛ naŋ kaŋɛ le: “To, n nu! Feeŋ tiŋ n shin nɛ kayurnyaŋ e tɔr Job so nɛ e ji awurfoŋ kananɛ fee sha, ama sa maŋ kaŋ mɔ mo bre!”

Aŋasa 13:8

Saŋko, damawuraana bee kaa ta bumo be kanya nna a kuŋ bumo be amu, ama betirpo bre maa kaa luri loŋ be asheŋ to.

Luuk 12:22

Nɛ Yesu kaŋɛ mbe bebɛsopo: “Amoso, mee kaŋɛ menyi nna fanɛ men sa maa fɔŋ menyi be ŋkpa so a wɔtɔ a fɛ kananɛ menyeeŋ tiŋ n nya kusɔ jiso be asheŋ, ŋkpal manɛ so, ŋkpa e chɔ ajibi. Menyi alɛ e sa maŋ naa fɔŋ menyi be eyurana so a wɔtɔ a fɛ kananɛ menyeeŋ tiŋ n nya asɔbuuso be asheŋ,

Luuk 12:24

Men keni emɔmɔ, b maa du shɛŋ, bumo alɛ maa teŋi shɛŋ, b maŋ kɔ ajibi mpuro to, ŋkeshin nɛ Ebɔrɛ malɛ bee sa bumo asɔ jiso. Nɛ keni, menyi alɛ ka bɔ mbuibi kanaŋkamaso nde.

Ashuŋ Shunso 27:38

Ekama ka ji n kukwe nɛ b ta ayu nɛ a wɔ ekuloŋgboŋ na to na n lɛ teku na to nɛ ekuloŋgboŋ na e fuga so.