Luuk 12:20 - EBƆRƐ BE KAWƆL

²⁰ Ndoŋ nna nɛ Ebɔrɛ kaŋɛ mo: ‘Ewulpo ere. Kanyɛ ere feeŋ paŋ fo ŋkpa ere. Nɛ fo alɛ paŋ kumo, wanɛ peya nɛ asɔ nɛ fo bela n yili fo kumu ere kikɛ beeŋ ki?’ ”

Luuk 12:20 ပူးပေါင်းရင်းမြစ်များ

Ɛsta 5:11

n ji njɔŋ ŋ ŋini bumo kananɛ e dii kedama nɛ kananɛ e kɔ mbinyɛnsobi damta nɛ kananɛ ewura maŋ mo so nseŋ sa mo kenimu a chɔ ekrachiana nɛ benimuana na be ekama.

Job be kawɔl 27:8

Jemanɛ nɛ Ebɔrɛ beeŋ sɔ basa nɛ b kini mo na be ŋkpa na, tama kikɛ maaŋ naa wɔtɔ n sa bumo.

Nshɛ 39:6

K bee choŋ manaŋ manaŋ nna fanɛ kiyoyul na. Awurfoŋ nɛ anyee ji ere kikɛ la fuloŋ nna. Anyee fin asɔ nna a deŋi abar so a yili nsaa maŋ nyi esa nɛ e beeŋ ba ji amo be kapetɛ kachako so.

Nshɛ 49:10

Anyee wu benyiashempo nɛ bewulpo kikɛ ka bee wu; nɛ basa pɔtɛ e ta bumo be asɔ.

Nshɛ 73:19

Baaŋ mur epul to nɛ kufu e pɛ bumo nɛ b baa chicha. Bumo be lalaloge beeŋ lubi pasaa!

Nshɛ 78:30

Ama b daa maŋ naŋ nya amo n we bumo be keparso gba, a kraa wɔ bumo be nnɔ to nna

Aŋasa 10:2

Kapuni be kedamaya maa lar tɔnɔ a sa esa ama kashenteŋji bre bee mɔlga esa be ŋkpa nna.

Aŋasa 11:4

Kedamaya maaŋ ba kɔ tɔnɔ n sa fo gbagba fo kaluwuachɛ, ama kashenteŋji bre beeŋ tiŋ m mɔlga fo ŋkpa.

Aŋasa 13:7

Basa ko bee ta bumo be amu nna fanɛ damawuraana, ama bumo alɛ maŋ kɔ shɛŋ. Beko malɛ bee ta bumo be amu nna fanɛ betirpo, bumo alɛ nsaa la damawuraana kashenteŋto.

Aŋasa 27:1

Sa maa puchi echefoso, ŋkpal manɛ so fo maŋ nyi kananɛ asheŋ beeŋ ba du echefo.

Aŋasa 28:8

Esa kama nɛ e bee wɔtɔ basa nɛ b paŋ mo amansherbi nchu ga, be kapetɛ beeŋ yɔ esa nɛ e bee wu betirpo kuwɔr kutɔ.

Aizaaya 56:12

Kusɔ nɛ basa nɛ baa boo nsa bee kaŋɛ e la fanɛ men shin nɛ an ya nuu nsa m boo kananɛ anyee sha. Echefo peya e baa chɔ kabre peya!”

Jɛremaya 17:11

Esa kama nɛ e bee puni a nya amansherbi du fanɛ kabuibi nɛ e bee pugi afule nɛ e maŋ to so nna. Jemanɛ nɛ e beeŋ daŋ n yili na nɛ e beeŋ paŋ amansherbi na, kumo be lalaloge nɛ e ki fanɛ ewulpo.

Eemɔs 6:13

Menyee ji njɔŋ nna ŋkpal men ka kɔ m pɔɔ Lodiba be kade so so. Nsaa wu menyi be amu ŋkpal men ka kɔ n sɔ Karnayim so.

Nahum 1:10

Baaŋ baa du fanɛ besanuupo nɛ b nuu nsa ga nɛ a pɔɔ bumo so nna; ŋko ajinjɛ nɛ atuweklaŋ nɛ a mel abar to nɛ edɛ chɔɔ amo m mur na nna.

Luuk 11:40

Bewulpo ere, mannɛ esa nɛ e wora kamanto na gbagba e wora epun to na gba a?

1 Tɛsalɔnikaebi 5:3

Saŋɛ nɛ basa ya kaa kaŋɛ: “Naniere bre kaboŋ nyalɛ nɛ kagbenewushi ba,” epul na malɛ to nɛ kemur be tɔrɔ beeŋ tɔr bumo so fanɛ kananɛ kakurge be ebesa bee purgi edampoche na. Bumo be ekama maaŋ lar.

1 Timoti 6:17

Ŋini bumo nɛ b kɔ dama durnya ere to na fanɛ b sa maa wu bumo be amu ŋko a ta bumo be yirda a deŋi bumo be asɔ so, ŋkpal manɛ so, esa kikɛ maaŋ tiŋ m pin kananɛ mbe asɔ beeŋ chɛr a wɔ mo kutɔ. Kusɔ nɛ k daga damawuraana ka wora e la b ka yirda Ebɔrɛ, ŋkpal manɛ so, mo e naa bugi kagbene a kɛ anyi asɔ yɛlyɛla so nɛ an baa ta a wushi an be ŋgbene.

1 Timoti 6:7

An ka bee ba durnya ere to an maŋ bar shɛŋ, anyi alɛ naa lar kumo to, anyi maaŋ tiŋ n ta shɛŋ n lar.

Jeems 4:14

Men maŋ nyi kusɔ nɛ k beeŋ wora echefo gba. Manɛ e la men be ŋkpaana ere? Men be ŋkpaana ere du fanɛ kenyɔlɔ nna, a maa chɛr nseŋ naa yɔ epul na to.