Luuk 12:17 - EBƆRƐ BE KAWƆL

¹⁷ Nɛ e fara a fɛ le be nfɛra: ‘M maŋ kɔ kakpa nɛ n ta ma adɔjibi ere kikɛ n wɔtɔ, amoso, nuso nɛ meeŋ wora?’

Luuk 12:17 ပူးပေါင်းရင်းမြစ်များ

Kaŋinichiŋgeliŋ 11:2

Baa chige fo asɔ to a sa basa be yiri yiri damta, ŋkpal manɛ so, fo maaŋ tiŋ m pin jemanɛ nɛ kumu lubi beeŋ tu fo.

Aizaaya 58:7

Men baa chige menyi be ajibi to a sa basa nɛ b maŋ kɔ nɛ b ji nsaa sa bumo nɛ b maŋ kɔ edesekpa kakpa nɛ b dese ashi menyi peana. Menyi alɛ e naa chɛ basa nɛ b maŋ kɔ asɔbuuso to, a sa bumo asɔbuuso nsaa maa kini kebaachɛ men kurgepoana to.

Matiu 16:7

Ndoŋ nna nɛ b fara a malga kumo be asheŋ a sa abar: “An ka maŋ bar bodobodo so nɛ e bee malga loŋ na.”

Matiu 5:42

Nɛ esa kule fo kusɔ ko, fo sa mo, nɛ esa ko malɛ bee sha kepaŋ kusɔ ko fo kutɔ, fo sa maŋ mɔn mo.

Luuk 10:25

Kachako mbraŋinipo ko ba m ba kaa fin kewora Yesu ŋ keni nseŋ bishi mo: “Eŋinipo, manɛ nɛ meeŋ wora n tiŋ n nya ŋkpa nɛ k maŋ kɔ ekar na?”

Luuk 11:41

Kusɔ nɛ k daga kewora e la men ka bee ta asɔ ashi menyi be ekpanjawu to a kɛ betirpo nɛ kusɔ kama e nyalɛ n sa menyi.

Luuk 12:16

Ndoŋ nna nɛ Yesu bɔ bumo keŋasa ere ŋ kaŋɛ: “Damawura ko be adɔjibi e daŋ wora ga.

Luuk 12:18

Ndoŋ nna nɛ nfɛra ba mo to nɛ e kaŋɛ mbe kumu: ‘N nyi kusɔ nɛ meeŋ wora. Meeŋ jija ma mpuro ere nseŋ naŋ lue agboŋi n ta ma ayu ere nɛ ma adɔjibi nɛ a ka na kikɛ n wɔtɔ amo to.

Luuk 12:22

Nɛ Yesu kaŋɛ mbe bebɛsopo: “Amoso, mee kaŋɛ menyi nna fanɛ men sa maa fɔŋ menyi be ŋkpa so a wɔtɔ a fɛ kananɛ menyeeŋ tiŋ n nya kusɔ jiso be asheŋ, ŋkpal manɛ so, ŋkpa e chɔ ajibi. Menyi alɛ e sa maŋ naa fɔŋ menyi be eyurana so a wɔtɔ a fɛ kananɛ menyeeŋ tiŋ n nya asɔbuuso be asheŋ,

Luuk 12:29

Men sa maa fɔŋ so a wɔtɔ a yela kenishi to a fin asɔ nɛ menyeeŋ ji nɛ asɔ nɛ menyeeŋ buu.

Luuk 12:33

Men fa menyi be ekpanjawu to be asɔ nseŋ ta amo be amansherbi n sa betirpo. Loŋ e naaŋ shin nɛ men baa kɔ ekpanjawu nɛ a bɔlɔ menyi be ekɔlgu a yil ebɔrɛso a maa jija, amo alɛ maa duga so. Eyu kikɛ maaŋ tiŋ n yuri amo ndoŋ, elala malɛ gba maaŋ tiŋ n ji amo.

Luuk 16:3

Ndoŋ nna nɛ esibɛpo na fara a fɛ le be nfɛra: ‘To, naniere n nyɛnpe ka lara ma kushuŋ ere to ere, nuso nɛ meeŋ wora, ŋkpal manɛ so, m maŋ kɔ eleŋ nɛ n dɔ, ma alɛ anishinyɔr so m maaŋ tiŋ ŋ kule n ji.’

Luuk 16:9

Ade kikɛ be kaman nɛ Yesu kaŋɛ le: “To, ma e kaŋɛ menyi na fanɛ men baa ta durnya to be kanya a ji basa keteri, saŋɛ na so, nɛ a ba loge, menyeeŋ nya kowu ashi bumo kutɔ nɛ kumo be kebaawɔtɔ maŋ kɔ ekar na n ya kaa wɔtɔ.

Luuk 18:22

Yesu ka nu loŋ nɛ e kaŋɛ kanyɛn na le: “Kusɔ koŋwule e kraŋ ka nɛ fo wora. Kumo alɛ nde: Ya fa fo asɔ kikɛ nyam n ta amo be amansherbi n chige betirpo. Loŋ nɛ feeŋ nya ekpanjawu ashi ebɔrɛso. Ade be kaman nɛ fo ba bɛ ma so.”

Luuk 19:17

Nɛ enyɛnpe na kaŋɛ mo: ‘Mbo, kenya lela, fo wora asɔ. Fo ka baŋ ta gbrɛbi ere n shuŋ le ere nɛ m pin fanɛ meeŋ tiŋ n yirda fo, amoso, naniere n sa fo nde kudu nɛ fo baa keni so.’

Luuk 3:11

Nɛ e kaŋɛ bumo: “Ekama nɛ e kɔ nle anyɔ, e lara kuko n sa emo nɛ e maŋ kɔ. Nɛ ekama malɛ nɛ e kɔ ajibi e sa beko.”

Ashuŋ Shunso 16:30

Ndoŋ nna nɛ e keta bumo n lar n ya bishi bumo: “N nyɛnpeana, nuso nɛ meeŋ wora n tiŋ n nya kumɔlga?”

Ashuŋ Shunso 2:37

Basa na ka nu asɔ nɛ Pita malga na kikɛ nɛ bumo be ŋgbene kaa nɛ b bishi Pita nɛ mo braana beshuŋipoana na: “An kurgepoana, nuso nɛ anyeeŋ wora?”

Romebi 12:13

Men baa barga menyi be asɔ to a sa bekurgepoana nɛ b maŋ kɔ nsaa bugi menyi be nwu a sa bekurgepo nɛ b la befɔ.

1 Timoti 6:17

Ŋini bumo nɛ b kɔ dama durnya ere to na fanɛ b sa maa wu bumo be amu ŋko a ta bumo be yirda a deŋi bumo be asɔ so, ŋkpal manɛ so, esa kikɛ maaŋ tiŋ m pin kananɛ mbe asɔ beeŋ chɛr a wɔ mo kutɔ. Kusɔ nɛ k daga damawuraana ka wora e la b ka yirda Ebɔrɛ, ŋkpal manɛ so, mo e naa bugi kagbene a kɛ anyi asɔ yɛlyɛla so nɛ an baa ta a wushi an be ŋgbene.

1 Jɔn 3:16

Le nɛ an bɔla m pin kusɔ nɛ k la kasha. Yesu Kristo e shin nɛ b lara mbe ŋkpa ashi mo to n sa anyi. Amoso, a daga fanɛ anyi alɛ gba ka ta anyi be ŋkpaana n sa an niopibiana.