Luuk 12:1 - EBƆRƐ BE KAWƆL

¹ Basa ŋgboŋ damta ko ka shɛr ndoŋ hale n ya kaa chichi abar so nɛ Yesu fara a kaŋɛ mbe bebɛsopo le: “Men baa de Efarisiana na be yiisi so, kumo e la fanɛ bumo be kebirkɔnshi be asheŋ.

Luuk 12:1 ပူးပေါင်းရင်းမြစ်များ

2 Bewura 7:17

Loŋ be saŋɛ na nɛ ewura na daŋ shin nɛ benapo be enimu nɛ e bee fute a yige so na bee keni kade na be kabunagboŋ na so, nɛ gbirgbir gbirgbir na shin nɛ basa chichi mo so m mɔ. Nɛ kusɔ nɛ Enyɛnpe Ebɔrɛ bɔla anebi Elaisha so ŋ kaŋɛ saŋɛ nɛ ewura na yɔ mo pe na bɔlɔ so.

Job be kawɔl 20:5

basa lubi be kagbenefuli maa chɛr.

Job be kawɔl 27:8

Jemanɛ nɛ Ebɔrɛ beeŋ sɔ basa nɛ b kini mo na be ŋkpa na, tama kikɛ maaŋ naa wɔtɔ n sa bumo.

Job be kawɔl 36:13

Basa nɛ b maa ŋana Ebɔrɛ ashi bumo be ŋgbene to, kanya agbo e bɔlɔ bumo to. Nɛ Ebɔrɛ baŋ gberge bumo kusoe gba b maa kule mo fanɛ e chɛ bumo to.

Aizaaya 33:14

Kufugboŋ beeŋ tɔr Jerusalɛm be basa lubi nɛ b maa ŋana Ebɔrɛ na so nɛ b baa chicha. B yɛ: “Ebɔrɛ be demuji du fanɛ edɛ nɛ k bee chɔ a maa duŋ nna. Anyi to be beko beeŋ tiŋ n luri edɛ ere to n lar nɛ anyi maaŋ wu a?”

Luuk 11:44

Asheŋ maaŋ nyalɛ n sa menyi, ŋkpal manɛ so, men du fanɛ nchaŋ nɛ b maŋ dulgi nɛ basa maŋ nyi nsaa nite amo so na nna.”

Luuk 12:56

Kebirkɔnshiwuraana ere, menyee tiŋ a keni kasawule nɛ awɔlpa so a pin kananɛ a du be afito. To, nɛ manɛ e ba nɛ men maaŋ tiŋ m pin jemanɛ ere be kebaawɔtɔ be kifito?”

Luuk 5:1

Kachako Yesu ka yil Gɛnɛsarɛt be kepagboŋ na ase nɛ basa mel abar m buu mo so nɛ b nu Ebɔrɛ be kubɔya na

Luuk 5:15

Ama Yesu be asheŋ na be baru daa naŋ sɔ kaplɛkama nna n ti so nɛ jimaŋ damta ba nɛ b ba nu mbe kubɔya na nɛ e chɛ bumo be alɔ be nnaŋ to kikɛ.

Luuk 6:17

Bumo nɛ Yesu ka gbelge n shi kebeebi na so a ba nɛ bumo kikɛ nɛ bebɛsopo damta ko ba yili kakpa peŋgeleŋ ko. Jimaŋ damta ko gba daa wɔ ndoŋ. B daŋ shi Judiya be efuli na so kikɛ nɛ Jerusalɛm nɛ Tayɛ nɛ Saidɔn be teku ase be nde to nna m ba nɛ b ba nu mbe kubɔya na nɛ e chɛ bumo be alɔ be yiri kikɛ.

Ashuŋ Shunso 21:20

B ka nu mbe kamalga na nɛ bumo kikɛ di Ebɔrɛ epaŋ nseŋ kaŋɛ Pɔɔl: “Fo wu ai, ekurgepo, Jerusalɛm ere to be Juwebi damta gba ki beyirdapo naniere, ama bumo alɛ kraa mɔ bumo be amu nna a bɛ Mosis be mbra na so.

1 Kɔrintebi 15:3

Ŋkpal manɛ so, kusɔ nɛ n daŋ nya nɛ ma alɛ gba daŋ ta m bɔɔ menyi enɔ fanɛ kusɔ nɛ k juŋkpar e la fanɛ: Kristo wu nna ŋkpal anyi be alubi so fanɛ kananɛ abɔrɛsibɛ na bee kaŋɛ na fanɛ

Hibruwebi 12:22

Ama menyi ere ba Zayɔn be kebee na so, ebɔrɛso be Jerusalɛm nɛ k la Ebɔrɛ nɛ e wɔ ŋkpa to be kade to na. Ndoŋ nɛ emalaika ŋgboŋto ŋgboŋto wɔ na.

Jeems 3:17

Kanyiasheŋ nɛ k shi ebɔrɛso na bre maŋ kɔ kulubi kikɛ kumo to. Kumo e naa bar kagbenewushi nsaa shin nɛ basa du boeŋ nsaa shuli a nu asheŋ nɛ basa pɔtɛ bee kaŋɛ. Kuwɔr nɛ alelasheŋ e bɔlɔ kumo to. Esa nɛ e kɔ loŋ be kanyiasheŋ maŋ la nfɛranyɔnyɔwura, mo alɛ maŋ kɔ kebirkɔnshi.

1 Pita 2:1

Amoso, men lara alubi kikɛ ashi menyi to. Men sa maŋ naa ku efɛ ŋko a kɔ kebirkɔnshi ŋko yurkishi ŋko katege be mmalga.