Luuk 11:48 - EBƆRƐ BE KAWƆL

⁴⁸ Le e naa ŋini fanɛ men shuli fanɛ asɔ nɛ men nanaana daŋ wora na daŋ bɔla ekpa, ŋkpal manɛ so, b mɔ anebiana na nɛ menyi alɛ pɔr asɔ n yuu bumo be nchaŋana so.

Luuk 11:48 ပူးပေါင်းရင်းမြစ်များ

2 Kronikɛls 36:16

Ama b daŋ kplaŋ Enyɛnpe Ebɔrɛ be kamalga so nna nsaa wora mbe mbɔ nɛ e daa shuŋi bumo kutɔ na amɔmɔshiasheŋ nsaa mushe mbe anebiana na, hale nɛ Enyɛnpe Ebɔrɛ be agbo kaa alegaiso nɛ shɛŋ maŋ naa wɔtɔ nɛ k sɔ basa na.

Job be kawɔl 15:6

M maŋ wɔ nfe nna nɛ n ji fo demu; fo gbagba be mmalga e naa ji a bri fo.

Nshɛ 64:8

Bumo gbagba be mmalga beeŋ kilgi n ji bumo, nɛ kufu e pɛ bekama nɛ b wu bumo, nɛ b fifi amu n chicha.

Ezikɛl 18:19

Ashere menyeeŋ bishi fanɛ nɛ mannɛ e baa nɛ ebi maaŋ nya mo tuto be asheŋ lubi be kakɔka? Kusɔ nɛ k ba e la fanɛ ebi na wora kusɔ nɛ k daga nseŋ wora ma mbraana kasonu nna.

Matiu 23:27

Mbraŋinipoana nɛ Efarisiana, asheŋ maaŋ nyalɛ n sa menyi kikɛ, kebirkɔnshiwuraana ere. Men du fanɛ nchaŋana nɛ b ta asɔ fuful n nyɔɔ amo be esoso nɛ a walɛ so kowu nɛ amo be epun to bre bɔlɔ bubuni be awibi n lubi so na nna.

Matiu 23:31

To, menyi gbagba e baa ji shɛda a kaŋɛ fanɛ men ka la bumo nɛ b mɔ anebiana na be benanabi na.

Luuk 11:47

Asheŋ maaŋ nyalɛ n sa menyi, ŋkpal manɛ so, men nanaana mɔ anebiana na nɛ menyi alɛ pɔr asɔ n yuu bumo be nchaŋana so.

Luuk 11:49

Ŋkpal ade so nɛ Ebɔrɛ ta mbe kanyiasheŋ ŋ kaŋɛ: ‘Meeŋ shuŋi anebiana nɛ beshuŋipoana bumo kutɔ, ama baaŋ mɔ bumo to be beko nseŋ tɔrɔ beko malɛ.’

Romebi 1:32

B nyi Ebɔrɛ be mbra na ka bee kaŋɛ fanɛ bekama nɛ b wɔ le be kebaawɔtɔ ere to daga luwu, ama b kraŋ pere kenishi nna a wora amo nsaa leŋ basa pɔtɛ gba to a wɔtɔ loŋ be asheŋ na be kewora to.

Jeems 5:10

Ŋ kurgepoana an ta fanɛ anebiana nɛ b daŋ bɔla Ebɔrɛ be ketre so m malga asheŋ na ŋ keni kananɛ b daŋ ji kanyiti. B daŋ luri tɔrɔ to, ama b daŋ ji kanyiti ga. Menyi alɛ gba e bɛ bumo be aya so n wora loŋ.

Joshuwa 24:22

Ndoŋ nna nɛ Joshuwa malɛ kaŋɛ bumo le: “Menyi gbagba e naa ji kumo shɛda fanɛ Enyɛnpe Ebɔrɛ na nɛ menyeeŋ shuŋ na.” Nɛ b kaŋɛ le: “Kashenteŋto nɛ an ji kumo be shɛda.”