Luuk 11:41 - EBƆRƐ BE KAWƆL

⁴¹ Kusɔ nɛ k daga kewora e la men ka bee ta asɔ ashi menyi be ekpanjawu to a kɛ betirpo nɛ kusɔ kama e nyalɛ n sa menyi.

Luuk 11:41 ပူးပေါင်းရင်းမြစ်များ

Nshɛ 112:9

Baa bugi ŋgbene nna a kɛ betentaŋasepo asɔ nɛ bumo be kelela be kewora malɛ maŋ kɔ ekar. Amoso basa bee nyiŋi bumo jemanɛ kikɛ nna.

Nshɛ 41:1

Enyɛnpe Ebɔrɛ, fee nɛfa bekama nɛ baa chɛ betirpo to nna, nsaa mɔlga loŋ be basa tɔrɔ be saŋɛ so.

Aŋasa 14:31

Esa nɛ e bee mɛaŋ betirpo maa sa Ebɔrɛ nɛ e to bumo na bunyaŋ nna na, ama esa nɛ e bee wu betirpo kuwɔr bre bee bunyaŋ Ebɔrɛ nna.

Aŋasa 16:6

Fo baa kɔ kasonu nɛ kashenteŋji, Ebɔrɛ beeŋ ta fo alubi m paŋ fo. Kabɔrɛŋana e naa shin nɛ esa bee ŋana kulubi.

Aŋasa 19:17

Kekɛ etirpo kusɔ du fanɛ fo ka ta kumo m paŋ Enyɛnpe Ebɔrɛ nna; Ebɔrɛ beeŋ ka fo kumo be kukɔ.

Danɛl 4:27

Amoso Yiramu, nu n sa ma kasotoji ere. Yige alubi be kebaawora nsaa wora alela nɛ asheŋ niŋiso. Baa wu betirpo kuwɔr. Loŋ nɛ fo kanyɛ beeŋ baa ti so saŋkama.”

Matiu 26:11

Saŋkama menyi nɛ betirpo e naaŋ baa la, ama ma ere nɛ menyi maaŋ baa la saŋkama.

Matiu 5:42

Nɛ esa kule fo kusɔ ko, fo sa mo, nɛ esa ko malɛ bee sha kepaŋ kusɔ ko fo kutɔ, fo sa maŋ mɔn mo.

Maak 7:19

Ŋkpal manɛ so, k maa luri mbe kagbene to, mbe epun nawule to nɛ k bee luri a lar mbe eyur to.” Yesu daŋ malga le be demu nna a ŋini fanɛ kejibi kikɛ walɛ keji.

Luuk 12:33

Men fa menyi be ekpanjawu to be asɔ nseŋ ta amo be amansherbi n sa betirpo. Loŋ e naaŋ shin nɛ men baa kɔ ekpanjawu nɛ a bɔlɔ menyi be ekɔlgu a yil ebɔrɛso a maa jija, amo alɛ maa duga so. Eyu kikɛ maaŋ tiŋ n yuri amo ndoŋ, elala malɛ gba maaŋ tiŋ n ji amo.

Luuk 16:9

Ade kikɛ be kaman nɛ Yesu kaŋɛ le: “To, ma e kaŋɛ menyi na fanɛ men baa ta durnya to be kanya a ji basa keteri, saŋɛ na so, nɛ a ba loge, menyeeŋ nya kowu ashi bumo kutɔ nɛ kumo be kebaawɔtɔ maŋ kɔ ekar na n ya kaa wɔtɔ.

Luuk 18:22

Yesu ka nu loŋ nɛ e kaŋɛ kanyɛn na le: “Kusɔ koŋwule e kraŋ ka nɛ fo wora. Kumo alɛ nde: Ya fa fo asɔ kikɛ nyam n ta amo be amansherbi n chige betirpo. Loŋ nɛ feeŋ nya ekpanjawu ashi ebɔrɛso. Ade be kaman nɛ fo ba bɛ ma so.”

Luuk 19:8

Nɛ Zakiyes niŋi to n yili nseŋ kaŋɛ Enyɛnpe le: “Enyɛnpe, keni, meeŋ barga ma asɔ to ntuŋ anyɔ so n ta barga to ko ŋ kɛ betirpo, nɛ esa kama malɛ nɛ m puni, meeŋ leŋi amodoŋwura be kusɔ na ntuŋ nna n sa mo.”

Ashuŋ Shunso 10:15

Nɛ ebɔl na naŋ kaŋɛ mo: “Sa maa tre kusɔ nɛ k la kusɔ lela Ebɔrɛ kutɔ kusɔ nɛ k maŋ walɛ so.”

Ashuŋ Shunso 11:29

Ndoŋ nna nɛ bebɛsopoana na kikɛ wora kɔnɔkoŋwule fanɛ bumo be ekama e bar amansherbi kanaŋkamaso nɛ e beeŋ tiŋ nɛ b ta n ya sa bekurgepoana nɛ b daa wɔ Judiya na.

Ashuŋ Shunso 24:17

Ŋ ka lar Jerusalɛm kumo be nfɛ damta nde kabre, nɛ n naŋ bɛta n ta amansherbi nɛ n ya kɛ ma basa nseŋ lara sarga.

2 Kɔrintebi 8:12

Ŋkpal manɛ so, nɛ esa baŋ bugi kagbene n yili kumo fanɛ e beeŋ sa, kumo ere kusɔ nɛ amodoŋwura kɔ so nɛ Ebɔrɛ beeŋ yili n sɔ loŋ be kakɛ na, mannɛ kusɔ nɛ e maŋ kɔ so.

Ɛfesesebi 4:28

Ekama nɛ e daa yuri e yige kayu na naniere nseŋ fara a ta mbe enɔana a wora asheŋ lela a shuŋ, saŋɛ na so e beeŋ nya kusɔ nɛ k daga n tiŋ n chɛ bumo nɛ b maŋ kɔ to.

Taites 1:15

Basa nɛ b du cheembi, kusɔ kama malɛ du cheembi nna bumo kutɔ, ama bekama nɛ b maŋ du cheembi bumo alɛ nsaa maŋ kɔ yirda na, shɛŋ shɛŋ maŋ du cheembi bumo kutɔ. Bumo be ŋgbene nɛ bumo be nfɛra fɛso kikɛ maŋ lar so.

Hibruwebi 13:16

Menyi alɛ e sa maŋ teŋ kebaawora kelela nɛ kebaata menyi be asɔana a chɛ abar to so, ŋkpal manɛ so, loŋ be esarga e naa par Ebɔrɛ.

Hibruwebi 6:10

Ebɔrɛ maŋ la esa nɛ e maa wora asheŋ nɛ amo be ekpa so nna nɛ e teŋ menyi be kushuŋ na so nseŋ naŋ teŋ kechɛto nɛ men kpal kasha mo nɛ men kɔ a sha mo na so n chɛ mbe basa to nseŋ kraa chɛ bumo to na so.

Jeems 1:27

Kashenteŋ nɛ kagbene koŋwuleso be kebɛso nɛ Ebɔrɛ Etuto na bee sha fanɛ basa e baa kɔ e la kebaachɛ amunibi nɛ bekulpocheana nɛ b wɔ awurfoŋ to to nsaa de mo gbagba be kumu so nɛ durnya to ebi be alubi e sa maŋ jija mo.