Luuk 11:36 - EBƆRƐ BE KAWƆL

³⁶ Nɛ fo eyur kikɛ kɔ kefulto nɛ kumo be kaplɛkama maŋ kɔ tentembiri, fo eyur na be kaplɛkama beeŋ baa wɔ kefulto na to nna fanɛ fitila ka nyaŋɛ kumo be kefulto n yuu fo so na.”

Luuk 11:36 ပူးပေါင်းရင်းမြစ်များ

Aŋasa 1:5

A bee sa benyiashempo kenyi nna a ti so, nsaa chɛ bekoyapo to nɛ baa tiŋ a lara asɔ nɛ a daga kewora;

Aŋasa 20:27

Enyɛnpe Ebɔrɛ be fitila bee wu dimɛdi be nfɛra, nɛ mbe kebaawɔtɔ to kikɛ nna.

Aŋasa 6:23

Ŋkpal manɛ so fo nio nɛ fo tuto be keŋini du fanɛ kefulto nna n sa fo; nɛ bumo be kasogberge malɛ bee sa fo kebaawɔtɔ lela.

Aizaaya 42:16

Meeŋ juŋkpar etanpo m bɔla ekpaana nɛ b maŋ naŋ bɔla so ŋ ku so so. Meeŋ shin nɛ bumo be tentembiri e ki kefulto nseŋ shin nɛ ekpa lubi nɛ baa nite so e nyalɛ n sa bumo. Ma nnɔ naseso nna na, ma alɛ beeŋ wora m bɔlɔ amo kikɛ so nyam.

Aizaaya 8:20

Ndoŋ nna nɛ men kaŋɛ bumo le: “Men baa nu kusɔ nɛ Enyɛnpe Ebɔrɛ na bee ŋini menyi nsaa maa nu a sa bekpalpo nɛ belejipo, ŋkpal manɛ so kusɔ nɛ baaŋ kaŋɛ menyi na maaŋ tiŋ n lara menyi ashi etɔrɔ to. Kare maaŋ chɛ bekama nɛ baa malga le ere be ekama!

Hoziya 6:3

Men shin nɛ an wora ania m pin Enyɛnpe Ebɔrɛ na. K baa la kashenteŋ nna geeŋ fanɛ e beeŋ ba. Mbe keba na beeŋ baa du fanɛ kananɛ epeŋi bee pete nna, ŋko kananɛ dɔchubɔrɛ so be bɔrɛ bee ba a wushi kasawule na nna.”

Matiu 13:52

Nɛ e kaŋɛ le: “Mbraŋinipo kama nɛ b ŋini mo ebɔrɛso be kuwura na to be asheŋ baa du fanɛ laŋwura ko ka bela asɔ popɔr nɛ asɔ dra ashi mbe kpanjawu to be ebu to n lar na nna.”

Matiu 5:15

Basa malɛ maa chɔɔ fitila so nsaa ta katishaŋ a buu kumo so, fitila be eyilikpa nɛ baa ta kumo a yili nɛ k bee sa basa kikɛ kefulto ebu na to.

Luuk 11:35

Amoso, baa da so nɛ kefulto nɛ k wɔ fo to ere e sa maŋ kaa la tentembiri.

Luuk 11:37

Yesu ka malga n loge nɛ Farisinyɛn ko tre mo fanɛ e ba mo pe nɛ b ji ajibi nɛ Yesu yɔ n ya chena nɛ e ji.

2 Kɔrintebi 4:6

Ebɔrɛ mo nɛ e kaŋɛ fanɛ: “Men shin nɛ kefulto e shi tentembiri to n lar n nyaŋɛ,” koŋwule na e naa shin nɛ mbe kefulto bee nyaŋɛ anyi be ŋgbeneana to a bar anyi Ebɔrɛ be kemaŋkura be kanyiasheŋ be kefulto nɛ k bee nyaŋɛ Kristo be anishito na.

Ɛfesesebi 4:14

Saŋɛ na so an maaŋ naa du fanɛ mbia nɛ basa e baa ta efɛ be keŋini be yiri kikɛ a kɔ a kpata anyi a lɛ a yɔ a ba fanɛ afu ka shin nɛ nchu koso a baga to na. Basa nɛ baa wora loŋ na wɔtɔ nna a kɔ bumo gbagba be efɛ be kanyiasheŋ a shin nɛ basa bee foe ekpa.

Kɔlɔsiebi 3:16

Men bɛ kubɔya nɛ Yesu Kristo sa anyi na so saŋkama, men baa kɔ kanyiasheŋ a ŋini abar a leŋ abar to a boŋ Ebɔrɛ be kawɔl to be nshɛ nɛ Ebɔrɛ be basa be kapandi be nshɛ nɛ Kiyoyu Cheeŋ na bee ŋini na a di Ebɔrɛ epaŋ men be ŋgbene to.

Hibruwebi 5:14

Ama ajibi gbɛgbɛso bre la basa kpar nɛ bumo gbagba koya nsaa nyi kelela nɛ kulubi to na peya nna.

Jeems 1:25

Ama nɛ esa baa ta mbe nfɛra kikɛ a wɔtɔ Ebɔrɛ be mbraana nɛ a maŋ kɔ kulubi amo to kikɛ nsaa tiŋ a lara basa alubi to na to a maa teŋ asɔ nɛ e koya na so nsaa kɔ amo to kpakpa a wora asɔ nɛ a bee ŋini na, Ebɔrɛ beeŋ nɛfa amodoŋwura.

2 Pita 3:18

Ama men baa wɔtɔ a yɔ anishito ashi an Nyɛnpe nɛ an be Emɔlgapo Yesu Kristo be kuwɔr be kakɛ na nɛ kashennyi na to. Kemaŋkura e baa la mo peya naniere nɛ saŋkikɛ mbaanaayɔ. Amɛn.