Luuk 11:34 - EBƆRƐ BE KAWƆL

³⁴ Fo anishi e la fo eyur be kefulto. Fo anishi baa walɛ, kefulto malɛ bee bɔlɔ fo eyur kikɛ to nna. Ama nɛ fo anishi baa maŋ walɛ, tentembiri e naaŋ baŋ bɔlɔ fo eyur na kikɛ to.

Luuk 11:34 ပူးပေါင်းရင်းမြစ်များ

Jɛnesis 19:11

Kumo be kaman nɛ b shin nɛ basa na kikɛ, mbrantiɛ nɛ benyɛnnimu, tan ashi kowu ndoŋ nsaa maŋ naŋ tiŋ n wu kukuloŋ na.

Nshɛ 119:18

Bugi ma nfɛra to nɛ n tiŋ m pin emamachisheŋ nɛ e wɔ fo mbra to.

Nshɛ 81:12

Ŋkpal loŋ so nɛ n yige bumo n sa bumo be ŋkpensheŋ be kebaawɔtɔ nɛ b wɔtɔ a wora asheŋ nɛ baa sha.

Aŋasa 21:4

Ŋkpensheŋ nɛ kamoowu la alubi be asɔrso nna, nɛ belubiworapo bee sha amo ga.

Aŋasa 28:22

Esa kama nɛ e bɔlɔ miri so n dii dama beeŋ ki etirpo.

Aizaaya 29:10

Enyɛnpe Ebɔrɛ na e shin nɛ menyi be anishi bee biri menyi nɛ edi bee la menyi na. Menyi anebiana na e daga fanɛ b baa wu asheŋ a kaŋɛ basa na, ama Ebɔrɛ buu menyi be anishi so nna nɛ men maŋ naa wu asheŋ a pin to.

Aizaaya 42:19

Esa maŋ tan a chɔ ma kayɛrbi ŋko a la kpawu a chɔ ma kabɔ nɛ n shuŋi na.

Aizaaya 44:18

Basa nɛ baa shuŋ agbirana maŋ nyi asheŋ, bumo alɛ nsaa du fanɛ etanpo. B ti bumo be nfɛra nɛ anishi so nna a laŋɛ kashenteŋ na be kaplɛa so.

Aizaaya 5:20

Asheŋ maaŋ nyalɛ n sa menyi! Menyee ta kulubi nna a tre kelela nsaa ta kelela a tre kulubi. Menyee ta tentembiri nna a ki kefulto nsaa ta kefulto a ki tentembiri. Menyi alɛ naa ta kusɔ kekra nna a ki kusɔ belbelso, nsaa ta kusɔ belbelso a ki kusɔ kekra.

Aizaaya 6:10

Kumo be kaman nɛ e naŋ kaŋɛ ma le: “Shin nɛ basa ere be nfɛra e mel to nɛ bumo be asoe e ti nɛ bumo be anishi e tan, saŋɛ na so b maaŋ baa wu ŋko a nu ŋko a pin asheŋ to. Nɛ mannɛ aloŋ, baaŋ baa wu ŋko a nu ŋko a pin asheŋ to nseŋ bɛta m ba ma kutɔ m ba nya kechɛ.”

Jɛremaya 5:21

Men nu nfe! Menyi basa wulpo nɛ men maŋ nyi asheŋ ere! Manɛ so nɛ menyi maa nu ma mmalga a bɛ amo so? Manɛ so nɛ menyi maa pin to fanɛ

Maak 4:12

Loŋ nɛ baaŋ keni, ama b maaŋ wu shɛŋ, baaŋ nu, ama b maaŋ pin to. Nɛ mannɛ aloŋ, baaŋ kilgi m bɛ Ebɔrɛ so, nɛ e ta bumo be alubi m paŋ bumo.”

Maak 7:22

Ndoŋ nɛ kayu nɛ kamɔ nɛ kubojuaji nɛ kayɛlga nɛ dalubisheŋ nɛ kafule nɛ kusɔjigaya nɛ kayurbesa, nɛ basa be atre be kejija nɛ kamoowu nɛ kawuli kikɛ bee shi.

Maak 8:18

Men baa kɔ anishi ŋkaa maa wu a? Men baa kɔ asoe a maa nu a?

Luuk 11:35

Amoso, baa da so nɛ kefulto nɛ k wɔ fo to ere e sa maŋ kaa la tentembiri.

Ashuŋ Shunso 13:11

Enyɛnpe malɛ beeŋ gberge fo kusoe naniere nɛ fo tan a maaŋ naŋ tiŋ n wu efuli hale n ya fo saŋko.” Epul na to nɛ k wora Elimas na fanɛ kumɔɔ lembir ko ka ba buu mbe anishi kikɛ so nɛ e fara a nite a kulti a laa a fin esa nɛ e beeŋ pɛ mbe enɔ to.

Ashuŋ Shunso 2:46

Karechɛ kama malɛ b daa shɛr bɔrɛlambu na to nna kɔnɔkoŋwuleso nseŋ naa shɛr abarana pe nchɛ nchɛ a ji ajibi kagbenewushiso nɛ kɔnɔkoŋwuleso nsaa di Ebɔrɛ epaŋ.

Ashuŋ Shunso 26:18

Ya bugi bumo be anishi n shin nɛ b lar bumo be tentembiri na to m ba kefulto to. Shin nɛ b lar Setani be eleŋ to m ba Ebɔrɛ peya to n shin nɛ b yirda ma nɛ n ta bumo be alubi m paŋ bumo nɛ b nya bumo be kakpa ashi Ebɔrɛ be basa laraso na to.’

2 Kɔrintebi 1:12

Naniere le be kesheŋ ere so nɛ anyee puchi fanɛ: Anyi be ŋgbene bee kaŋɛ anyi fanɛ an tiŋ ŋ keta anyi be amu nɛnɛ ashi durnya ere to, fɔnfɔŋ anyi nɛ menyi be kebaawɔtɔ be kaplɛa so. Ŋgbene mo nɛ a shi Ebɔrɛ kutɔ a maŋ kɔ kulubi nseŋ niŋi na nɛ an ta n wora asheŋ. Amoso, mannɛ durnya ere be kanyiasheŋ so nɛ an ta n wora loŋ. Ebɔrɛ be kuwɔr be kakɛ so nɛ loŋ be asheŋ tiŋ n wora.

2 Kɔrintebi 11:3

Ama men be asheŋ bee keta ma kufu fanɛ nɛ men maŋ de so, kananɛ kusɔkpaŋ na daŋ ta mbe nambara n fule Hawa na, loŋ koŋwule na nɛ e beeŋ lara men be nfɛra ashi kagbene koŋwule be Kristo be kasha cheembi to.

2 Kɔrintebi 4:4

Bumo alɛ maŋ yirda nna, ŋkpal manɛ so, durnya ere to be ebɔrɛ na e tan bumo be anishiana, saŋɛ na so b maaŋ baa wu Kristo nɛ e la Ebɔrɛ be kaduli gbagba na be kemaŋkura be baru lela na be kefulto na.

Ɛfesesebi 1:17

fanɛ e sa menyi Kiyoyu mo nɛ e beeŋ shin nɛ men baa kɔ kanyiasheŋ nseŋ naŋ lara Ebɔrɛ ŋ ŋini menyi nɛ men pin mo kashenteŋto.

Ɛfesesebi 6:5

Anya, men baa nu a sa men be durnya ere to be benyɛnpe a ŋana bumo a chicha. Men baa ta kagbene koŋwule a wora kumo fanɛ Kristo gbagba nɛ menyee shuŋ.

Kɔlɔsiebi 3:22

Anya, men baa bunyaŋ men nyɛnpeana kusɔ kama to, mannɛ fanɛ men ya kaa shuŋ nɛ baa keni menyi so nawule ŋkpal men ka baa sha men be asheŋ e baa par bumo so, ama men baa kɔ kagbene koŋwule a shuŋ ŋkpal men ka bee bunyaŋ Enyɛnpe Yesu Kristo na so.