Luuk 11:32 - EBƆRƐ BE KAWƆL

³² Demujiachɛ na Ninɛveebi beeŋ yili n ji m bri mbreebi, ŋkpal manɛ so, anebi Jona ka daŋ bɔ kubɔya na n sa bumo na b daŋ lar bumo be alubi to. Ama ma e kaŋɛ menyi na fanɛ esa ko wɔ nfe a chɔ anebi Jona.”

Luuk 11:32 ပူးပေါင်းရင်းမြစ်များ

Jona 3:4

Jona ka luri kade na to na nɛ e nite kachɛ koŋwule m bɔ le be kubɔya. E yɛ: “Yili kabre n ya fo nchɛ adena be kefɛato, Ninɛve beeŋ mur.”

Jona 3:5

Ninɛveebi na ka nu kubɔya na nɛ b yirda Ebɔrɛ nseŋ yili kumo fanɛ ekama e kishi. Ndoŋ nna nɛ benimu nɛ mbia kikɛ ta kagbenejijaso be asɔbuuso m buu a ŋini fanɛ bumo be ŋgbene jija bumo.

Jona 4:9

Nɛ Ebɔrɛ bishi mo le: “Manɛ so nɛ fo kpal kefeelebi na so a nya agbo?” Nɛ Jona kaŋɛ: “Ŋ kpal kumo so n nya agbo, hale a sha fanɛ n wu gba nna na.”

Matiu 12:39

Nɛ Yesu kaŋɛ le: “Ama mbreebi be alubi nɛ kabɔrɛkini shi bumo to bre. B yɛ fanɛ n wora mamachi be kesheŋ ko ŋ ŋini fanɛ Ebɔrɛ wɔ ma kaman, ama b maaŋ nya shɛŋ n wu she anebi Jona be mamachi be kesheŋ na nawule.

Matiu 12:41

Demujiachɛ na Ninɛveebi beeŋ yili n ji m bri mbreebi, ŋkpal manɛ so, anebi Jona ka daŋ bɔ kubɔya na n sa bumo na, b daŋ lar bumo be alubi to, ama ma e kaŋɛ menyi na fanɛ esa ko wɔ nfe a chɔ anebi Jona.

Luuk 11:31

Demujiachɛ Bɔrɛfito be Ewurche beeŋ yili n ji m bri mbreebi, ŋkpal manɛ so, e yili kaboŋ wɔfɔ durnya ere to n nite n ya nu Ewura Sɔlɔmɔn be kashennyi be kesheŋ ŋini. Ama ma e kaŋɛ menyi na fanɛ esa ko wɔ nfe a chɔ Ewura Sɔlɔmɔn.

Hibruwebi 7:26

Amoso, mo e la bɔrɛmatapo nimuso nɛ e beeŋ tiŋ ŋ keni anyi be asheŋ to nɛnɛ n sa anyi. Mo e du cheembi nɛ shɛŋ maŋ gbiti mo, kulubi kama malɛ maŋ wɔ mo to. Ebɔrɛ lara mo nna nɛ e maŋ wɔ alubiworapoana to nseŋ maŋ mo so n yɔ esoso a chɔ awɔlpa so.