Luuk 11:20 - EBƆRƐ BE KAWƆL

²⁰ Kashenteŋto, Ebɔrɛ e naa sa ma eleŋ nɛ ŋ kɔ a ju mbuibi lubiana na ashi basa to nɛ loŋ malɛ bee ŋini fanɛ Ebɔrɛ be kuwura na teŋ ba menyi to.

Luuk 11:20 ပူးပေါင်းရင်းမြစ်များ

Ɛksodɔs 8:19

Ndoŋ nna nɛ ŋkilgiwuraana kaŋɛ Fɛɛro le: “Ebɔrɛ ko be eleŋ be aworbi nde.” Ama Fɛɛro daŋ kraŋ wora kagbene kpakpaso nna ŋ kini kewora kasonu fanɛ kananɛ Enyɛnpe Ebɔrɛ kaŋɛ na.

Danɛl 2:44

Kuwurgboŋ nasopo na be bewura be jemanɛ so, Ebɔrɛ nɛ e wɔ esoso na beeŋ shin nɛ kuwurgboŋ nɛ k maaŋ tɔr kikɛ na e yili nsaa wɔtɔ mbaanaayɔ. Shɛŋ shɛŋ maaŋ tiŋ ŋ kɔ m pɔ kumo so, ama kumo ere beeŋ pɔɔ bewurgboŋ ana na kikɛ so m mur bumo cheche.

Matiu 12:28

Kashenteŋto, Ebɔrɛ be Kiyoyu na e naa sa ma eleŋ nɛ ŋ kɔ a ju mbuibi lubi basa to, nɛ loŋ malɛ bee ŋini fanɛ Ebɔrɛ be kuwura na teŋ ba menyi to.

Matiu 3:2

E yɛ: “Men lar menyi be alubi to, ŋkpal manɛ so, ebɔrɛso be kuwura na taga to.”

Matiu 4:24

Amoso mbe ketre daŋ sɔ Siriya kikɛ to nna nɛ basa bar mo belɔpo nɛ bumo be alɔ be nnaŋ to kikɛ, bumo nɛ b daa wɔ ebesa to nɛ bumo nɛ mbuibi lubiana daŋ tɔr so nɛ kegbuŋgbuŋwuraana nɛ eyurwusowuraana kikɛ nɛ e chɛ n chɛ bumo.

Luuk 10:11

‘Men be kade ere to be shishɛr nɛ a gbiti anyi be aya gba nɛ anyee kpata a lɛ menyi a wora menyi kusha na. Ama men baa nyiŋi fanɛ Ebɔrɛ be kuwura na taga to.’

Luuk 10:9

nseŋ chɛ kade na to be belɔpo nseŋ kaŋɛ ndoŋebi le: ‘Ebɔrɛ be kuwura na taga menyi to.’

Luuk 11:21

Nɛ elempo kɔ mbe kena to be asɔ a wɔtɔ a keni mo gbagba be kowu so, shɛŋ maaŋ wora mbe asɔ.

Ashuŋ Shunso 20:25

N yɔ menyi be ekama ere nyam kutɔ n ya bɔ Ebɔrɛ be kuwura na to be asheŋ n sa menyi, ama naniere n nyi fanɛ menyi be ekama maaŋ naŋ wu ma kikɛ.

2 Tɛsalɔnikaebi 1:5

Kede ere e naaŋ ŋini Ebɔrɛ be demu be keji ka du cheembi, ŋkpal manɛ so, ade kikɛ e shin nɛ men daga mbe kuwura nɛ men kpal kumo so a ji awurfoŋ na.