Luuk 11:2 - EBƆRƐ BE KAWƆL

² Nɛ Yesu kaŋɛ bumo: “Nɛ men baa kule Ebɔrɛ, men baa kaŋɛ le: ‘Etuto, shin nɛ fo ketre cheembi na e baa nya bunyaŋ n shin nɛ fo kuwurgboŋ na e ba.

Luuk 11:2 ပူးပေါင်းရင်းမြစ်များ

1 Bewura 8:43

kumo ere fo yili esoso n nu bumo be kekule nseŋ wora kusɔ nɛ baa sha n sa bumo, saŋɛ na so durnya be basa kikɛ beeŋ pin fo nsaa nu a sa fo fanɛ kananɛ fo basa Israɛlebi bee nu a sa fo na. Loŋ nɛ baaŋ pin fanɛ bɔrɛlambu nɛ m pɔr ere la kakpa nɛ k daga b ka bee bunyaŋ fo nna.

2 Bewura 19:19

Ama fo Enyɛnpe e la anyi be Ebɔrɛ! Anyee kule fo nna nɛ fo mɔlga anyi ashi Asiriya be ewura be enɔ to, saŋɛ na so ekama nɛ e wɔ durnya to be efuli kama so beeŋ pin fanɛ fo nawule e la Ebɔrɛ.”

2 Kronikɛls 20:6

nseŋ kule Ebɔrɛ le: “O Enyɛnpe nɛ fo la an nananyɛnana be Ebɔrɛ. Fo e naa ji ebɔrɛso nɛ durnya ere be efuli kikɛ so kuwura. Fo alɛ kɔ eleŋ ga nɛ esa kikɛ maŋ wɔtɔ nɛ e beeŋ tiŋ m pɔɔ fo so.

Nshɛ 103:20

Menyi emalaika lempoana, nɛ menyee nu Enyɛnpe Ebɔrɛ be kɔnɔ nsaa wora mo kasonu na kikɛ e kpaŋ mo!

Nshɛ 108:5

O Ebɔrɛ, shin nɛ fo asheŋgboŋ e dii efuli ashi awɔlpa so kikɛ, nseŋ shin nɛ basa e wu fo kemaŋkura ashi kasawule ere kikɛ so.

Nshɛ 11:4

Enyɛnpe Ebɔrɛ na wɔ mbe bɔrɛlambu cheembi na to. E tase mbe kuwurputi so ashi ebɔrɛso nna a keni basa kaplɛkama. E bee wu kusɔ nɛ ekama bee wora.

Nshɛ 57:11

Enyɛnpe Ebɔrɛ shin nɛ fo keshi e choŋ so esoso so nɛ fo kemankura e baa wɔ durnya be kaplɛkama.

Kaŋinichiŋgeliŋ 5:2

Baa fɛ nfɛra pɔɛŋ nsaa malga, sa maa nya manaŋ a nase nnɔ Ebɔrɛ be anishito. Ebɔrɛ wɔ ebɔrɛso nna nɛ fo alɛ wɔ kasawule ere so, amoso sa maa malga ga.

Aizaaya 63:16

Fo e la an tuto. K wora fanɛ Eebraham nɛ Jeekɔb nɛ b la an nananyɛnana na maŋ naa nyiŋi anyi be asheŋ. Ama fo, Enyɛnpe Ebɔrɛ nɛ fo la an tuto na e naa kuŋ anyi dra kikɛ hale m ba fo kabre.

Ezikɛl 36:23

Ŋ kaŋ lara kecheembiya nɛ k wɔ ma ketregboŋ nɛ men ŋaba ashi efuliana na so na ŋ ŋini bumo na nɛ baaŋ pin fanɛ ma e la Enyɛnpe Ebɔrɛ na. Ma, Enyɛnpetale Ebɔrɛ na e kaŋɛ, fanɛ men bɔla menyi so ŋ ŋini efuli pɔtɛana na fanɛ n du cheembi nna.

Danɛl 2:28

Ama Ebɔrɛ nɛ e wɔ esoso na nawule e naa tiŋ a lara alemaŋkarsheŋ be wulo efuli. Yiramu, mo e lara kusɔ nɛ k beeŋ wora echefoso ŋ ŋini fo. Naniere bre meeŋ kaŋɛ fo edare nɛ fo ku saŋɛ so nɛ fee di na.

Danɛl 2:44

Kuwurgboŋ nasopo na be bewura be jemanɛ so, Ebɔrɛ nɛ e wɔ esoso na beeŋ shin nɛ kuwurgboŋ nɛ k maaŋ tɔr kikɛ na e yili nsaa wɔtɔ mbaanaayɔ. Shɛŋ shɛŋ maaŋ tiŋ ŋ kɔ m pɔ kumo so, ama kumo ere beeŋ pɔɔ bewurgboŋ ana na kikɛ so m mur bumo cheche.

Danɛl 7:18

Ama Enyɛnpetale Ebɔrɛ na e ta kuwurji na n sa mbe basa laraso nɛ k baa la bumo peya hale mbaanaayɔ.”

Danɛl 7:27

Baaŋ ta kasawule ere so be kuwurji kikɛ be eleŋ n sa Enyɛnpetale Ebɔrɛ na be basa. Bumo alɛ be kuwurji be eleŋ maaŋ loge kikɛ. Durnya ere to malɛ be bejuŋkparpo kikɛ beeŋ baa nu a sa bumo nsaa shuŋ bumo.”.

Hoziya 14:2

Men bɛta m ba Enyɛnpe Ebɔrɛ na kutɔ nseŋ shin nɛ le be kabɔrɛkule ere e baa la sarga n sa mo. “Ta anyi be alubi m paŋ anyi nseŋ nu anyi be kabɔrɛkule saŋɛ na so anyeeŋ di fo epaŋ fanɛ kananɛ an nase kɔnɔ na gbagba.

Levitikɔs 10:3

Ndoŋ nna nɛ Mosis kaŋɛ Ɛɛrɔn: “Kusɔ nɛ Enyɛnpe Ebɔrɛ na daa de saŋɛ nɛ e daa malga fanɛ, bekama nɛ baa shuŋ mo daga b bɔla mbe kecheembiya so n sa mo bunyaŋ. Mo alɛ beeŋ shin nɛ mbe kemaŋkura a dii efuli ashi mbe basa to nɛ b bunyaŋ mo.” Ama Ɛɛrɔn daa maŋ kaŋɛ shɛŋ.

Levitikɔs 22:23

Menyeeŋ tiŋ n ta kena ŋko kubolpɔ nɛ kumo be aya maŋ sasa abar n lara kakɛ be sarga, ama mannɛ kɔnɔ be ketia be sarga bre.

Habakuk 2:14

Ama kananɛ teku baŋ bɔlɔ nchu n sɔ kaplɛkama a dese na, aloŋ nɛ basa be kebaanyi Enyɛnpe Ebɔrɛ na be kemaŋkura be asheŋ beeŋ ba sɔ kasawule ere kikɛ so.

Matiu 10:32

Ekama nɛ e bugi to ŋ kaŋɛ basa to fanɛ ma e wɔ mo, ma alɛ gba beeŋ wora loŋ n sa mo ashi n Tuto nɛ e wɔ ebɔrɛso na be anishito.

Matiu 3:2

E yɛ: “Men lar menyi be alubi to, ŋkpal manɛ so, ebɔrɛso be kuwura na taga to.”

Matiu 5:16

Men baa shin nɛ men be kefulto e baa nyaŋɛ nɛnɛ ga nɛ basa e tiŋ n wu men be ashuŋ lela nseŋ maŋkura men Tuto nɛ e wɔ ebɔrɛso na.

Luuk 11:1

Jemanɛ ko Yesu yɔ kakpa ko n ya kule Ebɔrɛ n loge nɛ mbe ebɛsopo ko kaŋɛ mo: “Enyɛnpe, ŋini anyi kananɛ anyeeŋ baa kule Ebɔrɛ fanɛ kananɛ Jɔn ŋini mbe bebɛsopo na.”

Romebi 1:7

Amoso nɛ mee sibɛ kawɔl ere a sa menyi kikɛ nɛ men wɔ Rom be kade to nɛ Ebɔrɛ bee sha menyi nseŋ tre menyi fanɛ men ba kaa la mo gbagba be basa na. An Tuto Ebɔrɛ nɛ Enyɛnpe Yesu Kristo e sa menyi kuwɔr be kakɛ nɛ kagbenewushi.

Romebi 8:15

Kiyoyu nɛ Ebɔrɛ sa menyi na malɛ maa ta menyi nna a ki anya n shin nɛ men naa lɔ kufu. Men nya Kiyoyu nɛ e bee ta menyi a ki mbia nna. Kiyoyu na malɛ so nɛ anyee tiŋ a tre Ebɔrɛ ‘Aba’, kumo e la fanɛ an Tuto.

1 Kɔrintebi 1:3

Kuwɔr be kakɛ nɛ kagbenewushi mo nɛ a shi an Tuto kutɔ nɛ Enyɛnpe Yesu Kristo kutɔ na e baa wɔ menyi kutɔ.

2 Kɔrintebi 1:2

An Tuto Ebɔrɛ nɛ Enyɛnpe Yesu Kristo e sa menyi kuwɔr be kakɛ nɛ kagbenewushi.

Galeeshaebi 1:4

Mo Yesu Kristo na e kpal kumɔlga anyi ashi alubi be jemanɛ be kebaawɔtɔ ere to so n nu n sa anyi be Ebɔrɛ nɛ Etuto na n ta mbe kumu n lara anyi alubi be kewora be eleŋ to.

Ɛfesesebi 1:2

An Tuto Ebɔrɛ nɛ Enyɛnpe Yesu Kristo e sa menyi kuwɔr be kakɛ nɛ kagbenewushi.

Filipaiebi 1:2

Ebɔrɛ an Tuto na nɛ Enyɛnpe Yesu Kristo na e sa menyi kuwɔr be kakɛ nɛ kagbenewushi.

Filipaiebi 4:20

Kemaŋkura e baa wɔ Ebɔrɛ an Tuto na so mbaanaayɔ. Amɛn.

Kɔlɔsiebi 1:2

a yɔ menyi nɛ men la Ebɔrɛ peya a wɔ Kɔlɔsi nseŋ naa la an kurgepoana nɛ basa nɛ b maŋ kɔ kɔnɔleŋi ashi Yesu Kristo to na kutɔ. An Tuto Ebɔrɛ e sa menyi mbe kuwɔr be kakɛ na nɛ kagbenewushi.

1 Tɛsalɔnikaebi 1:1

Kawɔl ere shi ma Pɔɔl nɛ Sailas nɛ Timoti kutɔ nna a yɔ Tɛsalɔnika be asɔriebi nɛ b la Ebɔrɛ an Tuto nɛ Enyɛnpe Yesu Kristo peya na kutɔ. Ebɔrɛ be kuwɔr be kakɛ nɛ kagbenewushi e baa la menyi peya.

1 Tɛsalɔnikaebi 1:3

Ŋkpal manɛ so, an baa kule anyi be Ebɔrɛ Etuto na, anyee nyiŋi kananɛ men ta men be yirda a shuŋ kushuŋ nɛ kananɛ men be kasha shin nɛ men mɔ men be amu a shuŋ. Anyee kaa nyiŋi kananɛ men kɔ tama kpakpaso an Nyɛnpe Yesu Kristo so ashi an be Ebɔrɛ Etuto na be anishito.

2 Tɛsalɔnikaebi 2:16

An Nyɛnpe Yesu Kristo gbagba nɛ Ebɔrɛ an Tuto nɛ e sha anyi nseŋ bɔla mbe kuwɔr be kakɛ so a leŋ anyi to mbaanaayɔ nsaa sa anyi tama lela na

Kelaraŋŋini 11:15

Ndoŋ nna nɛ malaika shunusopo na foŋ mbe kabel nɛ awɔr damtaana chɛ ashi ebɔrɛso a kaŋɛ le: “Eleŋ mo nɛ k bee ji kuwura durnya ere so na ki an Nyɛnpe nɛ mbe Kristo peya, mo alɛ beeŋ ji kuwura na mbaanaayɔ.”

Kelaraŋŋini 15:4

O, Enyɛnpe, wanɛ e wɔtɔ ŋkaa maaŋ ŋana fo nsaa maaŋ sa fo ketre na kemaŋkura? Ŋkpal manɛ so, fo nawule e du cheembi. Efuli kama so ebi malɛ kikɛ beeŋ ba kachako m ba maŋ fo so, ŋkpal manɛ so, fo demuji niŋisoana na lar efuli.”

Kelaraŋŋini 19:6

Mmalga ere be kaman nɛ n nu kusɔ ko ka gbri fanɛ jimaŋ damta ka wora awɔr na. Awɔr na daŋ naa gbri fanɛ nchu damta ka bee shile nna nseŋ daŋ naa gbri fanɛ bɔrɛ ka bee ponte to a boŋ to a kaŋɛ le: “Halleluya. Ŋkpal manɛ so, an Nyɛnpetale Enyɛnpe Ebɔrɛ na e wɔ kuwura a ji.

Kelaraŋŋini 20:4

Nɛ n naŋ wu kuwurputiana nɛ bumo nɛ b daa tase amo so na kikɛ. B daŋ sa bumo ekpa nna fanɛ b ji basa demu. Ma alɛ daŋ naŋ wu basa nɛ b daŋ mɔ ŋkpal b ka daŋ ji Yesu be shɛda so nɛ ŋkpal b ka daŋ malga Ebɔrɛ be kamalga na so na be ayoyu. Bumo alɛ daa maŋ maŋ kusɔbɔya na ŋko mbe kaduli na so, bumo alɛ daa maŋ naa kɔ mbe ndulgi na bumo be nsɔto so ŋko bumo be enɔana so. B daŋ naŋ nya ŋkpa nna n tu Kristo n ji kuwura nfɛ kagboŋ.