Luuk 10:7 - EBƆRƐ BE KAWƆL

⁷ Men baa wɔ laŋ na to a ji a nuu kusɔ kama nɛ b sa menyi, ŋkpal manɛ so, a daga eshumpo ka nya mbe kakɔka. Men sa maŋ ya kaa chɛrga elaŋ.

Luuk 10:7 ပူးပေါင်းရင်းမြစ်များ

Nɔmbɛs 18:31

Menyi nɛ menyi be kanaŋ kikɛ beeŋ tiŋ n ji amo, ŋkpal manɛ so menyi be wajɛbu to be kushuŋ be kakɔka nna na.

Maak 6:10

Nɛ e naŋ kaŋɛ bumo: “Laŋ kama to nɛ men ya luri nɛ b sɔ menyi, men baa wɔ ndoŋ hale nɛ men ya lar kade na to.

Luuk 10:6

Nɛ loŋ be esa maŋ wɔtɔ, men naŋ leŋi menyi be loŋ be kechɔrɔ na be kɔnɔ.

Luuk 9:4

Laŋ kama to nɛ men ya luri nɛ b sɔ menyi, men baa wɔ ndoŋ hale nɛ men ya lar kade na to.

Ashuŋ Shunso 16:15

B daŋ bɛr mo nɛ mbe laŋ to ebi kikɛ kabɔrɛbɛr nna. Le nɛ e daŋ ba kaŋɛ anyi: “Nɛ men baa nyi fanɛ n la Enyɛnpe na be eyirdapo kashenteŋto nna, men ba kaa wɔ ma pe.” Le nɛ e daŋ ta n shin nɛ an yɔ.

Ashuŋ Shunso 16:34

E daŋ yɛr Pɔɔl nɛ Sailas mo pe nna n ya sa bumo ajibi. Mo nɛ mbe eche nɛ bibi be ŋgbene daŋ fuli bumo ga ŋkpal b ka yirda Ebɔrɛ naniere so.

Ashuŋ Shunso 16:40

Nɛ Pɔɔl nɛ Sailas lar kabuti na to n yɔ Libiya pe n ya tu bekurgepoana na ndoŋ n leŋ bumo to nseŋ lar kade na to.

Galeeshaebi 6:6

Ekama nɛ e bee nya abɔrɛsheŋ na be keŋini malɛ gba e baa kɔ mbe asɔ lela be ako a chɛ mbe eŋinipo na to.

Ditɛronɔmi 12:12

Men shin nɛ menyi nɛ menyi be mbia nɛ nyɛrbi nɛ Livai be yiri to be basa nɛ b wɔ menyi be ndeana to na be ŋgbene e fuli menyi ashi Enyɛnpe Ebɔrɛ na be anishito. Men baa nyiŋi fanɛ Livai be yiri to be basa na maaŋ baa kɔ bumo gbagba be kasawule.

Ditɛronɔmi 18:8

Livai be yiri to be esa beeŋ tiŋ n fa mbe kanaŋ to be asɔ n nya amansherbi, beko malɛ maaŋ wora loŋ. Ama Livaiebi kama nɛ baa shuŋ kakpa nɛ menyee shuŋ Ebɔrɛ na kikɛ beeŋ nya ajibi nɛ basa na bar m ba lara esarga ŋko m ba kɛ Ebɔrɛ na, a sasa.

1 Timoti 5:13

Kumo be kaman b wɔtɔ nna a jija bumo be saŋɛ a na basa pe, kumo alɛ be buushi nɛ b fara a ji asheŋ nsaa luri basa be asheŋ to a wɔtɔ a malga mmalga nɛ a maŋ nya bumo.

2 Timoti 2:6

Baa kraa nyiŋi fanɛ edɔpo nɛ e bee shuŋ kushuŋ na ga na gbagba nawule e kɔ ekpa nɛ e tiŋ n fara a ji mbe adɔjibi popɔr.