Luuk 10:42 - EBƆRƐ BE KAWƆL

⁴² Kusɔ koŋwule e baŋ daga, kumo alɛ nɛ Mɛɛri lara na. Esa kikɛ maaŋ tiŋ n sɔ kumo ŋ ka mo.”

Luuk 10:42 ပူးပေါင်းရင်းမြစ်များ

Nshɛ 119:111

Fo mbraana na la ma mpetɛsɔ nna mbaanaayɔ; amo e naa shin nɛ ma kagbene bee fuli ma.

Nshɛ 119:173

Wora shiriya n chɛ ma to, ŋkpal ŋ ka bee bɛ fo kusɔ nɛ fo yili so so.

Nshɛ 119:30

Ma ere yili kumo fanɛ meeŋ baa wɔ kashenteŋji be kebaawɔtɔ to nna; nsaa sa fo mbraana bunyaŋ.

Nshɛ 142:5

Fo Enyɛnpe Ebɔrɛ na, nɛ mee kule nɛ fo chɛ ma to! Fo Enyɛnpe Ebɔrɛ na e la ma ekumpo. Fo nawule nɛ mee fute a yigeso ashi ma kebaawɔtɔ to.

Nshɛ 17:15

Meeŋ ba fo anishito, ŋkpal manɛ so, m maŋ wora kulubi kikɛ. M baŋ tiŋi nseŋ wu fanɛ fo wɔ ma kutɔ, ma kagbene beeŋ fuli nna.

Nshɛ 27:4

Kusɔ koŋwule nɛ mee fin Enyɛnpe Ebɔrɛ kutɔ; Kumo e la fanɛ, ŋ ka beeŋ baa wɔ mbe laŋ to saŋɛ so nɛ n wɔ ŋkpa to ere; saŋɛ na so mbe alelasheŋ beeŋ baa bɔlɔ ma kenishi, nɛ m baa wɔ mo kutɔ ashi mbe bɔrɛlambu to.

Nshɛ 73:25

M maŋ naa kɔ esa kikɛ ebɔrɛso n naŋ ti fo so. Ŋ ka baa kɔ fo ere, m maŋ naa sha shɛŋ durnya ere to.

Kaŋinichiŋgeliŋ 12:13

Ade kikɛ be kaman, kusɔ koŋwule e ka nɛ ŋ kaŋɛ. Baa ŋana Ebɔrɛ nsaa bɛ mbe mbraana so. Ŋkpal manɛ so, loŋ so nɛ Ebɔrɛ to dimɛdi bomin.

Maak 8:36

Nɛ fanɛ durnya kikɛ ki esa peya nɛ e paŋ mbe ŋkpa na, manɛ be tɔnɔ nɛ e nya?

Luuk 10:39

Ndoŋ nna nɛ Maata mo sipocheso mo nɛ baa tre Mɛɛri na ya kaa tase Enyɛnpe na be anishito a nu mbe kamalga.

Luuk 11:1

Jemanɛ ko Yesu yɔ kakpa ko n ya kule Ebɔrɛ n loge nɛ mbe ebɛsopo ko kaŋɛ mo: “Enyɛnpe, ŋini anyi kananɛ anyeeŋ baa kule Ebɔrɛ fanɛ kananɛ Jɔn ŋini mbe bebɛsopo na.”

Luuk 12:20

Ndoŋ nna nɛ Ebɔrɛ kaŋɛ mo: ‘Ewulpo ere. Kanyɛ ere feeŋ paŋ fo ŋkpa ere. Nɛ fo alɛ paŋ kumo, wanɛ peya nɛ asɔ nɛ fo bela n yili fo kumu ere kikɛ beeŋ ki?’ ”

Luuk 12:33

Men fa menyi be ekpanjawu to be asɔ nseŋ ta amo be amansherbi n sa betirpo. Loŋ e naaŋ shin nɛ men baa kɔ ekpanjawu nɛ a bɔlɔ menyi be ekɔlgu a yil ebɔrɛso a maa jija, amo alɛ maa duga so. Eyu kikɛ maaŋ tiŋ n yuri amo ndoŋ, elala malɛ gba maaŋ tiŋ n ji amo.

Luuk 16:2

Nɛ damawura na tre esibɛpo na ŋ kaŋɛ mo: ‘Manɛ be kushuŋ lubi nɛ fo wɔtɔ a wora ma? Ber amansherbi na nseŋ kaŋɛ ma asɔ nɛ fo ta amo n wora, ŋkpal manɛ so, m maaŋ naŋ shin nɛ fo naŋ shuŋ n sa ma kikɛ.’

Luuk 16:25

Nɛ Eebraham kaŋɛ mo le: ‘M pibi baa nyiŋi saŋɛ nɛ fo daa wɔ ŋkpa to a ji fo ebel na nsaa nyiŋi kananɛ Lazɔrɔs malɛ daŋ ji awurfoŋ na. Ama naniere e luri ebel to nɛ fo alɛ luri ebesa to.

Luuk 18:22

Yesu ka nu loŋ nɛ e kaŋɛ kanyɛn na le: “Kusɔ koŋwule e kraŋ ka nɛ fo wora. Kumo alɛ nde: Ya fa fo asɔ kikɛ nyam n ta amo be amansherbi n chige betirpo. Loŋ nɛ feeŋ nya ekpanjawu ashi ebɔrɛso. Ade be kaman nɛ fo ba bɛ ma so.”

Luuk 8:18

Amoso, men baa da so kananɛ menyeeŋ nu asheŋ so, ŋkpal manɛ so, ekama nɛ e kɔ beeŋ nya n ti so, ama ekama nɛ e maŋ kɔ shɛŋ na gba, baaŋ sɔ gbrɛ nɛ e bee tama fanɛ e kɔ na gba mo kutɔ.”

Baru lela nɛ Jɔn kute na 11:1

Kanyɛn ko e daa wɔtɔ nɛ baa tre mo Lazɔrɔs nɛ e daa lɔ. Mo nɛ Mɛɛri nɛ mo da Maata kikɛ daŋ shi Bɛtani nna.

Baru lela nɛ Jɔn kute na 11:19

amoso, Juwebi damta daŋ shi ndoŋ nna m ba nɛ b ba wushi Maata nɛ Mɛɛri kagbene ŋkpal bumo siponyɛn ka wu so.

Baru lela nɛ Jɔn kute na 12:3

Ndoŋ nna nɛ Mɛɛri ta amansherbi damta be tulale dufɛso be kɔlbagboŋ ko m ba ta amo n wurge Yesu be aya so nseŋ gbir n ta mbe emin m melti tulale na ŋ gbiti amo n wɔtɔ Yesu be aya so. Ndoŋ nna nɛ tulale na be efɛa sɔ ebu na kikɛ to verr.

Baru lela nɛ Jɔn kute na 17:3

Nɛ basa malɛ baa nyi fo, Ebɔrɛ nɛ fo nawule la kashenteŋ be Ebɔrɛ na nseŋ naa nyi ma, Yesu Kristo nɛ fo shuŋi na, kumo ere baaŋ baa kɔ ŋkpa nɛ k maŋ kɔ ekar na.

Baru lela nɛ Jɔn kute na 4:14

ama esa kama nɛ e nuu nchu nɛ meeŋ sa mo na maaŋ naŋ shu achukoŋ kikɛ. Kashenteŋto, nchu nɛ meeŋ sa amodoŋwura na beeŋ baa wɔ mo to a bul fanɛ ketirbu na a sa mo ŋkpa nɛ k maŋ kɔ ekar na.”

Baru lela nɛ Jɔn kute na 5:24

Ma e kaŋɛ menyi kashenteŋto na fanɛ esa kama nɛ e nu ma mmalga ere nseŋ yirda esa nɛ e shuŋi ma na kɔ ŋkpa nɛ k maŋ kɔ ekar na, mo alɛ maaŋ ji n tɔr, ama e teŋ lar luwu to m ba luri ŋkpa to.

Baru lela nɛ Jɔn kute na 6:27

Men sa maa kɔ a fin ajibi nɛ a bee jija ere, men baa kɔ a fin ajibi nɛ a bee sa ŋkpa nɛ k maŋ kɔ ekar na. Ma, Nyiŋgbasa Pibinyɛn e naa sa loŋ be ajibi na, ŋkpal manɛ so, Ebɔrɛ Etuto na e ŋini fanɛ mbe kenyi wɔ ma so.”

1 Kɔrintebi 13:3

Nɛ m baa tiŋ a ta kusɔ nɛ ŋ kɔ a kɛ basa ŋkaa beeŋ naŋ tiŋ n ta ma eyur n sa fanɛ b chɔɔ edɛ ŋkpal ma yirda so, ma alɛ ŋkaa maa kɔ kasha bre, kumo ere m maŋ nya tɔnɔ kikɛ.

Galeeshaebi 5:6

Ŋkpal manɛ so, nɛ an baa wɔ Kristo to, emo nɛ e ku kututu nɛ emo nɛ e maŋ ku kututu maŋ kɔr abar to. Kusɔ koŋwule nɛ k baa tir e la yirda nɛ k bee bɔla kasha so a shuŋ.

Ditɛronɔmi 30:19

Ade kikɛ be kaman, luwu nɛ ŋkpa nɛ Ebɔrɛ be nɛfa nɛ mbe eshoduu nɛ n ta a nase menyi be anishito na. Ma alɛ bee ta ebɔrɛso nɛ kasawule so nna fanɛ a ji shɛda n sa amo be kumo nɛ menyeeŋ lara. Men lara ŋkpa, saŋɛ na so, menyi nɛ men be mbia beeŋ baa wɔ ŋkpa to.

Joshuwa 24:15

Ama nɛ kushuŋ Enyɛnpe Ebɔrɛ na maa par menyi bre, kumo ere men lara esa nɛ menyeeŋ baa shuŋ kabre. Nɛ menyeeŋ baa shuŋ agbir nɛ men nananyɛnana daŋ shuŋ Yufreetes be lɔr na be kaba ndoŋ ŋko Amɔriebi nɛ men wɔ bumo be kasawule so ere be agbir nɛ menyeeŋ baa shuŋ, men baa shuŋ! Ma ere nɛ ma laŋ to ebi bre beeŋ shuŋ Enyɛnpe Ebɔrɛ na.”

Joshuwa 24:22

Ndoŋ nna nɛ Joshuwa malɛ kaŋɛ bumo le: “Menyi gbagba e naa ji kumo shɛda fanɛ Enyɛnpe Ebɔrɛ na nɛ menyeeŋ shuŋ na.” Nɛ b kaŋɛ le: “Kashenteŋto nɛ an ji kumo be shɛda.”