Luuk 10:29 - EBƆRƐ BE KAWƆL

²⁹ Ama mbraŋinipo na daa sha na fanɛ e malga n lar nseŋ kpal loŋ so m bishi Yesu: “Esa mo e la m barkasa?”

Luuk 10:29 ပူးပေါင်းရင်းမြစ်များ

Job be kawɔl 32:2

Ama kanyɛn ko nɛ baa tre Elihu na daa yil a nu kusɔ nɛ k bee wora na kikɛ nseŋ daŋ nya agbo n wɔtɔ Job ŋkpal Job ka daa maŋ wu mbe kumu fanɛ e wora kulubi nseŋ daa bile Ebɔrɛ so. E daa la kanyɛn nɛ baa tre Barakɛl nɛ e shi Buz be kasawule so nseŋ shi Ram be kabuna na pibinyɛn nna.

Levitikɔs 19:34

Men baa keta bumo fanɛ men braana Israɛl be basa nsaa sha bumo fanɛ men gbagba be amu. Men baa nyiŋi fanɛ menyi alɛ gba daa la befɔ nna ashi Ijipt be efuli so. Ma e la Enyɛnpe, men be Ebɔrɛ na.

Maak 8:34

Nɛ Yesu tre jimaŋ na nɛ mbe bebɛsopo m ba shɛr ŋ kaŋɛ bumo: “Ekama nɛ e bee sha kebɛ ma so, a daga e ka teŋ mbe kumu so nseŋ sulɔ mbe kedibi largato m bɛ ma so.

Luuk 10:36

Keŋasa ere be kaman nɛ Yesu bishi kanyɛn na: “Basa asa nɛ b tu kanyɛn nɛ beyu na daŋ bri na be emo e la kanyɛn na mo barkasa?”

Luuk 16:15

Nɛ e kaŋɛ bumo le: “Menyi e naa sha fanɛ basa e baa tre menyi basa lela, ama Ebɔrɛ nyi menyi be ŋgbene to be nfɛra. Asɔ nɛ durnya ere to ebi malɛ bee bunyaŋ a fɛ fanɛ a la asɔ lela na maŋ la shɛŋ Ebɔrɛ be anishito.”

Romebi 10:3

Ŋkpal manɛ so, b maa pin ekpa nɛ Ebɔrɛ bee sha fanɛ b bɔla so na to nɛ bumo nɛ mo e nyalɛ nsaa wɔtɔ a bɔla bumo gbagba be aworbi be ekpaana so. Loŋ malɛ e naa ŋini fanɛ b maŋ ta bumo be amu m bɔɔ Ebɔrɛ enɔ nɛ e shin nɛ mo nɛ bumo e nyalɛ.

Romebi 4:2

Nɛ fanɛ ashuŋ ko nɛ e daŋ wora nseŋ ji n lar Ebɔrɛ be anishito, kumo ere e daa beeŋ tiŋ ŋkpal amo so m puchi, ama e maaŋ tiŋ m puchi Ebɔrɛ bre be anishito.

Galeeshaebi 3:11

Kumo alɛ baŋ fuli nna a dese fanɛ esa kama maaŋ tiŋ m bɔla mbra na so n ji n lar Ebɔrɛ be anishito, ŋkpal manɛ so, abɔrɛsibɛ na bee kaŋɛ fanɛ, esa kama nɛ Ebɔrɛ kpal mbe yirda so n shin nɛ e ji n lar mo ere Ebɔrɛ be anishito na, beeŋ nya ŋkpa a wɔtɔ.

Jeems 2:24

To, le e naa ŋini fanɛ esa be ashuŋ shunso so nɛ Ebɔrɛ bee yili kumo fanɛ esa na maŋ kɔ kulubi mo to, mannɛ amodoŋwura be yirda nawule so.