Luuk 10:2 - EBƆRƐ BE KAWƆL

² Le nɛ e daŋ kaŋɛ bumo: “Kasɔteŋi na shi ga, ama beteŋipo nɛ baaŋ chala loŋ be asɔ na maŋ shi. Amoso, men kule Kasɔteŋiwura na nɛ e shuŋi beshumpo ko n ti so nɛ b chala mbe asɔ na.

Luuk 10:2 ပူးပေါင်းရင်းမြစ်များ

1 Bewura 18:22

Ndoŋ nna nɛ anebi Elaija naŋ kaŋɛ le: “Ma nawule e la Enyɛnpe Ebɔrɛ be anebi nɛ e ka, ama Baal be agbirwuraana bre wɔ alfa ana nɛ adunu.

Nshɛ 68:11

Fo e sa mbra na, nɛ beche damta cha awɔr, ŋ kaŋɛ kusɔ nɛ k wora.

Jɛremaya 3:15

Meeŋ shin nɛ basa nɛ b nyi asheŋ nsaa nu a sa ma e ji menyi so kuwura nsaa keni menyi so fanɛ mbolpɔkpapo.

Zakareya 11:17

Asheŋ maaŋ nyalɛ n sa loŋ be mbolpɔkpapo jiga nɛ e yige mbe mbolpɔ n lɛ na! Mbe eleŋ kikɛ beeŋ mur ashi kena to. Mbe kabre beeŋ wu, nɛ mbe jisoso be kenishi malɛ e tan!”

Zakareya 11:5

Basa nɛ b tɔ bumo na bee mɔ bumo nna nsaa ta bumo be amu a ji. Nɛ basa nɛ baa fa mbolpɔ na malɛ bee kaŋɛ le: ‘Mee di Ebɔrɛ epaŋ ŋkpal ŋ ka dii dama so!’ Mbolpɔkpapoana na gbagba maa shu mbolpɔ na so.”

Nɔmbɛs 11:17

Meeŋ gbelge m ba ndoŋ m ba malga menyi kutɔ, nseŋ sa bumo eleŋ nɛ n sa fo na, saŋɛ na so baaŋ baa chɛ fo to a keni ma basa so nɛ esulɔ na maaŋ naa la fo nawule peya.

Nɔmbɛs 11:29

Nɛ Mosis malɛ kaŋɛ le: “Fee kɔ kukɔrkɔ nna a sa ma a? K daa beeŋ par ma ga fanɛ Enyɛnpe Ebɔrɛ ka beeŋ sa mbe basa kikɛ eleŋ nɛ b baa malga fanɛ anebiana!”

Matiu 20:1

Nɛ Yesu naŋ kaŋɛ: “Ebɔrɛso be kuwura na du fanɛ kudɔwura ko ka koso chipurdidi nna n ya ber basa paa nɛ b ya shuŋ mbe ndibi be kudɔ to.

Maak 13:34

K beeŋ ba du fanɛ enyɛn nɛ e koso n yɔ enite to nna nseŋ ta mbe kowu m bɔɔ mbe nyɛrbi enɔ, ekama nɛ mbe kushuŋ nseŋ kaŋɛ esa nɛ e bee keni kabuna so na fanɛ e baa da so.

Maak 16:15

Nɛ e kaŋɛ bumo: “Men yɔ efuli kikɛ so n ya bɔ kubɔya na n sa kepɔrso kikɛ.

Maak 16:20

Bebɛsopo na ya bɔ bumo be kubɔya kaplɛkama nɛ bumo nɛ Enyɛnpe shuŋ nɛ Enyɛnpe ta etɔɔnɛsheŋ ŋ ŋini fanɛ bumo be kubɔya na la kashenteŋ nna. Amɛn.]

Luuk 9:1

Nɛ Yesu tre mbe bebɛsopo kuduanyɔ na m ba shɛr n sa bumo eleŋ nɛ ekpa nɛ b baa tiŋ a ju mbuibi lubi be yiri kikɛ basa to nseŋ chɛ basa be alɔ.

Ashuŋ Shunso 11:19

Tɔrɔ nɛ k daŋ ba jemanɛ nɛ b mɔ Stiven na daŋ shin nɛ beyirdapoana na pesaŋ to nna n yɔ mboŋ damta. Beko daŋ yɔ hale Fenisha nɛ Saipres nɛ Antiɔk n ya kaa bɔ Kristo be kubɔya na a sa Juwebi nawule.

Ashuŋ Shunso 13:2

Saŋko b ka bee bunyaŋ Enyɛnpe nsaa kishi nɛ Kiyoyu Cheeŋ na kaŋɛ bumo: “Men lara Baanabas nɛ Sɔɔl n sa ma nɛ b shuŋ kushuŋ nɛ n lara bumo fanɛ b ba shuŋ ere.”

Ashuŋ Shunso 13:4

Kiyoyu na ka shuŋi Baanabas nɛ Sɔɔl na nɛ b yɔ Sɛlyusia n ya yili ndoŋ n luri ekuloŋgboŋ to m bɔla nchu so n yɔ Saipres be kepla so.

Ashuŋ Shunso 20:28

Men baa de men gbagba be amuana so nsaa de basa nɛ Kiyoyu Cheeŋ na ta m bɔɔ menyi enɔ na so. Men baa keni Ebɔrɛ be asɔriebi nɛ e ta ŋ ki mo peya ashi mo gbagba Pibinyɛn be luwu na so fanɛ kananɛ asɔbɔyakpapo bee keni mbe asɔbɔya so na.

Ashuŋ Shunso 22:21

Nɛ Enyɛnpe kaŋɛ ma: ‘Lar nɛ n shuŋi fo kufɔ kufɔ nnyamase kutɔ.’ ”

Ashuŋ Shunso 8:4

Beyirdapo na nɛ b daŋ pesaŋ to na daŋ yɔ kaplɛkama nna n ya kaa bɔ kubɔya na.

1 Kɔrintebi 12:28

Asɔri na to, basa nɛ Ebɔrɛ juŋkpar n lara e la beshuŋipo, bumo nɛ b bɛ so e la abɔrɛsheŋ be bewuŋkaŋɛpo, besasopo e la beŋinipo, n ta emamachishumpoana m bɛ so, n ta bechɛpo nɛ bechɛtopo nɛ bumo nɛ baa keni ashuŋ be asheŋ to so m bɛ so nseŋ ta bumo nɛ baa gbar ŋgbar mo nɛ bumo gbagba maa nu m bɛ so.

1 Kɔrintebi 15:10

Ama ŋkpal Ebɔrɛ be kuwɔr be kakɛ so nɛ n du kananɛ n du ere na, mo alɛ be kuwɔr be kakɛ mo nɛ k ba ma so ere maŋ la jiga nna. Ama nɛ fo keni to, ma e shuŋ ga a chɔ bumo kikɛ, mannɛ ma gbagba bre, Ebɔrɛ be kuwɔr be kakɛ na e wɔ ma to a shuŋ.

2 Kɔrintebi 6:1

Naniere anyi nɛ Ebɔrɛ ka bee shuŋ ere, anyee kule nsaa fiɛ menyi so nna fanɛ men sa maa sɔ Ebɔrɛ be kuwɔr be kakɛ na kenyanyaŋɛso.

Filipaiebi 2:21

Bumo nɛ b ka na kikɛ be ekama wɔtɔ nna a de mo gbagba nawule be asheŋ so, ekama maŋ de Kristo be asheŋ so.

Filipaiebi 2:25

Mee fɛ nna fanɛ a daga fanɛ n naŋ shin nɛ Epafrodaites e bɛta n yɔ menyi kutɔ. E la ŋ kurgepo nɛ m barkasa eshumpo nɛ m barkasa ekɔpo nɛ mo koŋwule na naa la men be kabɔ nɛ men shuŋi mo fanɛ e ba kaa chɛ ma to ashi ma asheŋ tirso to na.

Filipaiebi 2:30

E daŋ ta mbe kumu nna a sha kesa ma kechɛto nɛ menyi ere gbagba daa maaŋ tiŋ n sa ma.

Kɔlɔsiebi 1:29

Kede so nɛ m baa mɔ ma kumu a ta eleŋ nɛ Yesu Kristo bee sa ma a shuŋ na.

Kɔlɔsiebi 4:12

Epafras nɛ e la Yesu Kristo be eshumpo nsaa la menyi yiri koŋwule na bee chɔrɔ menyi. Saŋkama e bee bugi mbe kagbene to nna a kule Ebɔrɛ a sa menyi nɛ men baa kɔ men be yirda na to kpakpa nɛ men be abɔrɛsheŋ be kenyi e baa wora keshi a ti so nsaa nyi kusɔ kama nɛ Ebɔrɛ bee sha a maa kɔ yalayala.

1 Tɛsalɔnikaebi 2:9

Bekurgepoana, m baa nyi fanɛ menyee nyiŋi kananɛ an mɔ anyi be amu n shuŋ saŋɛ nɛ an daa wɔ men kutɔ a malga Ebɔrɛ be baru lela na a sa menyi na ŋko? Kapa nɛ kanyɛ kikɛ nɛ an daa shuŋ, ŋkpal manɛ so, an daa maa sha keshin nɛ men be ekama e baa wɔ kegben to.

1 Tɛsalɔnikaebi 5:12

Bekurgepoana, anyee kule menyi fanɛ men baa bunyaŋ bumo nɛ b wɔ menyi to a shuŋ na, bumo nɛ Ebɔrɛ lara nɛ b baa la menyi be benimuana a ŋini menyi na.

2 Tɛsalɔnikaebi 3:1

Ade kikɛ be buushi, bekurgepoana, men baa kule Ebɔrɛ a sa anyi nɛ Enyɛnpe be kubɔya na e nya manaŋ n sɔ kakpa kikɛ n nya kemaŋkura fanɛ kananɛ k daŋ wora menyi kutɔ na.

1 Timoti 4:10

Anyee shuŋ ga a maŋ kɔ kachena ŋkpal an ka ta anyi be yirda n wɔtɔ Ebɔrɛ nɛ e kɔ ŋkpa nsaa la basa kikɛ be Emɔlgapo, fɔnfɔŋ bumo nɛ b yirda mo na to so.

2 Timoti 4:5

Fo ere, baa kɔ fo kumu to nɛnɛ kusɔ kama to. Baa ji tɔrɔ be kanyiti nsaa wora kushuŋ nɛ k daga fanɛ baru lela be emalgapo kaa bee wora. Baa shuŋ kushuŋ nɛ Ebɔrɛ ta m bɔɔ fo enɔ na kikɛ nyam.

Failimɔn 1:1

Kawɔl ere shi ma, Pɔɔl nɛ n wɔ kabuti to ŋkpal Kristo Yesu so nɛ an kurgepo Timoti kutɔ nna a yɔ an teri lela nɛ an barkasa eshumpo Failimɔn

Hibruwebi 3:6

Ama Kristo bre bugi kagbene nna fanɛ Ebɔrɛ Pibinyɛn a keni Ebɔrɛ be kowu to ebi so. Nɛ anyi alɛ baa kɔ anyi be kenyɛn na nɛ tama nɛ anyee puchi kumo so na to kpakpa, kumo ere an la Ebɔrɛ na be kowu to ebi nna na.

Kelaraŋŋini 2:1

E yɛ: “Sibɛ kawɔl ere n sa Ɛfeses be kade to be asɔri be malaika na ŋ kaŋɛ mo le: ‘Mmalga ere shi esa nɛ e kɔ achɛkpabi ashunu mbe enɔjiso to nsaa na shuwa be kefitilatɔl ashunu na to na kutɔ nna.