Luuk 10:18 - EBƆRƐ BE KAWƆL

¹⁸ Nɛ Yesu kaŋɛ bumo: “N wu Setani ka shi ebɔrɛso n tɔr a ba fanɛ bɔrɛ ka nyɛkpɛ na.

Luuk 10:18 ပူးပေါင်းရင်းမြစ်များ

Aizaaya 14:12

Fo Babilɔn be efuli so be ewura nɛ fo du fanɛ kachipurso be kechɛkpabi na, shi ebɔrɛso n tɔr to kasawule so! Jemanɛ nɛ k choŋ na fo daŋ kɔ m pɔɔ efuliana so nna, ama naniere fo alɛ gba nɛ b kɔ m pɔɔ so na.

Matiu 4:10

Ndoŋ nna nɛ Yesu kaŋɛ mo: “Shile ma anishito Setani! Abɔrɛsibɛ na bee kaŋɛ fanɛ: ‘Bunyaŋ Enyɛnpe fo Ebɔrɛ na nseŋ shuŋ mo nawule.’ ”

Baru lela nɛ Jɔn kute na 12:31

Naniere bre keji durnya ere demu be saŋɛ fo, naniere nɛ kegboŋi durnya ere to be ejuŋkparpo na ashi mbe kejuŋkpar na to na fo.

Baru lela nɛ Jɔn kute na 16:11

Mo alɛ beeŋ naŋ ŋini bumo fanɛ b foe kasogberge be kenyi be ekpa, ŋkpal manɛ so, Ebɔrɛ teŋ gboŋi durnya ere to be ejuŋkparpo na ashi mbe kejuŋkpar na to.

Hibruwebi 2:14

Kumo alɛ ŋkpal basa na ka kɔ dimɛdi be eyur nɛ ŋklaŋ na so mo gbagba sɔ bumo be kapɔr koŋwule na nna, saŋɛ na so e beeŋ bɔla luwu to m mur esa nɛ e kɔ luwu be eleŋ na. Mo e la Setani na.

1 Jɔn 3:8

Esa kama malɛ nɛ e bee wora asheŋ lubi la alubipo na peya nna, ŋkpal manɛ so, durnya be sososo na kikɛ nɛ alubipo na wɔtɔ a wora alubi m ba fo mbre. To, loŋ malɛ so nɛ Ebɔrɛ Pibinyɛn na lar m ba nɛ e ba jija alubipo na be ashuŋ.

Kelaraŋŋini 20:2

Ndoŋ nna nɛ e ya nyaŋ kusɔ gbeyeso, mo e la dra na kikɛ be kusɔkpaŋ nɛ baa tre mo koŋwule alubipo ŋko Setani na ŋ kre mo n nase nfɛ kagboŋ.

Kelaraŋŋini 9:1

Nɛ malaika nusopo foŋ mbe kabel nɛ n wu kechɛkpabi ka shi awɔlpa so m ba tɔr kasawule nɛ b ta kemaŋ nɛ k maŋ kɔ ekar na nɛ baa tre kumo Abis na be esɔfi n sa kumo.