Luuk 10:15 - EBƆRƐ BE KAWƆL

¹⁵ Nɛ menyi alɛ Kapɛɛniamebi, menyi daa sha kemaŋ men be amu so nna n yɔ ebɔrɛso ŋko? To, baaŋ ta menyi n lɛ n wɔtɔ Setani be edɛ to.”

Luuk 10:15 ပူးပေါင်းရင်းမြစ်များ

Jɛnesis 11:4

Kede be kaman nɛ b kaŋɛ le: “Naniere bre men shin nɛ an pɔr kadegboŋ n sa anyi be amu nseŋ pɔr ketempreŋ jeŋgreŋ n ya chute awɔlpa, saŋɛ na so, anyi be ketre beeŋ dii nɛ anyi maaŋ naŋ pesaŋ to a wɔ kasawule so kikɛ.”

Aizaaya 5:14

Bubuni wora shiriya nna m bela ase a jo Jerusalɛm to be bejuŋkparpoana na nɛ jimaŋ damta nɛ baa cha awɔr na, fɔŋfɔŋ bumo nɛ baa puchi kadegboŋ na so na.

Jɛremaya 51:53

Hale Babilɔn be egbalana dii n ya kaa chute awɔlpa nɛ kumo be mboŋ lempoana naŋ wora eleŋ n ti so gba, benapo nɛ meeŋ shuŋi na kraa beeŋ mur kadegboŋ na. Ma, Enyɛnpe Ebɔrɛ e kaŋɛ na.”

Ezikɛl 26:20

Ade kikɛ be kaman, nɛ n shin nɛ men wu n yɔ bubuni to n ya tu bumo nɛ b juŋkpar n yɔ ndoŋ na nɛ nde nɛ a daŋ mur dra dra na kikɛ na. Menyeeŋ ya kaa wɔ bubuni to nɛ esa maaŋ naŋ sɔ menyi so n chena menyi be ndegboŋana to.

Ezikɛl 31:18

Kedibi na e la fo Ijipt be ewura nɛ mbe basa. Iden be kudɔbi na to be ndibi gba be kela daa maŋ fo feya so. Ama naniere, kananɛ Iden be ndibi wu ŋ gbelge to n yɔ bubuni to na nɛ fo alɛ gba beeŋ wu n ya tu basa nɛ b maa ŋana Ebɔrɛ nɛ bumo nɛ b wu kena to na. Ma Enyɛnpe Ebɔrɛ na e malga na.”

Ezikɛl 32:18

E yɛ: “Dimɛdi pibi, baa shu ŋkpal Ijipt be basa damta so nseŋ shin nɛ b pin fanɛ bubuni to e daga bumo. Ndoŋ e la kakpa nɛ baaŋ ta bumo nɛ efuli pɔtɛana nɛ a kɔ eleŋ ga na be basa n ya puli.”

Ezikɛl 32:20

Menyi, Ijipt be basa, nɛ bumo nɛ b mɔ kena to na kikɛ e naŋ wu luwu koŋwule. Ŋkpal manɛ so, tokobi na teŋ wora shiriya nɛ k mɔ menyi kikɛ.

Ezikɛl 32:27

B daa maŋ puli bumo bunyaŋ so fanɛ kananɛ b daa puli dra na be basa nɛ b ji eleŋ ga nɛ b daa ta bumo nɛ bumo be akɔsɔ kikɛ a puli na. Jemanɛ ko le be benapo nɛ b ji eleŋ ga ere daa funti basa nɛ b wɔ ŋkpa to nna.

Obadaya 1:4

Kashenteŋ nna fanɛ fo wɔ awɔlto fanɛ kajɔnɔkoso ka bee firgi nna, fo alɛ nseŋ ta fo kowu n ya yuu fanɛ k kaa wɔ achɛkpabi to na, ama ma, Enyɛnpetale na e kaŋɛ fo na fanɛ meeŋ shin nɛ fo shi kakpa nɛ fo wɔ ere m ba kaseto.

Matiu 10:28

Men sa maa ŋana basa nɛ baa kaa tiŋ a mɔ men be eyur ere ŋkaa maaŋ naŋ tiŋ m mɔ men be ayoyu na. Esa nɛ e daga kaŋana e la emo nɛ e beeŋ tiŋ n jija esa be eyur nɛ mbe kiyoyu kikɛ ashi Setani be edɛ to.

Matiu 11:23

Nɛ menyi alɛ Kapɛɛniamebi, menyi daa sha kemaŋ menyi be amu so nna n yɔ ebɔrɛso ŋko? To, baaŋ ta menyi n lɛ n wɔtɔ Setani be edɛ to. Emamachisheŋ nɛ n wora menyi to ere, nɛ n daŋ wora amo Sodɔm to nna, dafanɛ k kraa wɔtɔ hale m ba fo mbre.

Matiu 4:13

Mannɛ Nazarɛt be kade to nɛ e daŋ ya chena. Kapɛɛniam nɛ k mata Galili be kepagboŋ na, Zɛbyulɔn nɛ Naftali be kasawule so nɛ e daŋ yɔ.

Luuk 13:28

Saŋɛ na so, menyeeŋ wu Eebraham nɛ Aizek nɛ Jeekɔb nɛ anebiana na kikɛ ashi Ebɔrɛ be kuwura na to, ama menyi alɛ maaŋ nya n luri. Ndoŋ nɛ menyeeŋ shu nseŋ we anyi to.

Luuk 16:23

Kachako nɛ damawura na malɛ wu nɛ basa ta mo n ya puli nɛ e yɔ edɛ to n ya kaa wɔ ebesa to nseŋ maŋ kumu so n wu Lazɔrɔs ka ya chena Eebraham be kekel so.

Ditɛronɔmi 1:28

Manɛ so nɛ anyi beeŋ yɔ ndoŋ? Anyi bee lɔ kufu nna, ŋkpal manɛ so, basa nɛ an shuŋi na kaŋɛ anyi fanɛ basa nɛ b wɔ ndoŋ na kɔ eleŋ a chɔ anyi nsaa du jeŋgreŋ a chɔ anyi. Kumo be kaman, bumo alɛ naa wɔ ndegboŋ nɛ b pɔr egbal jeŋgreŋ, nɛ a du fanɛ a ka fo awɔlpa to, ŋ kulti na to. B yɛ, b wu basa nɛ b pɔlto nsaa du jeŋgreŋ gba ndoŋ.’

2 Pita 2:4

Ŋkpal manɛ so, nɛ Ebɔrɛ maŋ yige emalaika mo nɛ b daŋ wora alubi na gba nseŋ daŋ yɛra bumo kemaŋ nɛ baa tre abis to na nɛ b ya kaa kɔ bumo to tentembiri to mina a jo demujiachɛ na,