Luuk 1:8 - EBƆRƐ BE KAWƆL

⁸ Saŋko nɛ bɔrɛmatapoana be daŋkare be kushuŋ na tɔr katuŋ nɛ Zakareya daa wɔ na to ebi so nɛ k ba fanɛ Zakareya e ya kaa shuŋ mbe kushuŋ Ebɔrɛ be anishito ashi bɔrɛlambu na to.

Luuk 1:8 ပူးပေါင်းရင်းမြစ်များ

1 Kronikɛls 24:19

Kananɛ Enyɛnpe Ebɔrɛ nɛ e la Israɛl be Ebɔrɛ na daŋ kaŋɛ bumo nananyɛn Ɛɛrɔn nɛ e yili bumo be ashuŋ ashi bɔrɛlambu na to nna na.

1 Kronikɛls 24:2

Nadab nɛ Abihu bre daŋ wu nna pɔɛŋ nɛ bumo tuto wu. Bumo alɛ daa maŋ kurge mbinyɛnsobi, amo so nɛ Eliaza nɛ Itama daŋ ki bɔrɛmatapoana na.

2 Kronikɛls 11:14

Livaiebi na yige bumo be asɔbɔya be ejikpa nɛ nsawule ko nna n lɛ nseŋ koso n yɔ Juda nɛ Jerusalɛm ŋkpal ewura Jeroboam nɛ e bee ji Israɛl be kuwura na nɛ bewura nɛ b bɛ mo so na kikɛ ka maŋ shuli fanɛ b baa shuŋ fanɛ Enyɛnpe Ebɔrɛ be bɔrɛmatapoana so.

2 Kronikɛls 31:19

Bɔrɛmatapoana nɛ b daa wɔ nde nɛ b ta n sa Ɛɛrɔn be kaman to ebi ŋko nde na be asɔbɔya be ejikpa be mboŋ na, benyɛn ko nɛ baa tiŋ a keta bumo be amu daa wɔ loŋ be nde nɛ bɔrɛmatapoana nɛ b la Ɛɛrɔn be kaman to ebi wɔ ndoŋ a chige ajibi a sa benyɛn nɛ b wɔ kebɔrɛmata be kanaŋ to na nna nɛ beko malɛ ti Livaiebi be kabuna ebi na so.

2 Kronikɛls 31:2

Ewura Hɛzekaya daŋ naŋ lɔŋɛ nna n yili bɔrɛmatapoana nɛ Livaiebi na be ntuŋ nɛ ashuŋ nɛ baa shuŋ. Ashuŋ na be ako e la kebaalara esarga chɔɔso nɛ kɔnɔkoŋwule be esarga nɛ kebaabunyaŋ Ebɔrɛ nɛ kebaadi Ebɔrɛ epaŋ nsaa juŋkpar kabɔrɛchɔrɔ ashi bɔrɛlambu na to.

2 Kronikɛls 8:14

Kananɛ mo tuto ewura Deevid nɛ e la Ebɔrɛ be esa na daŋ kaŋɛ mo na, nɛ mo alɛ gba bɛ so nseŋ nyiŋi m barga kushuŋ na to n sa bɔrɛmatapoana nɛ Livaiebi nɛ baa chɛ bɔrɛmatapoana to a boŋ nshɛ nseŋ naa chɛ bumo to a shuŋ karechɛ kikɛ na. E daŋ barga bɔrɛlambu na be mbuna be bekenipo na to ntuŋ ntuŋ so nna n yili nɛ baa shuŋ mbunagboŋ na be kekama ekpa karechɛ kikɛ.

Ɛzra 6:18

B daŋ ŋini bɔrɛmatapoana na nɛ Livaiebi na ashuŋ nɛ baŋ baa shuŋ bɔrɛlambu na to ashi Jerusalɛm to fanɛ kananɛ anebi Mosis be mbra bee ŋini na nna.

Ɛksodɔs 28:1

Naniere shin nɛ fo da Ɛɛrɔn nɛ mbe mbinyɛnso Nadab nɛ Abihu nɛ Eliazaa nɛ Itama e lar Israɛlebi na to m ba fo kutɔ, saŋɛ na so baaŋ ba kaa la bɔrɛmatapoana a shuŋ ma.

Ɛksodɔs 28:41

Ade kikɛ be kaman nɛ men ta le be asɔbuuso ere m buu fo da Ɛɛrɔn nɛ mbe bibinyɛn na nseŋ ta ŋku ŋ gbiti bumo n ta bumo m bɔɔ Ebɔrɛ enɔ, saŋɛ na so baaŋ ki bɔrɛmatapoana cheembi a shuŋ ma.

Ɛksodɔs 29:1

Men kaa shin nɛ men ta Ɛɛrɔn nɛ mbe bibinyɛn na m bɔɔ ma enɔ fanɛ bɔrɛmatapoana, men ta gbolu fɔlbi koŋwule nɛ ekpakpa anyɔ nɛ a maŋ kɔ ndulgi kikɛ.

Ɛksodɔs 29:44

Ma alɛ beeŋ shin nɛ Enyɛnpe be wajɛbu na nɛ bɔrɛsure na e ki ma asɔ cheembi. Nseŋ naŋ shin nɛ Ɛɛrɔn nɛ mbe bibinyɛn na malɛ gba e ki basa laraso cheembi a shuŋ ma fanɛ bɔrɛmatapoana.

Ɛksodɔs 29:9

nseŋ buu bumo nwuro n ta ekreso ŋ kre bumo so. Nɛ men wora loŋ Ɛɛrɔn nɛ mbe bibinyɛn nɛ bumo be kaman to ebi kikɛ beeŋ ki bɔrɛmatapoana a shuŋ ma hale mbaanaayɔ.

Ɛksodɔs 30:30

Ade kikɛ be kaman nɛ men ta ŋku na n do n do Ɛɛrɔn nɛ mbe bibinyɛn na gba so n ta bumo m bɔɔ ma enɔ nɛ b ki bɔrɛmatapoana a shuŋ ma.

Nɔmbɛs 18:7

Fo nɛ fo mbinyɛnsobi nawule e naaŋ baa shuŋ kabɔrɛmata be kushuŋ na ashi bɔrɛsure na so nɛ acheembiana to be kakpa cheembi na to. Ŋkpal manɛ so ma e ta kabɔrɛmata be kushuŋ ere n sa menyi. Amoso esa kama nɛ e ta kpramɛ n shuŋ kumo, daga b ka mɔ mo.”

Luuk 1:5

Jemanɛ nɛ Ewura Hɛrɔd daa ji kuwura ashi Judiya be efuli so na, bɔrɛmatapo ko daa wɔtɔ nɛ baa tre mo Zakareya. E daa la Abija be bɔrɛmatapoana be katuŋ na to be eko nna. Mbe eche be ketre e daa la Elizabɛt. Mo alɛ gba daŋ shi bɔrɛmatapoana be kanaŋ to nna, Ɛɛrɔn be kanaŋ to.

Luuk 1:7

Ama b daa maŋ kɔ mbia, ŋkpal manɛ so, Elizabɛt daa la egbentepo nna, mo alɛ nɛ mo kul Zakareya kikɛ daŋ bel nna.