Meeŋ juŋkpar etanpo m bɔla ekpaana nɛ b maŋ naŋ bɔla so ŋ ku so so. Meeŋ shin nɛ bumo be tentembiri e ki kefulto nseŋ shin nɛ ekpa lubi nɛ baa nite so e nyalɛ n sa bumo. Ma nnɔ naseso nna na, ma alɛ beeŋ wora m bɔlɔ amo kikɛ so nyam.
Enyɛnpe Ebɔrɛ, jande chena fo kuwurputigboŋ na so ashi fo kakpa cheembi nɛ k kɔ kemaŋkura na ŋ keni kusɔ nɛ k bee wora anyi. Fo shɛŋ maŋ naa wɔ anyi to nna a? Nnɛ nɛ fo eleŋgboŋ na wɔ? Ŋini anyi fanɛ anyi be asheŋ tir fo nseŋ wu anyi kuwɔr!
Meeŋ malga Enyɛnpe Ebɔrɛ na be alelasheŋ be asheŋ nseŋ kpaŋ mo ŋkpal asɔ nɛ e bee wora a sa anyi so. E nɛfa Israɛl be basa ga nna ŋkpal mbe kuwɔrwu nɛ kasha nɛ k wɔtɔ jemanɛ kikɛ na so.
Amoso fo, Joshuwa nɛ fo la bɔrɛmatapo nimuso nɛ fo braana bɔrɛmatapoana nɛ b wɔ nfe, e nu nɛnɛ. Menyi so nɛ echefoso be asheŋ lela kikɛ beeŋ bɔla so m ba, ŋkpal loŋ so mee sha kelara ma kayɛrbi nɛ e la ma ewura laraso na efuli nna.
Kumo be kaman nɛ fo kaŋɛ mo fanɛ Enyɛnpetale Ebɔrɛ na yɛ: ‘Kanyɛn ko beeŋ shi kakpa nɛ fo wɔ ere n lar fanɛ keyimu ka pete na m ba lɔŋɛ Enyɛnpe Ebɔrɛ na be bɔrɛlambu na m pɔr.
Ama menyi bekama nɛ men yirda ma na bre, ma kumɔlga na beeŋ ba menyi so fanɛ kananɛ epeŋi bee nyaŋɛ a sa basa alenfia na. Menyeeŋ nya men be amu nɛ men be ŋgbene malɛ e fuli menyi fanɛ b ka fiŋi kuluu nɛ anabi lar a tɛto a yɔ keji to na.
N wu fanɛ kachako so, Ewura ko beeŋ lar Israɛl be efuli so a du fanɛ kechɛkpabi nɛ k fulto parr na. E beeŋ lar fanɛ kuwurkpabi ashi Israɛl. E beeŋ mur Mowabebi kikɛ, nseŋ mur Sɛt be kaman to ebi cheche.
Ŋkpal manɛ so, Ebɔrɛ daŋ sha durnya ere ga so nna nɛ e ta mo Pibinyɛn koŋwule n sa durnya fanɛ nɛ esa kama nɛ e yirda mo, e maaŋ shir, ama e beeŋ nya ŋkpa nɛ k maŋ kɔ ekar na.
Ŋ ka kaŋɛ fanɛ men kikɛ be asheŋ wɔ ma kagbene to ere, Ebɔrɛ e la ma shɛdajipo fanɛ kasha damta nɛ ŋ kɔ a sa menyi na kikɛ la Kristo Yesu be kasha nna.
Nɛ fanɛ fo kɔ keleŋ n wɔtɔ be kebaawɔtɔ ŋkpal fo ka wɔ Kristo to so, mbe kasha bee wushi fo kagbene to nɛ fo nɛ Kiyoyu na kɔ kebaawɔtɔ koŋwule nna ŋko nɛ men la basa nna a sa abar nsaa wu abar kuwɔr kashenteŋto,
Amoso, men baa wora le be kelela ŋkpal Ebɔrɛ ka lara menyi ŋ kɔr a sha menyi a shin nɛ men baa du cheeŋ na so. Men baa wu kuwɔr, men baa la basa, men baa kɔ bunyaŋ, men baa kɔ kushuso, men baa kɔ kanyiti.
Amoso, anyee yirda asheŋ nɛ anebiana wu ŋ kaŋɛ ana an be ŋgbene to a ti so. Nɛ men baa bɛ amo so fanɛ fitila ka bee sa kefulto tentembiri be kakpa to na, menyeeŋ baa wora asɔ. Men baa kɔ to loŋ hale nɛ kachɛ na e ya kaa fo nɛ karechɛso be kechɛkpabi na e ya nyaŋɛ kefulto n wɔtɔ men be ŋgbene to.
Ama esa kama nɛ e kɔ durnya ere to be asɔ nseŋ wu fanɛ mo niopibi daga kechɛto, mo alɛ nseŋ ti mbe kagbene a maŋ chɛ mo to, nuso nɛ Ebɔrɛ be kasha bee wora a chena esa na wura to?
Ma Yesu e shuŋi ma malaika nɛ e ba ta le be shɛda be kubɔya ere m bɔ n sa asɔriana na. N la Ewura Deevid be kanaŋ to be Ejuŋkparpo nna nseŋ naa la mo Nanabi nɛ kachipurso be Nyanwuleji fuliso parr nna.”
