Luuk 1:7 - EBƆRƐ BE KAWƆL

⁷ Ama b daa maŋ kɔ mbia, ŋkpal manɛ so, Elizabɛt daa la egbentepo nna, mo alɛ nɛ mo kul Zakareya kikɛ daŋ bel nna.

Luuk 1:7 ပူးပေါင်းရင်းမြစ်များ

Jɛnesis 17:17

Ndoŋ nna nɛ Eebraham gbir ŋ kurgi kumu n yuu nseŋ fara a mushe a fɛ le: “Enyɛn beeŋ tiŋ n fo nfɛ kalfa nseŋ naŋ tiŋ n nya mbia a? Sɛɛra malɛ beeŋ naŋ tiŋ ŋ kurge kebia saŋɛ nɛ e fo nfɛ adekpanu ere a?”

Jɛnesis 18:11

Saŋɛ na so malɛ nɛ Eebraham nɛ Sɛɛra kikɛ daŋ bel nna hale Sɛɛra daa maŋ naa fɔr gba.

Jɛnesis 25:21

Aizek nɛ Rebɛka ka ta abar Rebɛka daa maa kurge nɛ Aizek kule Enyɛnpe Ebɔrɛ na n sa mo nɛ Enyɛnpe Ebɔrɛ na nu mbe kabɔrɛkule na n shin nɛ Rebɛka di kedampo.

Jɛnesis 30:1

Jemanɛ ere so kikɛ nɛ Reechel bre maŋ naŋ nya mbia n sa Jeekɔb, amoso e daa kɔ mo da Lia kukɔrkɔ nna nseŋ kaŋɛ Jeekɔb le: “Sa ma alɛ gba mbia, nɛ mannɛ aloŋ, meeŋ wu.”

1 Bewura 1:1

Ewura Deevid daŋ bel ga nna, amoso b ka ta ata m buu mo so gba nɛ awo kraa luri mo to nna.

2 Bewura 4:14

Kumo be kaman nɛ Elaisha bishi Gehazi le: “Manɛ a daga ŋ ka wora n sa mo?” Nɛ Gehazi kaŋɛ: “E maŋ kɔ ebinyɛn, nɛ mo kul malɛ bel.”

Luuk 1:5

Jemanɛ nɛ Ewura Hɛrɔd daa ji kuwura ashi Judiya be efuli so na, bɔrɛmatapo ko daa wɔtɔ nɛ baa tre mo Zakareya. E daa la Abija be bɔrɛmatapoana be katuŋ na to be eko nna. Mbe eche be ketre e daa la Elizabɛt. Mo alɛ gba daŋ shi bɔrɛmatapoana be kanaŋ to nna, Ɛɛrɔn be kanaŋ to.

Luuk 1:6

Bumo benyɔ kikɛ daa bɛ Enyɛnpe be mbraana na nɛ mbe asheŋ ŋinisoana na kikɛ so nna nɛnɛ a maa foe ekpa kikɛ nsaa wɔ kebaawɔtɔ cheembi nɛ k bee par Ebɔrɛ to.

Luuk 1:8

Saŋko nɛ bɔrɛmatapoana be daŋkare be kushuŋ na tɔr katuŋ nɛ Zakareya daa wɔ na to ebi so nɛ k ba fanɛ Zakareya e ya kaa shuŋ mbe kushuŋ Ebɔrɛ be anishito ashi bɔrɛlambu na to.

Romebi 4:19

Mo ere Eebraham na daŋ fo fanɛ nfɛ kalfa, ama e ka daŋ keni mo gbagba be eyur ka daa maŋ naa kɔ eleŋ so, mbe yirda be eleŋ daa maŋ yɔɔ. Mo alɛ ka daŋ naŋ wu fanɛ mbe eche Sɛɛra be kakurge be saŋɛ baŋ so, mbe yirda na be eleŋ maŋ yɔɔ.

Hibruwebi 11:11

Yirda e daŋ shin nɛ mbe eche Sɛɛra daŋ bel nseŋ daŋ nya eleŋ n di kedampo, ŋkpal manɛ so, e daŋ baa nyi geeŋ fanɛ esa nɛ e daŋ sa mo loŋ be kɔnɔ naseso na daa beeŋ wora kusɔ nɛ e daŋ kaŋɛ fanɛ e beeŋ wora na.

1 Samuɛl 1:2

Beche anyɔ nɛ Ɛlkana daa kɔ. Eko be ketre e daa la Haana nɛ eko malɛ be ketre daa la Pɛnina. Pɛnina daa kɔ mbia, ama Haana bre daa maŋ kɔ.