Luuk 1:66 - EBƆRƐ BE KAWƆL

⁶⁶ Ekama nɛ e nu kumo be asheŋ fɛ kumo be nfɛra nseŋ kaŋɛ: “Nuso be esa nɛ kebia ere yɛ e ba ki.” K daŋ baŋ fuli nna fanɛ Ebɔrɛ be eleŋ daa wɔ mo to.

Luuk 1:66 ပူးပေါင်းရင်းမြစ်များ

Jɛnesis 37:11

Ndoŋ nna nɛ mo daana na fara a kɔ mo kukɔrkɔ ŋko a besa mo eyur ashi bumo be ŋgbene to, ama mo tuto bre daa maŋ teŋ kesheŋ na so.

Jɛnesis 39:2

Enyɛnpe na daa wɔ Josɛf kutɔ nna a nɛfa mo ashi kusɔ kama nɛ e bee wora ashi mo nyɛnpe Ijiptnyɛn na be laŋ to.

1 Bewura 18:46

Nɛ Enyɛnpe Ebɔrɛ be kiyoyu gbelge anebi Elaija so nɛ e lɔŋɛ mbe epiŋi ŋ kre to nseŋ shile n ya choŋ Ahab so n yɔ Jizreel be kade to.

Nshɛ 119:11

N ta fo mbra nna n wɔtɔ ma kagbene to, saŋɛ na so m maaŋ wora kulubi ŋ gbiti fo.

Nshɛ 80:17

Chɛ esa nɛ e chena fo enɔ jisa so na to. Mo e la nyiŋgbasa pibinyɛn nɛ fo bela mo n sa fo kumu na.

Nshɛ 89:21

Jemanɛ kikɛ ma eleŋ beeŋ baa wɔ mo so, nɛ ma eleŋgboŋ na e baa sa mo eleŋ.

Luuk 1:80

Nɛ kebia na daŋ eyur to a kɔ Kiyoyu Cheeŋ na be eleŋ ga. Kiyi to nɛ e daa wɔ n ya fo jemanɛ nɛ e fara a bɔ mbe kubɔya a sa Israɛlebi na.

Luuk 2:19

Mɛɛri malɛ daŋ ta asheŋ ere kikɛ nna n wɔtɔ mbe kagbene to a fɛ amo be nfɛra.

Luuk 2:40

Nɛ kebia na daŋ eyur to a kɔ eleŋ, nɛ kanyiasheŋ bɔlɔ mo to nɛ Ebɔrɛ malɛ be kasha wɔ mo so.

Luuk 2:51

Amo be kaman nɛ mo nɛ bumo bɛta n yɔ Nazarɛt nɛ e ya kaa wɔtɔ a nu a sa bumo. Nɛ mo nio ta asheŋ ere kikɛ n wɔtɔ mbe kagbene to a wɔtɔ.

Luuk 9:44

Asheŋ nɛ Yesu daŋ wora na kikɛ daŋ kraa chinchiŋ basa na nna nɛ Yesu kaŋɛ mbe bebɛsopo: “Men sa maŋ kaŋ teŋ kusɔ nɛ mee shin nɛ ŋ kaŋɛ menyi ere so. Baaŋ ta ma, Nyiŋgbasa Pibinyɛn m bɔɔ basa enɔ.”

Ashuŋ Shunso 11:21

Enyɛnpe be eleŋ ka daa wɔ bumo to na so, basa damta daŋ yirda bumo be kubɔya na nseŋ fara a bɛ Enyɛnpe na so.

Kɔlɔsiebi 1:5

ŋkpal men ka bee tama asɔ nɛ Ebɔrɛ bela n yili menyi ebɔrɛso so.

1 Samuɛl 16:18

Nɛ mbe nyɛrbi na be eko kaŋɛ: “Kanyɛn ko nɛ baa tre Jɛsi nɛ e wɔ Bɛtlɛhɛm na be kebia nyi jaŋjilaŋ be kelaŋ ga. E la enapo mo nɛ e kɔ kenyɛn nna ga nsaa walɛ kayɛrbi ga nɛ mbe mmalga gba wɔ ebel nɛ Enyɛnpe Ebɔrɛ na wɔ mo kutɔ.”

1 Samuɛl 2:18

Le be saŋɛ so kikɛ nɛ kebinyɛnsobi Samuɛl bee shuŋ Enyɛnpe Ebɔrɛ na nna, nsaa buu kabɔrɛmata be piŋi nɛ baa tre ɛfɔd na.