Luuk 1:65 - EBƆRƐ BE KAWƆL

⁶⁵ Kufu daŋ pɛ mbe bechenashapoana kikɛ ga nɛ asheŋ nɛ a wora na be baru sɔ Judiya be kebee be efuli na so kikɛ.

Luuk 1:65 ပူးပေါင်းရင်းမြစ်များ

Matiu 2:1

Bɛtlɛhɛm nɛ k wɔ Judiya be kasawule so na to nɛ b daŋ kurge Yesu, saŋɛ nɛ Ewura Hɛrɔd daa ji ndoŋ be kuwura na. B ka kurge Yesu k maŋ chɛr ko nɛ basa ko nɛ b daa koya achɛkpabi be asheŋ na shi epeŋilarkpa m ba Jerusalɛm m ba bishi:

Luuk 1:39

K maŋ chɛr ko nɛ Mɛɛri bela ase n nya manaŋ n yɔ kebee so be kade ko to, Judiya be efuli so.

Luuk 2:18

K daŋ chinchiŋ bekama nɛ b nu mbolpɔkpapoana na be mmalga na ga.

Luuk 5:26

Demu na daŋ chinchiŋ bumo ga nɛ kufu pɛ bumo nɛ b di Ebɔrɛ epaŋ a kaŋɛ: “An wu mamachi kabre!”

Luuk 7:16

Kufu daŋ pɛ ekama ga nɛ bumo kikɛ di Ebɔrɛ epaŋ ŋ kaŋɛ: “Esa nɛ e chɔ Anebi gboŋ ba anyi to,” nseŋ naŋ kaŋɛ: “Ebɔrɛ ba nɛ e ba mɔlga mbe basa.”

Ashuŋ Shunso 19:17

Juwebi nɛ nnyamase nɛ b daa wɔ Ɛfeses na kikɛ ka nu kumo nɛ kufu pɛ bumo kikɛ ga nɛ b sa Enyɛnpe Yesu be ketre kemaŋkura ga.

Ashuŋ Shunso 2:43

Beshuŋipoana na daŋ wora emamachisheŋ nɛ Ebɔrɛ be asheŋ ŋiniso damta n shin nɛ ekama kooba kufuso ga.

Ashuŋ Shunso 5:11

Kufu daŋ pɛ asɔriebi na kikɛ nɛ bekama nyam nɛ b daŋ nu kesheŋ ere na ga.

Ashuŋ Shunso 5:5

Ananiyas ka baŋ nu kesheŋ ere nɛ e tɔr n wu epul na to nɛ kufu pɛ bekama nɛ b nu kumo be asheŋ na ga.

Joshuwa 10:40

Joshuwa daŋ kɔ m pɔɔ efuli na kikɛ so nna. E daŋ pɔɔ bewura nɛ b wɔ abee be efuli nɛ k wɔ nferinto na so, nɛ bumo nɛ b wɔ epeŋilarkpa be kaba so na, nɛ bumo nɛ b wɔ abee nɛ a wɔ epeŋitɔrkpa be kaba so na, nɛ bumo nɛ b chena kelargato be kaseto be keshishɛrsawule so na kikɛ so nna. Ndoŋ be esa kama daa maŋ pete. Kupɔrso kikɛ daa maŋ ji efute, ŋkpal manɛ so, loŋ nɛ Enyɛnpe Israɛl be Ebɔrɛ na daŋ kaŋɛ bumo fanɛ b wora.

Joshuwa 10:6

Kubɔya nɛ Gibiɔnebi na daŋ shuŋi ŋ kaŋɛ Joshuwa ashi Gilgaal be keeyi to e daa la: “Men sa maŋ yige anyi n lɛ. Men ba mɔlga anyi manaŋ! Men ba naniere m ba chɛ anyi to, ŋkpal manɛ so, Amɔriebi be bewura nɛ b shi kebee so be efuli so na kikɛ chɛ abar nna a kɔ anyi kena.”

Kelaraŋŋini 11:11

Nchɛ nsa nɛ bargato na be kaman nɛ ŋkpa be efute shi Ebɔrɛ kutɔ m ba luri bumo to nɛ b niŋi to nɛ kufu pɛ basa na be ekama nɛ e wu bumo na ga.